(Uni)
" မြေးလေး.. ဘာဖြစ်လို့လဲ "
ကျောင်းတက်ဖို့ကို တက်ကြွနေခဲ့တဲ့မြေးငယ်မှာ လက်ချင်းတွဲလို့ လမ်းအတူလျှောက်လာကြရင်းက လမ်းတစ်ဝက်လည်းရောက်ရော ခြေတစ်လှမ်းလှမ်းဖို့တောင် တွန့်ဆုတ်သွားတာကြောင့် ဒေါ်ခင်နှင်းကြည် အမေးပြုမိလေသည်။
ဘွားမေပြန်ချုပ်ပေးထားတဲ့ ဖိနပ်ဟောင်းလေးကို တွေတွေလေးစိုက်ကြည့်ပြီး မလှုပ်မယှက်ရပ်နေတဲ့ ခညောင်းဦးက ကျောင်းသွားရမယ့်ခြေလှမ်းတွေအတွက် ပေကပ်ကာ တွန့်ဆုတ်လို့နေရှာသည်။ ဒါ့အပြင်..၊ သက်ပြင်းမောရှိုက်စေမိသည်အထိ ဝတ်ထားရတဲ့ ကျောင်းဝတ်စုံဂါဝန်ပွပွက ၈နှစ်အရွယ် ကလေးတစ်ယောက်အပေါ်မှာ ဖိအားကြီးလွန်းလှသည်။
" မြေးလေး ဘာဖြစ်နေတာလဲကွယ်..။ ဘွားမေကိုပြောစမ်း "
" ဘွားမေ သမီး..အင့်.. သား ကျောင်းမသွားချင်ဘူး.. "
" ဟင်.. ဘာလို့လဲ ငါ့မြေးလေးရယ်။ စာတွေက မှတ်ရခက်လို့လားဟင် "
ခညောင်းဦးက ခေါင်းလေးကိုခါယမ်းပြလာပြီး ဘွားမေကိုလှမ်းဖက်လိုက်တော့ ဆံရစ်ဝိုင်းလေးက လှုပ်ခါသွားလေသည်။
" ကျောင်းမှာ သမီး..အင့်.. သားကို အရူးမကြီးသားဆိုပြီး ဝိုင်းပြောကြတယ်။ သူတို့နဲ့ကစားချင်တာကို..အင့်.. အနားမကပ်ဖို့.. ကျောက်ခဲတွေနဲ့လည်း ပစ်ပေါက်ကြတယ်..အင့်.. သဲတွေနဲ့လည်း ဝိုင်းပက်ကြတယ်.. အီးဟီးဟီး!!! "
ဗိုက်နားမှာမျက်နှာလေးဝှက်လို့ အော်ဟစ်ငိုကြွေးနေရှာတဲ့ မြေးဖြစ်သူကြောင့် ဒေါ်ခင်နှင်းကြည်ရဲ့ ရင်ဘတ်တစ်ခုလုံးမှာ နိမ့်ချည်မြင့်ချည်နဲ့ တင်းကျပ်လို့သွားရလေတော့သည်။ ဒီဒဏ်ရာတွေကို သူမေးစမ်းကြည့်တုန်းက သူငယ်ချင်းတွေနဲ့ကစားရင်း ချော်လဲလာတယ်လို့သာ မြေးလေးက ပြန်ဖြေပေးခဲ့သည် မဟုတ်ပါလား..။
အခုကျတော့..၊ တော်ရုံငိုခဲလှတဲ့မြေးငယ်လေးက စိတ်အားငယ်စွာနဲ့ရှိုက်ငင်ပြီးကို အော်ဟစ်ငိုကြွေးနေတာဖြစ်သည်။
" ပြီးတော့..အင့်.. ဆရာမကပြောတယ်..။ ဂါဝန်ဝတ်တာက မိန်းကလေးတွေပဲ.. ဝတ်ရတာတဲ့..။ သား.. ဂါဝန်မဝတ်ချင်ဘူး..အင့်.. ဘွားမေ.. "
" အိုကွယ်.. "
အဝတ်အစား အသစ်ဝယ်နိုင်ဖို့ထက် တစ်နေ့တစ်နေ့ လူသုံးယောက်စာအတွက် ထမင်းနပ်မှန်ဖို့တောင် မနည်းရုန်းကန်နေရသူမို့ ဒေါ်ခင်နှင်းကြည်အနေနဲ့ အများကြီး ထပ်မတွေးတောနိုင်ခဲ့ပါ။ အသက် ၃၈နှစ်အရွယ်မှာပဲ အမှတ်မထင် မြေးလေးတစ်ယောက်ကို တစ်ကိုယ်တည်းပျိုးထောင်လာခဲ့ရသလို စိတ်ဖောက်ပြန်နေတဲ့ သမီးဖြစ်သူကိုလည်း တတ်စွမ်းသလိုလေး စောင့်ရှောက်နေရတာကြောင့် ငွေရေးကြေးရေးမှာ ဘယ်လိုမှလက်မလည်နိုင်ခဲ့ပြန်..။
ကျောင်းမထားနိုင်တဲ့ အခြေအနေဆိုပေမယ့် မြေးငယ်ကိုယ်တိုင်က ကျောင်းတက်ချင်ကြောင်းကို ပထမဦးဆုံးပူဆာလာခဲ့တာကြောင့် မနက်တိုင်းပဲပြုတ်ဝယ်နေကျ မမညိုပေးကမ်းလာတဲ့ ကျောင်းဝတ်စုံနှစ်ထည်ကိုသာ ဝမ်းသာအားရယူခဲ့မိသည်လေ။ လူကြီးတွေကိုယ်တိုင်က အသုံးမကျခဲ့တာကြောင့် စိတ်ဒဏ်ရာရနေတဲ့မြေးငယ်လေးခမျာ ကျောင်းမှာလည်း မျက်နှာငယ်နေရတဲ့အဖြစ်ကိုပါ ရောက်ရရှာပြီပေါ့..။
" ဘွားမေကို ခွင့်လွှတ်ပါ ငါ့မြေးလေးရယ်..။ ဒီအဘွားက အသုံးမကျခဲ့လို့.. ငါ့မြေးလေး ဝမ်းနည်းနေရပြီ။ ကဲ.. ဘွားမေတို့ အိမ်ပဲပြန်ကြရအောင်နော်.. ဟုတ်ပြီလား.. "
ရှိုက်သံတိုးတိုးကို အသာထိန်းပြုရင်းက ကျောပြင်သေးသေးကို အသာပွတ်သပ်လို့ အဖိုးမထိုက်တန်သော စကားလုံးများကြားသာ နစ်မြုပ်ရပြန်ရောပေါ့။
