ရှောင်းကျန့်တို့ပြောစရာစကားကုန်ချေပြီ !
အဲ့ဒီနောက်သူတို့နှစ်ယောက်လုံးရှောင်းကျန့်အိမ်ပြန်ရောက်တဲ့အထိစကားလုံးဝမပြောဖြစ်တော့ဘူး ။
" ဒီညမင်းအိမ်မှာအိပ်မှာ "
ကားပေါ်ကဆင်းခါနီး ကိုငယ်ပြောလိုက်တဲ့စကားကြောင့်ကားပေါ်ကဆင်းမဲ့ရှောင်းကျန့်ခြေထောက်တို့ရပ်သွားသည် ။
" ဘာလို့ကျွန်တော့်အိမ်မှာအိပ်မှာလဲ "
" အိပ်ချင်လို့ "
ရှောင်းကျန့်လည်း'သဘော'လို့ပြောပြီးကားပေါ်ကဆင်းပြီးအိမ်ထဲကိုဝင်လာခဲ့လိုက်သည် ။ အိမ်ထဲရောက်တော့ဟိုကြည့်ဒီကြည့်နဲ့ကိုယ့်အိမ်ကိုစပ်စုနေတဲ့သူကိုရှောင်းကျန့်ကပဲစကားစရပြန်သည် ။
" ကျွန်တော့်အခန်းထဲမှာခနသွားနားပါလား ၊ ကျွန်တော်ဘေးအခန်းကိုသွားပြင်ပေးမယ် ခနစောင့်အုံး "
" ရတယ်မပြင်နဲ့ မင်းအခန်းထဲပဲအိပ်မယ် "
" ရပါတယ် အခန်းပြင်တာအပန်းမကြီးပါဘူး ပြီးတော့ခနပဲကြာမှာပါ "
" ဘာလို့လဲ၊မင်းနဲ့ငါတစ်ခန်းတည်းအတူတူအိပ်တာထူးဆန်းလို့လား ဘာလို့အကြောက်အကန်ငြင်းနေတာလဲ "
သူအဆင်မပြေမှာစိုးလို့တစ်ခန်းသပ်သပ်ပြင်ပေးမလို့ကို ကိုယ်ကပဲအကြောက်အကန်ငြင်းရတယ်ရှိသေး အံ့ဩပ ။
" ဧည့်သည်အဆင်မပြေမှာစိုးလို့ကျွန်တော်ကအခန်းပြင်ပေးတာပါ အကြောက်အကန်ဖြစ်စရာဘာမှမရှိပါဘူး "
ရှောင်းကျန့်ကလေသံအေးအေးနဲ့ပြန်ပြောပြီး အခန်းထဲဝင်ဖို့အလုပ် ဝမ်ရိပေါ်ကရှောင်းကျန့်လက်ကိုအားနဲ့ဆွဲလိုက်သည်မို့ ဝမ်ရိပေါ်ရင်ခွင်ထဲဝင်လုဝင်ခါနီးဖြစ်သွားသည် ။
" ဧည့်သည်လို့ပြောရအောင်မင်းနဲ့ငါကသူစိမ်းလား ရှောင်းကျန့် "
" သူစိမ်းမဟုတ်ရင်ဘာလဲ ! ကိုငယ်ကကျွန်တော့်ကိုဘယ်တုန်းကညီအစ်ကိုလိုသတ်မှတ်ဖူးလို့လဲ သူစိမ်းလို့ပဲသတ်မှတ်ထားတာမလား "
YOU ARE READING
Apologize , my baby's father ( Complete )
Random?????????????????????????????????????????????? ?
Part : 13 [ U & Z ]
Start from the beginning
