نبتدي "
تشاهدون من البيبرس
-بقلم الكاتبة ميامين الدليم
-لاا تنسون التصويت ولتعليق بين الفقرات
صافيناز
- شوف اني هناا ما عندي مكان بيناتكم اني قبل ما انولد ممعترفين بين عائلتك هاي عائلتكم انتوا بيناتكم بس هذا الحب والاهتمام ولعائلة
- اني جاية هناا عندي غاية اذا ماا شفتهم يتعذبون مثل ماا عذبوني وعذبوا امي وبسببهم انحرمت منهة صدكني ماراح انام مرتاحة ولا اعيش مرتاحة
- كل شخص جان السبب راح يتحاسب ولتشوفني بنية اني بالف رجال ماا اخاف من اكبر راس خلي ابالك صافيناز تمثلل القوة بس
- موكف السيارة ويستمعلي بكل هدوء باوعلي وكال
-كملتي
صافيناز: بعدك ماا شفت شيي
غياث : چاا خوش ننتضر قدراتج
- دار وجهة وحرك السيارة بقة دقايق ساكت لحد ما سحب التلفون وربطة بـ السيارة ضل منتبه للتلفون وللطريق بعدها شغل
-ريت الحلم ماكضه
-وريت انه مافزيت
ريت الحلم ماكضه
-وريت انه مافزيييت
-ضاع العمر غربه
-كلمن مشة بدربة
—
- بقيت موجهة نضري للجامة ماريد اضعف كدام ايي شخص اساسا ماعرف وين متوجهين ووين ماخذني
- بعد مدة وكف كدام عمارة معزولة تقريباا وعبارة عن جام
غياث : انزلي
صافيناز : شنو انزلي بكيفك يعني اول شي كول وين جايبني بدون شقة
غياث : ومنو كال كاعد اشاقيج تعرفين كلشي بوقتة انزلي تأخرت
صافيناز: ولله ماضربتك على ايدك وجبرتك تاخذني وياك متأخر على نفسك مو علية
غياث: اللغوة الزايدة العندج وراثة اكيد
صافيناز: ماا وارثة ايشي من عائلتك لااا تفرح اني اشبه نفسي وامثل امي وابوية فقط
- فتح الباب ونزل عافني بـ السيارة يعني اني كلتلة ماا انزل اذا نزلت هسة شراح يكول علية هواي صايرة صلفة اني
-فتحت الباب ولحكتة انتضر وين طايرر
- كمل مشيتة وما التاف الية جانت العيادة هدوء بس جان اكو بنية كاعدة من شافتة كامت ونخبصت
فريال : اهلاا وسهلاا دكتور تفضلل اليوم متأخر
- ماا باوعلهة ومشة وهوة يكول ومنطينة ضهرة
غياث : استقبلي الانسة وشوية وتعاي انتِ وياهاا
فريال: اي دكتور ادلل تفضلي شنو اسمج اسجل الج حجز قريب لان انتِ جاية ويا اكيد يعرفج وموصينة عليج
صافيناز: عفوا دكتور شنو هذا وين جايبني المدلل مال جدة
- توجهت للغرفة الطب الهة وهية توكف بية
- لتوكفين بطريقي احسن ماا افلش العيادة ولبيهة لحد يوكف بوجهي بعدكم ماتعرفوني زيين وخري عن وجهي
-فتحت الباب وطبيت وهية طبت وراية تفهم بي
غياث : ماكو مشكلة خليهة يمي هااي لضاهر حالتهة مستعصية
صافيناز: شووف استاذ اني اصحى منك ومنهة ترة اجاوزت حدودك هوااي تدري بروحك
غياث : تفضلي استريحي
صافيناز: انتَ شلون بلة شلون وياك ياا اخيي متفهم رجعني للبيت واني ليش داحجي وياك تلفوني وين
- طلعت اركض للسيارة اخذت التلفون ورجعت اتصلت بـ ادهم فتح خط وعطت بي
ادهم : الله اكبر شنو من بنية وين ناسية انوثتج انتِ
صافيناز : ناسيتهة يمك اعذرني ولله