" အင့်.. ဘွားမေ.. "
" ပြော ငါ့မြေးလေး "
" ဆရာမက.. ကျောင်းဝတ်စုံတွေကို သမီး..သားအတွက် အလှူခံပေးမယ်လို့.. ပြောတယ်.. "
" ဟင် ဟုတ်သလား.. "
" အင်း..။ အာ့.. ကျောင်းမလာလို့.. ဆရာမ မပေးတော့ရင် ဘယ်လိုလုပ်မလဲဟင်..။ သား.. ကျောင်းပျက်လို့ မရဘူး..ထင်တယ်နော်.. ဘွားမေ.. "
" မြေးလေးက ကျောင်းသွားချင်သေးလို့လားကွယ် "
" .. ဟုတ်.. "
မဝံ့ရဲစွာနဲ့ပဲ ကျောင်းဆက်တက်ဖို့ကိုသာ ရွေးချယ်နေရှာသည့် ခညောင်းဦးက သူ့အတန်းဖော်တွေကို မကြောက်လို့တော့မဟုတ်..။ ၈နှစ်တာအတောအတွင်းမှာ ဘယ်အရာတွေပဲကြုံလာပါစေ..၊ အကောင်းဆုံးရင်ဆိုင်ကြမယ်ဆိုတဲ့ မြေးအဘွားနှစ်ယောက်ရဲ့ ခြေလှမ်းတွေကတော့ မူလတန်းကျောင်းလေးဆီသို့သာ ပြန်၍ဦးတည်သွားလေသည်။
" အဲ့ဂါဝန်ကိုယှန်ပြချမ်း! မင်းက ယောကျာ်းရားမိန်းမရား နာတို့ကိုယ်တိုင်ကျိမျယ် "
ရှေ့သွားလေးချောင်းလုံး ပိုးစားလို့ကျိုးနေတဲ့ ကျောင်းသားတစ်ယောက်က ဂျစ်ကန်ကန်နဲ့ပြောလာတော့ ခညောင်းဦးခမျာ အလန့်တကြားဖြစ်ပြီး ခေါင်းခါပြလိုက်မိသည်။
" ဟင်.. ဟင့်အင်း.. မလုပ်ဘူး.. "
" ဘာမယုပ်တာယဲ! အေး.. မင်းယှန်မပြရင် နာကိုယ်တိုင်ယှန်မှာ.. "
တတိယတန်းမှ အတန်းကြီးကျောင်းသားတွေက မုန့်စားဆင်းချိန်မှာ အတန်းထဲတစ်ယောက်တည်းကျန်နေခဲ့တဲ့ ခညောင်းဦးကို ကျောင်းမုန့်စျေးတန်းဘေးရှိ ကျောင်းအဆောင်တွေကြားထဲ အတင်းဆွဲခေါ်လာကြတာဖြစ်သည်။ သက်တူရွယ်တူတွေဆိုပေမယ့် လူကောင်ညှက်တဲ့ခညောင်းဦးက အလျင်ပြေးထွက်ဖို့ပြင်တော့လည်း ရှေ့မှာပိတ်ရပ်ကာ အတင်းအကြပ် လှမ်းတားထားကြသည်လေ။
" မလုပ်နဲ့..! မလုပ်ပါနဲ့နော်..။ ငါ..ကြောက်လို့ပါဟာ.. "
" ပါးချပ်ပိတ်ထားချမ်း! နာတို့က သေချာအောင်ကျိရုံယေးပဲ "
" ဟင့်အင်း.. မကြည့်နဲ့.. "
" ဟာ! ယက်တွေက ရှုပ်ယိုက်တာတွာ..။ ဟျောင့်တွေ.. ဒီသစ်ကိုင်းခြောက်ယက်တွေကို ယာချုပ်ထားကြချမ်း! "
ဘယ်လောက်ရုန်းရုန်း အားမမျှတဲ့ကြားမှာ ခညောင်းဦးရဲ့မြင်ကွင်းတွေက မျက်ရည်တွေနဲ့ဝေဝါးလာရပြီး ကြည်လင်ပြတ်သားမှုများ ရှိမနေချင်တော့ပေ။
" မင်းတို့ကောင်တွေ ဒါဘာလုပ်နေကြတာလဲ! "
" ..... "
မာတင်းတင်း အသံကျယ်ကြီးတစ်ခုရဲ့ ဟန့်တားလာမှုကြောင့် ရုန်းရင်းဆန်ခတ်ဖြစ်နေကြတဲ့ ကျောင်းသားတစ်စုရဲ့ လုပ်လက်စ ဆူဆူညံညံလှုပ်ရှားမှုတွေက ရုတ်ချည်းဆိုသလို ရပ်တန့်လို့သွားရရှာသည်။
မှုန်ဝါးဝါးမြင်ကွင်းကနေတစ်ဆင့် လှမ်းမြင်နေရတဲ့ ခပ်ထွားထွားကျောင်းသားတစ်ယောက်ကို မျက်ဝန်းလေးများဖျော့တော့စွာနဲ့ ခညောင်းဦး လှမ်းကြည့်လို့နေမိသည်။ နေရောင်အောက်မှာ ပြောင်လက်တောက်ပနေတဲ့ ဒီလူဟာ ခညောင်းဦးအတွက်တော့ အတောင်မပါတဲ့ ကတုံးနတ်သားလေးဆိုလည်း မမှားနိုင်ချေ။
" ငါမေးနေတယ်လေ! မင်းတို့ ဒါဘာလုပ်နေကြတာလဲလို့..! "
" မင်းနဲ့ချိုင်ရား! ချိုက်ကားသမားသားက အသံကောင်းယာဟစ်နေရာတဲ့.. ဟားဟားဟား! မင်းနာ့ကို ဘယ်သူထင်နေယဲတွ! "
" သွားကျိုးနေတဲ့ အောက်တန်းစားလို့ ထင်နေတာလေ! ငါမမှားဘူးမလား "
" ဘာ! ဟျောင့်တွေ..! အဲ့ကြောင်နေတဲ့ကတုံးကို ပေါက်တွားအောင်သာ ဝိုင်းဆော်ကြတွာ "
သူသွားကျိုးတာကို လူကြားထဲ မန်းရှင်းလုပ်ခံလိုက်ရလို့ ရှက်ရမ်းရမ်းပြီးထအော်ဟစ်လာတဲ့ သွားကျိုးတစ်ယောက်နဲ့ နောက်လိုက်ငါးဖောင်ရိုးနှစ်ယောက်က ကတုံးလေးကို သုံးယောက်တစ်ယောက်ဝင်လုံးဖို့ ပြင်တော့သည်။
