?????????????????????????? ???? (????????)

သို့သော် သူမသည် ရုတ်တရက် အခြားအရာတစ်ခုခုကို တွေးမိသွားကာ သူမလုပ်နေသည်ကို ချက်ခြင်းရပ်တန့်လိုက်သည်။

"ဘက်!" ထို့နောက် သူမသည် နှုတ်ခမ်းနီကို သူမ၏ခြေသည်းဖြင့် ရိုက်ချလိုက်ပြီး အမြန်ပြန်ဆွဲလိုက်သည်။

သူမ ခြေထောက်လေးချောင်းကို ကွေးပြီး မှန်တင်ခုံပေါ် လှဲချကာ သူမ၏ရှေ့ဘက်ခြေဖဝါးနှစ်ခုကြားတွင် နှုတ်ခမ်းနီကို အရှေ့၊ အနောက် လှိမ့်နေလိုက်သည်။

သူမသည် အမှန်တကယ် ၎င်းကို ကြမ်းပြင်ပေါ် သို့ ပစ်ချချင်ခဲ့ခြင်းပင်။ သို့သော် သူမ မလုပ်နိုင်! မာမီ သိသွားသောအခါ သူမကို ဆူလိမ့်မည်။ quq

ဒယ်ဒီတွင် ပိုက်ဆံ အများကြီးရှိသောကြောင့် ဒယ်ဒီဆီမှာဆိုလျှင် သူမ ကြိုက်သည့် မည်သည့်အရာကိုမဆို ကြမ်းပြင်ပေါ်သို့ ပစ်ချနိုင်သည်။

သို့သော် မာမီ....

သူမတွင် ပိုက်ဆံအများကြီး ရှိ၊ မရှိ မသိပေ။

ငါ ထိန်းချုပ်နိုင်တယ်။ ငါ ထိန်းချုပ်နိုင်တယ်။ ငါ ထိန်းချုပ်နိုင်တယ်။

မျန်ဟွာထန်လေးသည် သူမ၏ လက်သည်းလေးတွေကို ထိန်းချုပ်ရန် အကောင်းဆုံး ကြိုးစားခဲ့သည်။ သူမ၏ လှပသော ကြောင်မျက်လုံးများနှင့် နေရာအနှံ့ကို ကြည့်လိုက်ရာ နံရံတစ်ခုတွင် စုပုံထားသော ကတ်ထူသေတ္တာများစွာကို တွေ့လိုက်ရသည်။

ကြောင်ကလေးမျန်ဟွာထန်သည် ပျော်ရွှင်စွာပင် သေတ္တာတစ်လုံးထဲ၌ ကွေးကောက်နေလိုက်ပြီး အကြိမ်အနည်းငယ် လှည့်ပတ်ကာ ဘူး၏ဘေးဘက်အား စိတ်လှုပ်ရှားစွာ ကုတ်ခြစ်လိုက်သည်။ သူမ၏ သေးငယ်သော အမြီးရှည်ရှည်သည် ရံဖန်ရံခါတွင် ဟိုဘက်ဒီဘက်သို့ ယိမ်းထိုးနေသည်။

ယဲ့ချင်းတစ်ယောက် သွားတိုက်ပြီး ပြန်မလာခင်အထိ သူမလေးသည် သိပ်မကစားလိုက်ရပေ။ ကြောင်တစ်ကောင်လုံးသည် သေတ္တာအတွင်း၌ရှိနေပြီး မြင်နေရသည့် တစ်ခုတည်းသော အစိတ်အပိုင်းမှာ ရံဖန်ရံခါ လှုပ်ယမ်းနေသော အမြီးထိပ်ဖျားလေး ဖြစ်သည်။

ဒီမှာ ရှိနေတုန်းလား? ယဲ့ချင်း တွေးလိုက်သည်။

သို့သော် ကြောင်ကလေးသည် သူမအသံကို ကြားပြီးနောက် သေတ္တာထဲမှ တွားသွားထွက်လာသောအခါ မသိစိတ်ကပင် အပြုံးတစ်ပွင့်သည် သူမမျက်နှာပေါ်တွင် ပေါ်ထွက်လာခဲ့သည်။

သူမမာမီ၏အပြုံးသည် ချန်မျန်၏နှလုံးသားထဲတွင် နွေးထွေးသောတောက်ပမှုကို ခံစားမိစေခဲ့သည်။ သူမသည် ပျော်ရွှင်စွာ အကြိမ်အနည်းငယ် မြှောင်လိုက်ပြီး သူမ၏ အမြီးသည် ယခင်ကထက်ပင် ပိုမို၍ လှုပ်ယမ်းလာခဲ့သည်။

သူမ၏ ပြေပြစ်သော အပြုံးလေးကို ထိန်းသိမ်းရင်းပင် ယဲ့ချင်းသည် သူမ၏ မှန်တင်ခုံရှေ့သို့ လျှောက်သွားကာ နှုတ်ခမ်းနီကို ညာဘက်အပေါ်သို့ တင်လိုက်သည်။ ထို့နောက် သူမ၏ မှန်တင်ခုံပေါ်ရှိ ကြောင်အမွေးအားလုံးကို တစ်ပင်ချင်းစီ ကောက်ယူပြီး အမှိုက်ပုံးထဲသို့ထည့်လိုက်သည်။

အမွေးရှည်ကြောင်များသည် နေရာအနှံ့တွင် အမွေးကျွတ်သည်က ကျိန်းသေပေါက်ပင်။

သူမ၏ ညစဉ် အသားအရေ ထိန်းသိမ်းမှု ပုံမှန်လုပ်ဆောင်ပြီးနောက်၊ သူမသည် တက်ဘလက်ဖြင့် အိပ်ရာထဲသို့ တက်သွားခဲ့သည်။

ရှေးခေတ်ဒရာမာဇာတ်လမ်းတွဲ အသစ်တစ်ကားရှိခဲ့ပြီး သူမသည် ၎င်းကို အလွန် သဘောကျနေသည်။

သူမသည် ပျော်ရွှင်စွာကြည့်နေတုန်းမှာပင် ကြောင်ကလေးသည် သေတ္တာများကို ထားခဲ့ကာ သူမဆီသို့ လာခဲ့လေသည်။

                                            •.•