ادهم: رحم الله والديج
صافيناز: تجي تاخذني هسة هذاا الحليوو خطفنيي وجايبني لدكتورر الحكنييي
ادهم: شبيج بابة شبيج منوو وشنو حليوو شوو مستخفة خاطفج شنو احجي عدل وين انتِ
صافيناز : بـ الشارع
ادهم : وين اكو شخص مخطوف بـ الشارع
صافيناز : ادهم ركز وياي تجي تاخذني مناا هسة
ادهم : يـ الكائنات هسة اني غير اعرف صخامج مكانج وين ترة مو المصباح السحري اني
صافيناز : روح روح اجة
- سديتة وردت اركض صار اسرع مني ولزمني
صافيناز : توخر منيي لو الم الدنياا عليك وتعرفني اسويهة
غياث : لجج بابة انتِ براسج عقل لوو طابوكة
صافيناز : طابوكة براسك كون انتَ وعائلتك المتوحشين وخرر اوي شبيك لزكت ماشايف نسوان
غياث: ليش انتِ هم حاسبة نفسج على النسوان
صافيناز : مثلل ماا انتَ حاسب نفسك على الزلم اني حاسبة نفسي على النسوان
- من كلت هيج خرطت العافية واهلهاا اتداركت الموقف هناا ردت اركض سحب ايدي فتح السيارة وصعدني وراح هوة صعد بمكانة ضرب الستيرن وضلل يعيط
غياث: شوفي خلي ابالج احد هااي اللحضة ساكتلج من تحجين وياي تحترمين نفسج محد يتجرئ ويحجي وياي بهاي الطريقة
-زلم ماا وكفت براسي تجين انتِ الدرنفيس توكفين براسي
صافيناز: وليش ماا اوكف براسك منو انتَ عندك قوى خارقة ساحر انتَ راح تحولني سطل لبن
غياث : لااا الضاهر انتِ ميفيد وياج الحجي انزلي مناا
صافيناز: واذا مانزلت شتسوي يعني ماراح انزل ومنين ماجبتني ترجعني
غياث: العرمة
صافيناز: انتَ شكو جبتني هناا شنو جنت ناوي تسوي ممكن تفهمني
-حرك السيارة وماحجة واني ماسكتت بقيت اسئلل واحجي واعصبة بس بقة مسيطر على اعصابة البرود العندة قاتلل قاتلل
- وصلناا للبيت وكف السيارة يم الباب وكال
غياث: مقابلة الشغل الخاصة بيج جانت فاشلة للاسف ويلاا انزلي وماكوو شغلل اذا شوفتيني وجهج امسح ملامحج
صافيناز "
-بعدني ماحجيت شمر شماغ على وجهي لزم راسي وخلاني ادنك ماا انكر بهاي اللحضة خفت هوااي ماجنت اعرف شديصير بس سمعتة وهوة يكول
غياث: تحملي خاطر ماا تتأذين
- بقيت ساكتة بس حسيت روحي داختنك وهوة لازم راسي ومانعني ارفعاا مقيد حركتي
- بعدهاا بدقايق وخر ايدة رفعت راسي بهدوء باوعت للشارع ورجعت باوعتلة عيوني جانت مليانة دموع ووجهي احسة من الحرارة راح ينفجر ضميت وجهي عنة وصرت ابجي ماردت يشوفني هيج ووجهي من ابجي يصير كلة احمر
- مسحت دموعي وحجيت
- شنو هذا التصرف شنو جان راح يصير لو ماا منزلة راسي وليش سويت هيج انتَ منو مفكر نفسك شلون تتصرف وياي هيج ماريد اشوف وجهك بعد
غياث : جري عدلل احسلج لاا قسم بـ القران اكسر راسج
- نزلت من السيارة ادك بـ الباب محد يفتح دفرت الباب دفرة صحَت الميتين
نيروز: انتِ صدك تحجين صافيناز الله يقبلهة شلون وياج منين جاية
صافيناز: جاية من الكبور
نيروز: دفوتي فوتي ولتحجين ولاا تكولين انتِ سويتي هيج بـ الباب