တတိယတန်းက ကျောင်းသားများရဲ့ရန်ပွဲမှာ ကျောင်းဆောင်ကြားမှစလို့ ရုံးခန်းထဲရောက်သည်အထိ မပြီးဆုံးနိုင်သေးပေ။ ဆရာမများကိုယ်တိုင် ဆိုင်ရာပိုင်ရာမိဘများထံ လှမ်းဆက်သွယ်ပြီး ကျောင်းအုပ်ကြီးရုံးခန်းထဲမှာ ထိပ်တိုက်ဖြေရှင်းကြတော့မှပဲ..၊ အမှားစလုပ်လာတဲ့ ကျောင်းသားမိဘတွေဘက်ကနေ ခညောင်းဦးတို့မြေးအဘွားကို တောင်းပန်လာကြလေသည်။
တစ်ဖက်က မအေတွေနဲ့သားတွေမှာ မကျေနပ်ကြပေမယ့် ဖအေဖြစ်သူတွေကတော့ ကြေအေးနားလည်ပေးဖို့သာ ဝိုင်းဝန်းညှိနှိုင်းရင်း ခွင့်လွှတ်မှုကို တောင်းခံနေကြသည်။ နဂိုတည်းကမှ ဆုပ်လည်းစူး စားလည်းရူးဘဝတွေမို့ အခုလိုမျိုး တောင်းပန်လာသည်ကိုတောင် မနေတတ်တော့သည်အထိ ပြန်အားနာနေမိသည်လေ။
" ကလေးတွေက ဆုံးမမှုအားနည်းနေတာကြောင့် အခုလို အရှက်ရစရာလုပ်ရပ်မျိုးတွေကို မကြားဝံ့အောင် လုပ်မိသွားရပါတယ်ဗျာ "
" ရပါတယ်ကွယ်..။ ကလေးအချင်းချင်း ဖြစ်သွားကြတာပဲမို့ ကျွန်မဘက်က ဘာမှမပြောလိုပါဘူးနော်။ မြေးလေးထက်စာရင် ဒီကတုံးလေးကသာ ပိုအထိနာသွားရတာပါ "
မျက်နှာထားခပ်တင်းတင်းနဲ့ သုံးယောက်တစ်ယောက် ယှဉ်ဖိုက်ထားတဲ့ကတုံးလေးက သူ့နဖူးမှာ အာလူးဘူးသီးထွက်ရုံကလွဲရင် သိပ်ကြီးကြီးမားမား ထိမိထားတာတွေတော့ မရှိချေ။ ကျန်ကျောင်းသားတွေကသာ ကတုံးလက်ချက်ကြောင့် မျက်ကွင်းညိုသွားတဲ့သူရယ်၊ နှာခေါင်းသွေးစို့နေဆဲသူရယ်၊ ဆံပင်ကျွတ်သွားလို့ ထိပ်ကွက်ဖြစ်နေတဲ့သူရယ်နဲ့ အမြင်လှနေရုံလေး..။
ကတုံးလေးရဲ့ဖအေဖြစ်သူ ဆိုက်ကားဆရာလူရိုးကြီး ဦးမင်းနောင်ကတော့ ဘေးမှာအသာလေးရပ်ပြီး ဘာတစ်ခွန်းမှဝင်မပြောလာဘဲ ပြုံးပြုံးပြုံးပြုံးနဲ့ သူ့ကွမ်းချိုးတက်သွားများကိုသာ ရဲပတောင်းခတ်အောင်လို့ လှစ်ဟပြနေရှာသည်။ သူ့အဖြစ်က လက်ရဲဇက်ရဲသားဖြစ်သူကြောင့် နေရင်းထိုင်ရင်းမရှိတဲ့ကြားကနေ ဆေးဖိုးဝါးခပေးလိုက်ရမှာကို တိတ်တဆိတ်ကြောက်နေမိတာဆိုလည်း မမှားလောက်ပါ။
မိနစ်ပိုင်းအကြာမှာတင် ဆူဆူညံညံစကားဝိုင်းက ဖျန်ဖြေရေးဖခင်တွေကြောင့် အဖက်ဖက်ကနေ အဆင်ပြေပြေဖြစ်သွားကြရသည်။ ဒဏ်ရာကိုယ်စီနဲ့မို့ ကျောင်းအုပ်ကြီးကိုယ်တိုင် အတန်းဆက်မတက်ခိုင်းတော့ဘဲ အိမ်ပြန်လွှတ်လိုက်ကြတာကြောင့် ကလေးတွေက လွယ်အိတ်လေးကိုယ်စီနဲ့ ဘောက်ဆတ်ဘောက်ဆတ်လေးသာ ထွက်လာခဲ့ကြလေသည်။
" ခညောင်းဦးရေ.. ဒီကျောင်းဝတ်စုံလေးတွေပါ တစ်ခါတည်းယူသွားလိုက်နော် သား "
သူငယ်တန်းအတန်းပိုင်ဆရာမက ကျောင်းဆောင်အပြင်ဘက်ဆီ အလျင်လိုက်လာကာ လက်ထဲကိုင်ထားတဲ့အထုပ်ကို ခညောင်းဦးရင်ခွင်သေးသေးလေးထဲ ထည့်ပေးလေသည်။
" အိုကွယ်.. ကျေးဇူးတင်ပါတယ် ဆရာမရယ်..။ ကျွန်မဘက်က ဘယ်လိုကျေးဇူးတင်စကား ပြောရမယ်မှန်းတောင် မသိတော့ပါဘူး.. "
" အဲ့လိုမပြောပါနဲ့ရှင် "
ဝမ်းသာမျက်ရည်တွေ ဝေ့တက်လာရင်းက ဒေါ်ခင်နှင်းကြည်ခမျာ ပြုံးရယ်နေမိတော့သည်။ ဘွားမေရဲ့စကားကို သံယောင်လိုက်ပြီး လှမ်းဆိုလာသူက ခညောင်းဦးရယ်..။
" ကျေးဇူးတင်ပါတယ်.. ဆရာမ.. "
" ဟင်းဟင်း.. ဟုတ်ပါပြီရှင့်။ ဖိနပ်တစ်ရံနဲ့သနပ်ခါးဘူးလေးပါ ဆရာမ ဝယ်ထည့်ပေးထားတာမို့ သားနက်ဖြန်ကျောင်းလာရင် သနပ်ခါးလေးလည်းလူးခဲ့နော် "
