?? ?? [A Trace of the Wonder]

???????(??)

ရီဆွန်းသည် သူ့အနားမှာနေတာက ကောင်းတာဖြစ်လာဖို့မရှိဟု ခွန်းတုံ့ပြန်ပက်လိုက်ချင်ပေမဲ့ ဆျာဟွန်းက အတင်းအကျပ် ဟူသည့်စကားကို သုံးထား၍ သူထပ်ပြောနိုင်မရှိတော့ပေ။စိတ်ပျက်လိုက်တာ....

ပြီးသွားရင် တိုက်ခန်းအသစ်ကို သူ့သူငယ်ချင်းတွေကို တစ်ပါတည်းခေါ်လာနိုင်မနိုင်ကို စိတ်ပူနေမိသော်လည်း ခဏက ရီဆွန်းပြောသွားပုံအရ ခေါ်လာနိုင်မည့်ပုံမပေါ်ပါ။သူ့ရည်ရွယ်ချက်ကိုက အလောင်းကောင်ဖြစ်သွားသည့်သူ့သူငယ်ချင်းတွေနဲ့ ဝေးနိုင်သမျှဝေးအောင်ခွဲထားပြီး သူ့ကိုယ်သူအပြစ်တင်စိတ်သာဖြစ်စေသည့် ပတ်ဝန်းကျင်မျိုးကနေ ခွဲထားမှာဖြစ်သည်။

ဗြုန်းစားကြီး အိမ်ပြောင်းရမည့်ကိစ္စကို စိတ်အနှောင့်အယှက်ဖြစ်ရမည့်အစား အိမ်တွင်ချန်ခဲ့ရမည့် သူငယ်ချင်းတွေကို စိတ်မပူဘဲ မနေနိုင်ခဲ့ပေ။ကျိန်းသေပေါက် သူတို့သည် အစာစားဖို့မလိုသကဲ့သို့ သာမန်နေ့တဒူဝကိစ္စတွေကိုလုပ်စရာမလို၍ သူ့အကူအညီကို မဖြစ်မနေရဖို့မလိုသည်ကို သူသိပါသည်။

ရီဆွန်းသည် ယာဥ်မောင်းနေရာမှာရှိနေသည့် ဒရိုင်ဘာကိုကြည့်လိုက် ခရီးသည်နေရာမှာရှိနေသည့်သူကို စောင်းကြည့်ပြီးနောက် သတိထားပြီး ဆျာဟွန်းအနားစောင်းလိုက်သည်။တိုးတိုးကပ်ကပ်နေရသည်ကို တကယ်မကြိုက်ပါ။ထိုအချိန်တွင် ဆျာဟွန်းက သူ့ခေါင်းကို လိုလိုလားလားနှင့် အရှေ့ကိုစောင်းပေးလာသည်။

"အိမ်မှာ ကျန်ခဲ့တဲ့ ကျွန်တော့်သူငယ်ချင်းတွေကရော? လျှောက်သွားရင်းနဲ့ တစ်ခုခုနဲ့တိုက်မိတာတို့ စာအုပ်စင်အောက်မှာ ဖိမိနေမှာကို စိတ်ပူလို့.."

"အဲဒါလေးနဲ့ သေမှာမလို့လား?"

"......."

ဆျာဟွန်းသည် သူ့ကိုကြည့်ကာ အဖြေစောင့်နေပေမဲ့ သူ ဘာပြောရမှန်းမသိတော့ပေ။ထိုကဲ့သို့သော ဒုက္ခမျိုးကြောင့်သာ သေမယ်ဆိုရင် အစောကြီးကတည်းက သေသွားပြီဖြစ်သည်။အနှီဖြစ်ရပ်မှန်ကို သူသိပေမဲ့ သူ့ပူပန်မှုတွေကို မဖယ်ရှားနိုင်ပေ။ရီဆွန်း၏အတွေးတွေကို ဖတ်မိပုံရသည့်ဆျာဟွန်းသည် မျက်မှောင်ကြုတ်ကာ သူ့ကို သတိပေးလာခဲ့သည်။