صافيناز: طبيت وهية طبت وياي
ختام : شكوو شصاير وهاي وين جانت لتكلولي طالعة تفتر وحدهاا وجايتنة هسة
صافيناز: يااا نسيت اكلج بس غياث اخذني يشوفني البصرة
وهاا شغلة ثانية الباب اني دفرتة واذا متريدين يصير ييج نفسة لتحطين راسج براسي
ختام: ايااا طايحة الحض ياا ادبسزز بنت الشوارع سمعتوهة شكالت موو سمعتوهةة
طب تائب يضحك وكالل
-اووههه دونت شورت بنت العم دونت شورتت
صافيناز:
ضحكت على سوالفة هذا الوحيد الاحسة فطير وكلبة طيب من عائلة البيبرس مادري شلون بعدة محافظ على روحة الحلوة بوسط هيج عائلة مريضة
-طبيت لغرفة ابوية ماا حسستة بشي ولا حجيت شي يضوجة بقينة نتعاتب بس وكال كلشي بوقتة حلو خليني ارتاح هاي الفترة واكعدلج كعدة احجيلج بيهة كلشي صار وافقت وكلت المهم هوة بخير ماراح يفيدنة بشي العتاب هسة وواضح اكو شي واكو سر ورة كلشي صار
- ورة فترة اندك الباب طلعت نيروز وشايلة اكلل بـ ايدهاا جانت الابتسامة متفارك وجهة اتشكرت منهة شو هاي اختفت ابتسامتهة وحسيتهة مصدومة حقهة اذا اني من طبيت وافلش بـ البيت ولازمتهم دك رزايلل
- رجعت يم ابوية حطيت الاكل وكعدنة ناكل سوة بقيت احاول بكل الطرق اغير من المود الداخل بي حتة يتحسن موزين علي نفسيتة تتعب بهذا الوقت وهاي الكعدة جانت بس ناقصتنة امي كلش جنت مفتقدة وجودهة احس كلبي ياذيني من المكابرة احسة ديكلي ليش دتسوين هييج دتاذين نفسج وتاذيني
- اكثر شي تعبني محاولاتي واني ابين للناس القوة
- مر اسبوع كامل
- واحنة بقينة بهذا الاسبوع وية علاج ابوية غياث جان هوة متكفل بكلشي من روحات وجيات وعلاج جنت اروح وياهم بس من اخر موقف محد حجة وية الثاني وجنت اكول احسن بس بكلبي اريدة يحجي لو اتعارك وياا شنو اتعارك وياهم كلهم وهوة لاا بس جان كلش هادئ
- بيوم طبيت للمطبخ بعد ماا اخذنة ابوية اني وغياث لغرفتة يرتاح جان تعبان من الطريق وهوة الدكتور
- جانن الحياية مجتمعات ولزينات يباوعن
ختام ام عطوب ومرام الكوبرا الصفرة اول ماا طبيت انكلبت وجوهن
ختام: شوفي عيني انتِ هناا مو سميتي نفسج من عدنة وجايتنة مدللة ترة انتِ خلك وحدة زبالة جايتنة من الشوارع ومحد معترف بيج ملزكة نفسج علينة وعوفي غياث احسن ماا اوصلل سوالفج كلهة وطلعاتج وطباتج للحجي وساعتهة يصير غير حجي
- من خلصت حجي طكيتهة بضحكة خليتهة تنفخ نفخ من العصبية نيروز تريد تضحك بس تخاف باوعتلهن باستهزاء وقلة اهتمام وبرودة اعصاااب لاا نهائيي
صافيناز : شوفي حبوبة اني تاج راسج وشوفي انتِ الثانية تاج راسج هم وميحجي بلشارع غير بنت الشوارع اني تربيت على ايد جبير هاي العائلة ولكل يعرف شنو معزتة عند الحجي الي مخوفتني بي
-شغلة ثانية غياث الي اموتات روحجن علي هذاكة هو روحو كولوا هذا الحجي الة هوة لان هو حُر بقرارة مو صح ليش ديطلع وياي ومديطلع وياجن يعني ياخي انتن منو يطيقجن ماا تنبلعن اصلاا