" ဟုတ်.. ဆရာမ.. "
" သားမောင်လည်း အာလူးဘူးသီးကို သနပ်ခါးလေးအုံထားလိုက်ဦး "
" ဟုတ်ကဲ့ "
သူ့ကို ဆရာမလှမ်းပြောနေတာကြောင့် ကတုံးလေးက သူ့နဖူးသူပြန်စမ်းကြည့်ပြီး ဖုနေတဲ့ဘူးသီးအနေအထားကို မှန်းဆလို့နေလေသည်။ ကျောင်းအပြင်ရောက်လာတာနဲ့ ကတုံးလေးသားအဖကို မြေးအဘွားနှစ်ယောက် နှုတ်ဆက်ပြီး လမ်းခွဲကြဖို့ပြင်လိုက်သည်။
" မြေးလေးကိုကူညီပေးလို့ ကျေးဇူးပဲနော် ကလေး "
" ကျေးဇူးတင်ပါတယ်.. "
ဘွားအေတစ်ခွန်း မြေးတစ်ခွန်းနဲ့ ဝိုင်းပြီးကျေးဇူးတင်နေကြတော့ ကတုံးလေးအဖေ ဦးမင်းနောင်မှာလည်း ဟိုကုတ်ဒီကုတ်နဲ့ အားနာလာရတော့သည်။
" ဒါတွေ မလိုပါဘူးဗျာ..။ ဒီကောင်လူးလူးက သူလုပ်သင့်တာကို လုပ်သွားတာပဲလေနော့.. "
ဗျတ်ခနဲဆို ကတုံးပြောင်ကိုလာရိုက်တဲ့ လက်မြန်ခြေမြန်အဖေကြောင့် ကတုံးလေးခမျာ မျက်မှောင်ကြုတ်နေရပြီ။ ခညောင်းဦးက ကတုံးနတ်သားလေးကို ခင်ချင်ပေမယ့် မျက်နှာထားတင်းတင်းကြီးကိုမြင်ပြီး ဘွားမေနောက်မှာသာ ကွယ်ရပ်နေမိလေသည်။ ဒီကတုံးလက်သံပြောင်တာ သူ့မျက်မြင်ပဲမဟုတ်လား..။
" ဒါနဲ့.. အစ်မကြီးတို့က ဘယ်နားနေသလဲဗျ။ ကျွန်တော် အိမ်ထိလိုက်ပို့ပေးပါ့မယ် "
ဦးမင်းနောင်ကအားနာနာနဲ့ ခညောင်းဦးတို့မြေးအဘွားကို အိမ်လိုက်ပို့ပေးဖို့ ပြင်တော့သည်။
" မဟုတ်တာပဲကွယ်။ အိမ်ကသိပ်မဝေးလို့.. ကိုယ့်ဘာသာပဲ လမ်းလျှောက်ပြန်လိုက်ပါ့မယ် "
" အဲ့လို မလုပ်ပါနဲ့ဗျာ။ မွန်းလွဲနေက တော်တော်ကြီးပူနေတာ.. ထီးလည်းမပါကြတော့ ကလေးအတွက်လည်း မကောင်းဘူးလေ..။ တက်ကြပါဗျာ.. ကျွန်တော်ကိုက ပို့ပေးချင်လို့ပါ "
ငြင်းမရတဲ့အဆုံးမှာ ဒေါ်ခင်နှင်းကြည်လည်း ဦးမင်းနောင်ရဲ့ဆိုက်ကားပေါ်သာ တက်လိုက်ရတော့သည်။ ထိုအခါ ဆိုက်ကားနောက်ခုံမှာ အဝတ်ထုပ်လေးကို ပွေ့ပိုက်ထားလျက်နဲ့ ခညောင်းဦးကထိုင်လိုက်ပြီး ကတုံးနတ်သားလေးကတော့ ဘေးခုံအပိုမှာ ဖင်လွှဲထိုင်လေသည်။
ဆိုက်ကားအရှိန်ရလာတာနဲ့ ဘေးကတစ်ယောက်ကို ကတုံးလည်းစကားစဖို့ အရှိန်တင်ပါတော့သည်။
" အဟမ်း! မင်း.. နာမည်က ဘယ်လိုခေါ်လဲ "
" ဟင်.. "
" နာမည်! "
" ခ..ခညောင်းဦး.. "
" ဩ.. ငါက လူးလွန့်မောင် "
" ဟင်.. "
" လူး..လွန့်..မောင်..! "
" အင်း.. "
သူတစ်ခုခုမေးတိုင်း မျက်လုံးအိမ်ကျယ်ကျယ်လေးက ပြူးကျယ်ဝိုင်းစက်လျက် မော့ကြည့်လာတတ်သူကြောင့် လူးလွန့်မောင်လည်း သူ့စိတ်ထဲပေါ်လာတဲ့ နာမည်တစ်ခုကိုသာ ခညောင်းဦးကိုခေါ်ဆိုဖို့ ဆုံးဖြတ်လိုက်မိသည်။
" မင်းကို ဒီနေ့ကစပြီး ငပြူးလို့ခေါ်မယ် "
" ဟင်.. "
" မကြားပြန်ဘူးလား..။ မင်းနာမည်က ငပြူးလို့! "
" ဟင့်အင်း.. ခညောင်းဦး.. "
" ငပြူးပဲ! "
နာမည်ဖျက်ခေါ်ခံရတာကို မကြိုက်ပုံရတဲ့ငပြူးက သူ့နှုတ်ခမ်းလေးကို မသိမသာလေးစူလို့ မျက်လုံးလေးဝင့်ကာ ငြိမ်သက်နေလေသည်။
" ငပြူး! "
" ငလူး.. "
" ဟမ်! "
" ငါက ငပြူးဆိုရင်.. မင်းက.. ငလူး.. "
" ..... "
ခညောင်းဦးကို မစွာတတ်ဘူးထင်ထားတဲ့ လူးလွန့်မောင်က မထင်မှတ်တဲ့အခေါ်အဝေါ်ကြောင့် ကြောင်အသွားရှာတော့သည်။
" နေပါဦး.. မင်းအခု ငါ့ကို ဆဲလိုက်တာမလား! "
" ဟားဟားဟား!!! "
ကလေးနှစ်ယောက်ရဲ့ တီတီတာတာတွေကိုကြားပြီး ဆိုက်ကားနင်းနေတဲ့ ဦးမင်းနောင်တစ်ယောက်လည်း အော်ဟစ်ရယ်မောမိသွားလေသည်။
(ZawG)
