~????????~

part-32

ဦးမာန်နေစွယ်လည်း သတိမရသေးတော့ ဓနိ ခုနကစကားကောင်းကောင်းမပြောလိုက်ရသည့် ငုဝါကို ရှာဖို့ဆေးရုံခန်းဆီမှ ထွက်လာခဲ့လိုက်သည်။

သူနာပြုဝတ်စုံနှင့် မိန်းကလေးတွေအများကြီးရှိသော်လည်း သူမမဟုတ်ပေ။

အထွက်ပေါက်ဆီသို့ လှစ်ကနဲပြေးသွားသည့်ကျောပြင်လေးကို တွေ့လိုက်ရမှ နောက်ကလိုက်သွားခဲ့လိုက်သည်။

ဖြစ်နိုင်ချေတွေအများကြီးမရှိသော်ငြားလည်း သူလမ်းခွဲခဲ့လို့ သူမနာကျင်နေမလား...စိတ်ညစ်နေမလားဟု တွေးမိသေး၏။

မကို အချစ်ရောသံယောဇဥ်ရောရှိတာမို့ ထိခိုက်ခံရမည်စိုး၍
သူ့ဘက်ကစပြီးလမ်းခွဲခဲ့တာလည်းဖြစ်သည်။ တစ်ဖက်မှာက
သူကချစ်ရတဲ့သူ...တစ်ဖက်မှာကသူ့ကိုချစ်နေသည့်သူ....

သူဘယ်ဘက်ကို ခုန်ဆင်းရမလည်းဟုစဥ်းစားမရပေမယ့်
ချစ်ရတဲ့သူကိုတော့ မနာကျင်စေချင်ပါ.....

မ..က သူ့အတွက် love at first sight လို
မြင်မြင်ချင်းအချစ်ဖြစ်ခဲ့ပြီး အချစ်ဦးလည်းဖြစ်ခဲ့သည်။

ရိုးသားဖြူစင်ပြီး ပွင့်လင်းသည့်အပြုံးလေးနှင့်သူမက အချစ်ဦးနေရာသို့တရားဝင်ရခဲ့လေသည်။

အလွတ်မှတ်ထားမိသည့်ကျောပြင်နောက်သို့ပြေးလိုက်ရင်း ဆေးရုံရှေ့၌ သူမထမင်းချိုင့်ကို ကူကိုင်ပေးပြီး လမ်းအတူလျှောက်သွားသည့် အမျိုးသားတစ်ယောက်ကိုတွေ့လိုက်ရသည့်အခါ....သူမပြောသည့်အချစ်ဦးဆိုတာကို သတိရသွားခဲ့၏။

တစ်ခါမှမမြင်ဖူးသည့် နှစ်လိုဖွယ်အပြုံးတွေနှင့် ထိုအမျိူးသားကိုပြုံးပြနေကတည်းက ထိုသူဟာ သူမမမေ့နိုင်ခဲ့သည့်
ပထမဆုံးသောသူဆိုတာကို သူမမပြောပြလည်းသူရိပ်မိခဲ့ပါပြီ...

maskတပ်ထား ဦးထုပ်ဆောင်းထားပေမယ့်
သူဘယ်သူလဲဆိုတာ သိနေခဲ့၏။

ရုပ်ရှင်အတူတူသွားကြည့်တိုင်း ထိုမင်းသား၏မျက်နှာပါသော series poster တွေကို သူမရပ်ပြီးငေးကြည့်နေတာကို
ရိပ်မိခဲ့ပြီး ဒီအတိုင်း မင်းသားတစ်ယောက်ကိုသဘောကျတာမျိုးထင်နေခဲ့တာ.....