مرام: عمة وخري انتِ عوفيني اشوف شغلي وياهاا هاي الغريبة
صافيناز: شوكت يكملل العشة تدرون جنة طالعين وتعبانين غياث كال اخذكم مطعم بس ابوية حالتة تعرفون متسمح كلنالة غير مرة
مرام : انطيج سمم ولجيبين طاري غياث على لسانج لان بعد فترة كللش قصيرة تركصين بعرسنة
صافيناز: اوووي صدك صلاوات شكد ايييععع
ختام: اسكتي مرام لتردين ولاا تحجين ايشي وانتِ امشي كدامي صبي يلاا
صافيناز : اعذريني ماا حاسبة نفسي منكم حتة اصبلكم واخدمكم كل واحد يخدم روحة بروحة
ختام: ولمكرود الياخذج شياكلل شيتزقنب
صافيناز: اركصلة وهوة يشبعع
- كلت هيج ونداريت شفت غياث وتائب واكفين
اذكرت شجنت احجي بقيت اباوع وهمة يباوعون
تائب طب على نيروز وصار يشاقيهة حتة يغير الموضوع
تائب : لكك شنو هااي بس باعوا الجمال باعوا البرائة ونوب واكفة بـ المطبخ اويلي يابه
- نيروز جانت مبينة زعلانة باوعتلة صفح وكالت :- طلكني
تائب : چاا هوة انتِ بعد ياهوو العاقد عليج شطلك منج
صافيناز:- كاعد اتكلك طلكهة يعني طلكهة شنو لزكة
نيروز: ماكوو احساس ماشايف نسوان هلكد ميحبهن ميكلبنة لو ماا جدو ولاا اقبل بي
صافيناز: اخخ يجدو هذا هجام العشيرة ولاا يكعد راحة
غياث:- بلاا لغوة زايدة والاحترام شوية لطلعونة من طورنة
صافيناز: وطير منوو لازمك يعني شسوي اقوة شي عندك تنطيني نصيحة بعلم النفس
تائب : أحااا طارت هيبتك يـ الدكتور ضاعن سنين العمر
ختام: تطلعون برة لو احطكم بلجداري
تائب :- يصير الاكل متمزمر للنخاع هاج حطيهة
- سحب نيروز وشمرهاا على ختام سحبت ختام الجفجير وطارت وراا طلع يركض مالحكت بي
- ماا انكر ضحكتني بس تبقة حية رجعت للمطبخ واني طلعت اطك بعلجي اصلا ماجنت اتعلج بس نيروز كالت ختام تكره هذا التصرف خليتهة تحجيلي على كل الاشياء اليكرهوهة وعلى هذا الاساس تعاملت وية كل واحد بيهم
- الوحيدين الي علاقتي بيهم حلوة نيروز وتائب الثنائي الاحبهم كلش حبيت علاقتهم وحبهم واهتمامة المبالغ بي الهة ويعاملهة كأنها طفلة كأنها فراشة تريد اطير ومحافظ عليهة شخصيتة المرحة ولحلوة ولضحوكة من يطلع من البيت الكل يكتئب يصير ماكو صوت ماكو احد يعاند ويضحك ويسوي جو للعائلة
- ابوي صار يتحسن وصار يكعد ويانة اني ماجنت اختلط بـ احد بيهم غير نيروز وتائب
- بيوم جنة كاعدين اني ونيروز بلحديقة وسئلتهة
صافيناز : اهلج شلون اتوفوا
نيروز: بحادث سيارة جان عمري ٩ اشهر ماا اعرف عنهم شي بس يكولون جانوا ناس يخبلون ولكل يحبهم
صافيناز: هذا قدرهم الطيبون للطيبات وطبعاا يخبلون هوَ انتِ اكبر مثال الهم ماعرف شلون عايشة وياهم وماصرتي حية نفسهم اني كل ماا اباوع عليج احسج دتبجين من كد ماا ملامحج بريئة وعيونج مدمعة وكبار نفس عيون الانمي
نيروز: تائب هم يكول هيج بس جنت اكلة تبالغ وتضحك علية
صافيناز: هوة انتِ مطوختهة وياا بس يستاهل الزلم ميتأمنون