" ေျမးေလး.. ဘာျဖစ္လို႔လဲ "
ေက်ာင္းတက္ဖို႔ကို တက္ႂကြေနခဲ့တဲ့ေျမးငယ္မွာ လက္ခ်င္းတြဲလို႔ လမ္းအတူေလွ်ာက္လာၾကရင္းက လမ္းတစ္ဝက္လည္းေရာက္ေရာ ေျခတစ္လွမ္းလွမ္းဖို႔ေတာင္ တြန့္ဆုတ္သြားတာေၾကာင့္ ေဒၚခင္ႏွင္းၾကည္ အေမးျပဳမိေလသည္။
ဘြားေမျပန္ခ်ဳပ္ေပးထားတဲ့ ဖိနပ္ေဟာင္းေလးကို ေတြေတြေလးစိုက္ၾကည့္ၿပီး မလႈပ္မယွက္ရပ္ေနတဲ့ ခေညာင္းဦးက ေက်ာင္းသြားရမယ့္ေျခလွမ္းေတြအတြက္ ေပကပ္ကာ တြန့္ဆုတ္လို႔ေနရွာသည္။ ဒါ့အျပင္..၊ သက္ျပင္းေမာရွိုက္ေစမိသည္အထိ ဝတ္ထားရတဲ့ ေက်ာင္းဝတ္စုံဂါဝန္ပြပြက ၈ႏွစ္အ႐ြယ္ ကေလးတစ္ေယာက္အေပၚမွာ ဖိအားႀကီးလြန္းလွသည္။
" ေျမးေလး ဘာျဖစ္ေနတာလဲကြယ္..။ ဘြားေမကိုေျပာစမ္း "
" ဘြားေမ သမီး..အင့္.. သား ေက်ာင္းမသြားခ်င္ဘူး.. "
" ဟင္.. ဘာလို႔လဲ ငါ့ေျမးေလးရယ္။ စာေတြက မွတ္ရခက္လို႔လားဟင္ "
ခေညာင္းဦးက ေခါင္းေလးကိုခါယမ္းျပလာၿပီး ဘြားေမကိုလွမ္းဖက္လိုက္ေတာ့ ဆံရစ္ဝိုင္းေလးက လႈပ္ခါသြားေလသည္။
" ေက်ာင္းမွာ သမီး..အင့္.. သားကို အ႐ူးမႀကီးသားဆိုၿပီး ဝိုင္းေျပာၾကတယ္။ သူတို႔နဲ႕ကစားခ်င္တာကို..အင့္.. အနားမကပ္ဖို႔.. ေက်ာက္ခဲေတြနဲ႕လည္း ပစ္ေပါက္ၾကတယ္..အင့္.. သဲေတြနဲ႕လည္း ဝိုင္းပက္ၾကတယ္.. အီးဟီးဟီး!!! "
ဗိုက္နားမွာမ်က္ႏွာေလးဝွက္လို႔ ေအာ္ဟစ္ငိုေႂကြးေနရွာတဲ့ ေျမးျဖစ္သူေၾကာင့္ ေဒၚခင္ႏွင္းၾကည္ရဲ႕ ရင္ဘတ္တစ္ခုလုံးမွာ နိမ့္ခ်ည္ျမင့္ခ်ည္နဲ႕ တင္းက်ပ္လို႔သြားရေလေတာ့သည္။ ဒီဒဏ္ရာေတြကို သူေမးစမ္းၾကည့္တုန္းက သူငယ္ခ်င္းေတြနဲ႕ကစားရင္း ေခ်ာ္လဲလာတယ္လို႔သာ ေျမးေလးက ျပန္ေျဖေပးခဲ့သည္ မဟုတ္ပါလား..။
အခုက်ေတာ့..၊ ေတာ္႐ုံငိုခဲလွတဲ့ေျမးငယ္ေလးက စိတ္အားငယ္စြာနဲ႕ရွိုက္ငင္ၿပီးကို ေအာ္ဟစ္ငိုေႂကြးေနတာျဖစ္သည္။
" ၿပီးေတာ့..အင့္.. ဆရာမကေျပာတယ္..။ ဂါဝန္ဝတ္တာက မိန္းကေလးေတြပဲ.. ဝတ္ရတာတဲ့..။ သား.. ဂါဝန္မဝတ္ခ်င္ဘူး..အင့္.. ဘြားေမ.. "
" အိုကြယ္.. "
အဝတ္အစား အသစ္ဝယ္နိုင္ဖို႔ထက္ တစ္ေန႕တစ္ေန႕ လူသုံးေယာက္စာအတြက္ ထမင္းနပ္မွန္ဖို႔ေတာင္ မနည္း႐ုန္းကန္ေနရသူမို႔ ေဒၚခင္ႏွင္းၾကည္အေနနဲ႕ အမ်ားႀကီး ထပ္မေတြးေတာနိုင္ခဲ့ပါ။ အသက္ ၃၈ႏွစ္အ႐ြယ္မွာပဲ အမွတ္မထင္ ေျမးေလးတစ္ေယာက္ကို တစ္ကိုယ္တည္းပ်ိဳးေထာင္လာခဲ့ရသလို စိတ္ေဖာက္ျပန္ေနတဲ့ သမီးျဖစ္သူကိုလည္း တတ္စြမ္းသလိုေလး ေစာင့္ေရွာက္ေနရတာေၾကာင့္ ေငြေရးေၾကးေရးမွာ ဘယ္လိုမွလက္မလည္နိုင္ခဲ့ျပန္..။
ေက်ာင္းမထားနိုင္တဲ့ အေျခအေနဆိုေပမယ့္ ေျမးငယ္ကိုယ္တိုင္က ေက်ာင္းတက္ခ်င္ေၾကာင္းကို ပထမဦးဆုံးပူဆာလာခဲ့တာေၾကာင့္ မနက္တိုင္းပဲျပဳတ္ဝယ္ေနက် မမညိုေပးကမ္းလာတဲ့ ေက်ာင္းဝတ္စုံႏွစ္ထည္ကိုသာ ဝမ္းသာအားရယူခဲ့မိသည္ေလ။ လူႀကီးေတြကိုယ္တိုင္က အသုံးမက်ခဲ့တာေၾကာင့္ စိတ္ဒဏ္ရာရေနတဲ့ေျမးငယ္ေလးခမ်ာ ေက်ာင္းမွာလည္း မ်က္ႏွာငယ္ေနရတဲ့အျဖစ္ကိုပါ ေရာက္ရရွာၿပီေပါ့..။
" ဘြားေမကို ခြင့္လႊတ္ပါ ငါ့ေျမးေလးရယ္..။ ဒီအဘြားက အသုံးမက်ခဲ့လို႔.. ငါ့ေျမးေလး ဝမ္းနည္းေနရၿပီ။ ကဲ.. ဘြားေမတို႔ အိမ္ပဲျပန္ၾကရေအာင္ေနာ္.. ဟုတ္ၿပီလား.. "
ရွိုက္သံတိုးတိုးကို အသာထိန္းျပဳရင္းက ေက်ာျပင္ေသးေသးကို အသာပြတ္သပ္လို႔ အဖိုးမထိုက္တန္ေသာ စကားလုံးမ်ားၾကားသာ နစ္ျမဳပ္ရျပန္ေရာေပါ့။
" အင့္.. ဘြားေမ.. "
" ေျပာ ငါ့ေျမးေလး "
" ဆရာမက.. ေက်ာင္းဝတ္စုံေတြကို သမီး..သားအတြက္ အလႉခံေပးမယ္လို႔.. ေျပာတယ္.. "
" ဟင္ ဟုတ္သလား.. "
" အင္း..။ အာ့.. ေက်ာင္းမလာလို႔.. ဆရာမ မေပးေတာ့ရင္ ဘယ္လိုလုပ္မလဲဟင္..။ သား.. ေက်ာင္းပ်က္လို႔ မရဘူး..ထင္တယ္ေနာ္.. ဘြားေမ.. "
" ေျမးေလးက ေက်ာင္းသြားခ်င္ေသးလို႔လားကြယ္ "
" .. ဟုတ္.. "
မဝံ့ရဲစြာနဲ႕ပဲ ေက်ာင္းဆက္တက္ဖို႔ကိုသာ ေ႐ြးခ်ယ္ေနရွာသည့္ ခေညာင္းဦးက သူ႕အတန္းေဖာ္ေတြကို မေၾကာက္လို႔ေတာ့မဟုတ္..။ ၈ႏွစ္တာအေတာအတြင္းမွာ ဘယ္အရာေတြပဲႀကဳံလာပါေစ..၊ အေကာင္းဆုံးရင္ဆိုင္ၾကမယ္ဆိုတဲ့ ေျမးအဘြားႏွစ္ေယာက္ရဲ႕ ေျခလွမ္းေတြကေတာ့ မူလတန္းေက်ာင္းေလးဆီသို႔သာ ျပန္၍ဦးတည္သြားေလသည္။
" အဲ့ဂါဝန္ကိုယွန္ျပခ်မ္း! မင္းက ေယာက်ာ္းရားမိန္းမရား နာတို႔ကိုယ္တိုင္က်ိမ်ယ္ "
ေရွ႕သြားေလးေခ်ာင္းလုံး ပိုးစားလို႔က်ိဳးေနတဲ့ ေက်ာင္းသားတစ္ေယာက္က ဂ်စ္ကန္ကန္နဲ႕ေျပာလာေတာ့ ခေညာင္းဦးခမ်ာ အလန့္တၾကားျဖစ္ၿပီး ေခါင္းခါျပလိုက္မိသည္။
" ဟင္.. ဟင့္အင္း.. မလုပ္ဘူး.. "
" ဘာမယုပ္တာယဲ! ေအး.. မင္းယွန္မျပရင္ နာကိုယ္တိုင္ယွန္မွာ.. "
တတိယတန္းမွ အတန္းႀကီးေက်ာင္းသားေတြက မုန့္စားဆင္းခ်ိန္မွာ အတန္းထဲတစ္ေယာက္တည္းက်န္ေနခဲ့တဲ့ ခေညာင္းဦးကို ေက်ာင္းမုန့္ေစ်းတန္းေဘးရွိ ေက်ာင္းအေဆာင္ေတြၾကားထဲ အတင္းဆြဲေခၚလာၾကတာျဖစ္သည္။ သက္တူ႐ြယ္တူေတြဆိုေပမယ့္ လူေကာင္ညွက္တဲ့ခေညာင္းဦးက အလ်င္ေျပးထြက္ဖို႔ျပင္ေတာ့လည္း ေရွ႕မွာပိတ္ရပ္ကာ အတင္းအၾကပ္ လွမ္းတားထားၾကသည္ေလ။
" မလုပ္နဲ႕..! မလုပ္ပါနဲ႕ေနာ္..။ ငါ..ေၾကာက္လို႔ပါဟာ.. "
" ပါးခ်ပ္ပိတ္ထားခ်မ္း! နာတို႔က ေသခ်ာေအာင္က်ိ႐ုံေယးပဲ "
" ဟင့္အင္း.. မၾကည့္နဲ႕.. "
" ဟာ! ယက္ေတြက ရႈပ္ယိုက္တာတြာ..။ ေဟ်ာင့္ေတြ.. ဒီသစ္ကိုင္းေျခာက္ယက္ေတြကို ယာခ်ဳပ္ထားၾကခ်မ္း! "
ဘယ္ေလာက္႐ုန္း႐ုန္း အားမမွ်တဲ့ၾကားမွာ ခေညာင္းဦးရဲ႕ျမင္ကြင္းေတြက မ်က္ရည္ေတြနဲ႕ေဝဝါးလာရၿပီး ၾကည္လင္ျပတ္သားမႈမ်ား ရွိမေနခ်င္ေတာ့ေပ။
" မင္းတို႔ေကာင္ေတြ ဒါဘာလုပ္ေနၾကတာလဲ! "
" ..... "
မာတင္းတင္း အသံက်ယ္ႀကီးတစ္ခုရဲ႕ ဟန့္တားလာမႈေၾကာင့္ ႐ုန္းရင္းဆန္ခတ္ျဖစ္ေနၾကတဲ့ ေက်ာင္းသားတစ္စုရဲ႕ လုပ္လက္စ ဆူဆူညံညံလႈပ္ရွားမႈေတြက ႐ုတ္ခ်ည္းဆိုသလို ရပ္တန့္လို႔သြားရရွာသည္။
မႈန္ဝါးဝါးျမင္ကြင္းကေနတစ္ဆင့္ လွမ္းျမင္ေနရတဲ့ ခပ္ထြားထြားေက်ာင္းသားတစ္ေယာက္ကို မ်က္ဝန္းေလးမ်ားေဖ်ာ့ေတာ့စြာနဲ႕ ခေညာင္းဦး လွမ္းၾကည့္လို႔ေနမိသည္။ ေနေရာင္ေအာက္မွာ ေျပာင္လက္ေတာက္ပေနတဲ့ ဒီလူဟာ ခေညာင္းဦးအတြက္ေတာ့ အေတာင္မပါတဲ့ ကတုံးနတ္သားေလးဆိုလည္း မမွားနိုင္ေခ်။
" ငါေမးေနတယ္ေလ! မင္းတို႔ ဒါဘာလုပ္ေနၾကတာလဲလို႔..! "
" မင္းနဲ႕ခ်ိဳင္ရား! ခ်ိဳက္ကားသမားသားက အသံေကာင္းယာဟစ္ေနရာတဲ့.. ဟားဟားဟား! မင္းနာ့ကို ဘယ္သူထင္ေနယဲတြ! "
" သြားက်ိဳးေနတဲ့ ေအာက္တန္းစားလို႔ ထင္ေနတာေလ! ငါမမွားဘူးမလား "
" ဘာ! ေဟ်ာင့္ေတြ..! အဲ့ေၾကာင္ေနတဲ့ကတုံးကို ေပါက္တြားေအာင္သာ ဝိုင္းေဆာ္ၾကတြာ "
သူသြားက်ိဳးတာကို လူၾကားထဲ မန္းရွင္းလုပ္ခံလိုက္ရလို႔ ရွက္ရမ္းရမ္းၿပီးထေအာ္ဟစ္လာတဲ့ သြားက်ိဳးတစ္ေယာက္နဲ႕ ေနာက္လိုက္ငါးေဖာင္ရိုးႏွစ္ေယာက္က ကတုံးေလးကို သုံးေယာက္တစ္ေယာက္ဝင္လုံးဖို႔ ျပင္ေတာ့သည္။
တတိယတန္းက ေက်ာင္းသားမ်ားရဲ႕ရန္ပြဲမွာ ေက်ာင္းေဆာင္ၾကားမွစလို႔ ႐ုံးခန္းထဲေရာက္သည္အထိ မၿပီးဆုံးနိုင္ေသးေပ။ ဆရာမမ်ားကိုယ္တိုင္ ဆိုင္ရာပိုင္ရာမိဘမ်ားထံ လွမ္းဆက္သြယ္ၿပီး ေက်ာင္းအုပ္ႀကီး႐ုံးခန္းထဲမွာ ထိပ္တိုက္ေျဖရွင္းၾကေတာ့မွပဲ..၊ အမွားစလုပ္လာတဲ့ ေက်ာင္းသားမိဘေတြဘက္ကေန ခေညာင္းဦးတို႔ေျမးအဘြားကို ေတာင္းပန္လာၾကေလသည္။
တစ္ဖက္က မေအေတြနဲ႕သားေတြမွာ မေက်နပ္ၾကေပမယ့္ ဖေအျဖစ္သူေတြကေတာ့ ေၾကေအးနားလည္ေပးဖို႔သာ ဝိုင္းဝန္းညွိႏွိုင္းရင္း ခြင့္လႊတ္မႈကို ေတာင္းခံေနၾကသည္။ နဂိုတည္းကမွ ဆုပ္လည္းစူး စားလည္း႐ူးဘဝေတြမို႔ အခုလိုမ်ိဳး ေတာင္းပန္လာသည္ကိုေတာင္ မေနတတ္ေတာ့သည္အထိ ျပန္အားနာေနမိသည္ေလ။
" ကေလးေတြက ဆုံးမမႈအားနည္းေနတာေၾကာင့္ အခုလို အရွက္ရစရာလုပ္ရပ္မ်ိဳးေတြကို မၾကားဝံ့ေအာင္ လုပ္မိသြားရပါတယ္ဗ်ာ "
" ရပါတယ္ကြယ္..။ ကေလးအခ်င္းခ်င္း ျဖစ္သြားၾကတာပဲမို႔ ကြၽန္မဘက္က ဘာမွမေျပာလိုပါဘူးေနာ္။ ေျမးေလးထက္စာရင္ ဒီကတုံးေလးကသာ ပိုအထိနာသြားရတာပါ "
မ်က္ႏွာထားခပ္တင္းတင္းနဲ႕ သုံးေယာက္တစ္ေယာက္ ယွဥ္ဖိုက္ထားတဲ့ကတုံးေလးက သူ႕နဖူးမွာ အာလူးဘူးသီးထြက္႐ုံကလြဲရင္ သိပ္ႀကီးႀကီးမားမား ထိမိထားတာေတြေတာ့ မရွိေခ်။ က်န္ေက်ာင္းသားေတြကသာ ကတုံးလက္ခ်က္ေၾကာင့္ မ်က္ကြင္းညိုသြားတဲ့သူရယ္၊ ႏွာေခါင္းေသြးစို႔ေနဆဲသူရယ္၊ ဆံပင္ကြၽတ္သြားလို႔ ထိပ္ကြက္ျဖစ္ေနတဲ့သူရယ္နဲ႕ အျမင္လွေန႐ုံေလး..။
ကတုံးေလးရဲ႕ဖေအျဖစ္သူ ဆိုက္ကားဆရာလူရိုးႀကီး ဦးမင္းေနာင္ကေတာ့ ေဘးမွာအသာေလးရပ္ၿပီး ဘာတစ္ခြန္းမွဝင္မေျပာလာဘဲ ၿပဳံးၿပဳံးၿပဳံးၿပဳံးနဲ႕ သူ႕ကြမ္းခ်ိဳးတက္သြားမ်ားကိုသာ ရဲပေတာင္းခတ္ေအာင္လို႔ လွစ္ဟျပေနရွာသည္။ သူ႕အျဖစ္က လက္ရဲဇက္ရဲသားျဖစ္သူေၾကာင့္ ေနရင္းထိုင္ရင္းမရွိတဲ့ၾကားကေန ေဆးဖိုးဝါးခေပးလိုက္ရမွာကို တိတ္တဆိတ္ေၾကာက္ေနမိတာဆိုလည္း မမွားေလာက္ပါ။
မိနစ္ပိုင္းအၾကာမွာတင္ ဆူဆူညံညံစကားဝိုင္းက ဖ်န္ေျဖေရးဖခင္ေတြေၾကာင့္ အဖက္ဖက္ကေန အဆင္ေျပေျပျဖစ္သြားၾကရသည္။ ဒဏ္ရာကိုယ္စီနဲ႕မို႔ ေက်ာင္းအုပ္ႀကီးကိုယ္တိုင္ အတန္းဆက္မတက္ခိုင္းေတာ့ဘဲ အိမ္ျပန္လႊတ္လိုက္ၾကတာေၾကာင့္ ကေလးေတြက လြယ္အိတ္ေလးကိုယ္စီနဲ႕ ေဘာက္ဆတ္ေဘာက္ဆတ္ေလးသာ ထြက္လာခဲ့ၾကေလသည္။
" ခေညာင္းဦးေရ.. ဒီေက်ာင္းဝတ္စုံေလးေတြပါ တစ္ခါတည္းယူသြားလိုက္ေနာ္ သား "
သူငယ္တန္းအတန္းပိုင္ဆရာမက ေက်ာင္းေဆာင္အျပင္ဘက္ဆီ အလ်င္လိုက္လာကာ လက္ထဲကိုင္ထားတဲ့အထုပ္ကို ခေညာင္းဦးရင္ခြင္ေသးေသးေလးထဲ ထည့္ေပးေလသည္။
" အိုကြယ္.. ေက်းဇူးတင္ပါတယ္ ဆရာမရယ္..။ ကြၽန္မဘက္က ဘယ္လိုေက်းဇူးတင္စကား ေျပာရမယ္မွန္းေတာင္ မသိေတာ့ပါဘူး.. "
" အဲ့လိုမေျပာပါနဲ႕ရွင္ "
ဝမ္းသာမ်က္ရည္ေတြ ေဝ့တက္လာရင္းက ေဒၚခင္ႏွင္းၾကည္ခမ်ာ ၿပဳံးရယ္ေနမိေတာ့သည္။ ဘြားေမရဲ႕စကားကို သံေယာင္လိုက္ၿပီး လွမ္းဆိုလာသူက ခေညာင္းဦးရယ္..။
" ေက်းဇူးတင္ပါတယ္.. ဆရာမ.. "
" ဟင္းဟင္း.. ဟုတ္ပါၿပီရွင့္။ ဖိနပ္တစ္ရံနဲ႕သနပ္ခါးဘူးေလးပါ ဆရာမ ဝယ္ထည့္ေပးထားတာမို႔ သားနက္ျဖန္ေက်ာင္းလာရင္ သနပ္ခါးေလးလည္းလူးခဲ့ေနာ္ "
" ဟုတ္.. ဆရာမ.. "
" သားေမာင္လည္း အာလူးဘူးသီးကို သနပ္ခါးေလးအုံထားလိုက္ဦး "
" ဟုတ္ကဲ့ "
သူ႕ကို ဆရာမလွမ္းေျပာေနတာေၾကာင့္ ကတုံးေလးက သူ႕နဖူးသူျပန္စမ္းၾကည့္ၿပီး ဖုေနတဲ့ဘူးသီးအေနအထားကို မွန္းဆလို႔ေနေလသည္။ ေက်ာင္းအျပင္ေရာက္လာတာနဲ႕ ကတုံးေလးသားအဖကို ေျမးအဘြားႏွစ္ေယာက္ ႏႈတ္ဆက္ၿပီး လမ္းခြဲၾကဖို႔ျပင္လိုက္သည္။
" ေျမးေလးကိုကူညီေပးလို႔ ေက်းဇူးပဲေနာ္ ကေလး "
" ေက်းဇူးတင္ပါတယ္.. "
ဘြားေအတစ္ခြန္း ေျမးတစ္ခြန္းနဲ႕ ဝိုင္းၿပီးေက်းဇူးတင္ေနၾကေတာ့ ကတုံးေလးအေဖ ဦးမင္းေနာင္မွာလည္း ဟိုကုတ္ဒီကုတ္နဲ႕ အားနာလာရေတာ့သည္။
" ဒါေတြ မလိုပါဘူးဗ်ာ..။ ဒီေကာင္လူးလူးက သူလုပ္သင့္တာကို လုပ္သြားတာပဲေလေနာ့.. "
ဗ်တ္ခနဲဆို ကတုံးေျပာင္ကိုလာရိုက္တဲ့ လက္ျမန္ေျချမန္အေဖေၾကာင့္ ကတုံးေလးခမ်ာ မ်က္ေမွာင္ၾကဳတ္ေနရၿပီ။ ခေညာင္းဦးက ကတုံးနတ္သားေလးကို ခင္ခ်င္ေပမယ့္ မ်က္ႏွာထားတင္းတင္းႀကီးကိုျမင္ၿပီး ဘြားေမေနာက္မွာသာ ကြယ္ရပ္ေနမိေလသည္။ ဒီကတုံးလက္သံေျပာင္တာ သူ႕မ်က္ျမင္ပဲမဟုတ္လား..။
" ဒါနဲ႕.. အစ္မႀကီးတို႔က ဘယ္နားေနသလဲဗ်။ ကြၽန္ေတာ္ အိမ္ထိလိုက္ပို႔ေပးပါ့မယ္ "
ဦးမင္းေနာင္ကအားနာနာနဲ႕ ခေညာင္းဦးတို႔ေျမးအဘြားကို အိမ္လိုက္ပို႔ေပးဖို႔ ျပင္ေတာ့သည္။
" မဟုတ္တာပဲကြယ္။ အိမ္ကသိပ္မေဝးလို႔.. ကိုယ့္ဘာသာပဲ လမ္းေလွ်ာက္ျပန္လိုက္ပါ့မယ္ "
" အဲ့လို မလုပ္ပါနဲ႕ဗ်ာ။ မြန္းလြဲေနက ေတာ္ေတာ္ႀကီးပူေနတာ.. ထီးလည္းမပါၾကေတာ့ ကေလးအတြက္လည္း မေကာင္းဘူးေလ..။ တက္ၾကပါဗ်ာ.. ကြၽန္ေတာ္ကိုက ပို႔ေပးခ်င္လို႔ပါ "
ျငင္းမရတဲ့အဆုံးမွာ ေဒၚခင္ႏွင္းၾကည္လည္း ဦးမင္းေနာင္ရဲ႕ဆိုက္ကားေပၚသာ တက္လိုက္ရေတာ့သည္။ ထိုအခါ ဆိုက္ကားေနာက္ခုံမွာ အဝတ္ထုပ္ေလးကို ေပြ႕ပိုက္ထားလ်က္နဲ႕ ခေညာင္းဦးကထိုင္လိုက္ၿပီး ကတုံးနတ္သားေလးကေတာ့ ေဘးခုံအပိုမွာ ဖင္လႊဲထိုင္ေလသည္။
ဆိုက္ကားအရွိန္ရလာတာနဲ႕ ေဘးကတစ္ေယာက္ကို ကတုံးလည္းစကားစဖို႔ အရွိန္တင္ပါေတာ့သည္။
" အဟမ္း! မင္း.. နာမည္က ဘယ္လိုေခၚလဲ "
" ဟင္.. "
" နာမည္! "
" ခ..ခေညာင္းဦး.. "
" ဩ.. ငါက လူးလြန့္ေမာင္ "
" ဟင္.. "
" လူး..လြန့္..ေမာင္..! "
" အင္း.. "
သူတစ္ခုခုေမးတိုင္း မ်က္လုံးအိမ္က်ယ္က်ယ္ေလးက ျပဴးက်ယ္ဝိုင္းစက္လ်က္ ေမာ့ၾကည့္လာတတ္သူေၾကာင့္ လူးလြန့္ေမာင္လည္း သူ႕စိတ္ထဲေပၚလာတဲ့ နာမည္တစ္ခုကိုသာ ခေညာင္းဦးကိုေခၚဆိုဖို႔ ဆုံးျဖတ္လိုက္မိသည္။
" မင္းကို ဒီေန႕ကစၿပီး ငျပဴးလို႔ေခၚမယ္ "
" ဟင္.. "
" မၾကားျပန္ဘူးလား..။ မင္းနာမည္က ငျပဴးလို႔! "
" ဟင့္အင္း.. ခေညာင္းဦး.. "
" ငျပဴးပဲ! "
နာမည္ဖ်က္ေခၚခံရတာကို မႀကိဳက္ပုံရတဲ့ငျပဴးက သူ႕ႏႈတ္ခမ္းေလးကို မသိမသာေလးစူလို႔ မ်က္လုံးေလးဝင့္ကာ ၿငိမ္သက္ေနေလသည္။
" ငျပဴး! "
" ငလူး.. "
" ဟမ္! "
" ငါက ငျပဴးဆိုရင္.. မင္းက.. ငလူး.. "
" ..... "
ခေညာင္းဦးကို မစြာတတ္ဘူးထင္ထားတဲ့ လူးလြန့္ေမာင္က မထင္မွတ္တဲ့အေခၚအေဝၚေၾကာင့္ ေၾကာင္အသြားရွာေတာ့သည္။
" ေနပါဦး.. မင္းအခု ငါ့ကို ဆဲလိုက္တာမလား! "
" ဟားဟားဟား!!! "
ကေလးႏွစ္ေယာက္ရဲ႕ တီတီတာတာေတြကိုၾကားၿပီး ဆိုက္ကားနင္းေနတဲ့ ဦးမင္းေနာင္တစ္ေယာက္လည္း ေအာ္ဟစ္ရယ္ေမာမိသြားေလသည္။
2024 / Feb / 3
TomorrowChen (_ _).｡o○
♪───Ｏ（≧∇≦）Ｏ────♪