-سمعنة صوت ورانة فززنة تائب وغياث كاشخين وبطريقهم للباب ديطلعون
تائب : بعد بعد حشي براسهة علية بعد ولله وسفة منج وانه الادافعلج شفت يخوي شفت مرتك شلون تحش براس مرتي
- خلص كلامة ولكل بقة صافن يستوعب الكالة
تائب : خاني التعبير خاني المعذرة ولسموحة منكم
نيروز: تاااائب
تائب: روحاااا ومصارينة
نيروز: شنو مصارينة وينن طالعين عبالك عرسان
تائب: رايحين نخطب لغياث
- دفعا غياث وكال :- ادبسز احجي عدل وعوفني بحالي اليوم ناوي تحط مرة بركبتي
تائب: هاي فوك ماا احط مرة بركبتك ادري حاط سجينة لو مرة ولكك يخوي النسوان حلوة وحياة النسونجي احلاا اتعلم اتعلم
غياث: مرتك كدامك احترمهة ولضل تسولف بـ النسوان مو كدهة تحافظ عليهة وتكتفي بيهة عوفهة بت عمك ولك هااي وبت عمي الله يرحمة اذا موكدهة اكسر ضهرك ولكافلل
تائب:- على بختك شبيك يمعود سالفة وحجيتهة يابة جعلني اصير دجاجة اذا مباوع على غيرهة مو صحيح نوزة مُزمُز
نيروز:- اطلع برة تائب النسونجي روح اخذة غياااث
غياث:- امشي امشي طاح حضك متعرف تسولف
تائب:- لاا اجذبون هسة انه شكلت شو كلبتوهة عشاير وبجي ولطم
غياث:- ياا اغم البنية تتحسس من كلشي مو نفسك ماكو احساس
تائب :- لكك شنو هااي اسمعيي ولجج غياث يحجي بمشاعر الانثى شكد محضوضة بيك مرتك لو اني انثى فلاا اضيعك من ايدي
غياث:- ادبسز ومصيرلك جارة
نيروز:- اتعلم اتعلم من اخوك شوف تائب وصلت هناا هناا لخشمي اذا حاجيتني لوو شفتك كدامي اشوه ملامحك
تائب:- ولج العقد العقد مالتنة هذا الاسبوع وجزت نفسج من عندي وين اولي انه من نزوج وين اولي وتلوموني ليش نسونجي غير صاير صحراء من الجفاف
نيروز:- ترة احنة احفاد جدك شتريد اشد الوصلة واركصلك
تائب:- ايي ولبيبرس ينطيج العوجية ويلهجعع هلاا هلاا يلهجعع
رافع ادينة فوك يطك اصبع ويهز ركبة ويغني
غياث:- خوش انتَ ماا اتعب النسوان انتَ تركصلهن
- طاح حضك روح حتة جية وياي ماريدك تجي لاا تخزيني
تائب :- انه متونس بابة لاا اكلك ولاا تكلي انه انسان متونس
نيروز:- غياث خوية وين رايحين
غياث:-بعدين تعرفون مثل كل شهر
نيروز:- هاا ماشي لعد بس اخذ هذا وياك اشمرة بـ اقرب ديسكو
تائب : رجائاا احترمي احنة عائلة محافضة ديسكو شنو
نيروز:- لتحجي وياي ماا وجهت الحجي الك
تائب:- خوية غياث ليش منغير الخطة ونسوي كعدة وياهن
نيروز:- تائبب توووب شلون وياك شوكت تبطل سوالف النسوان صدكني ماا ازوجك روح واذا حجة جدك اشمرك بحضنة روح شوف منو تقبل بيك بهاي السوالف
تائب:- لَكك حب حب وينك فدوا العينك ارجععع ارجعع
غياث:- راح الزمك وافرك واطيرك لذاك الصوب
:- اني رايح واذا انتَ ازلمة الحكني
- طلع غياث وتائب غمز لنيروز وراح وهاي باقية تشيل بروحهاا
صافيناز:- هاي شبيكم شنو جنتوا تسوون وليش هيج متمالخين
نيروز:- شوفي هذاا شايفتة مو فقير مو فقير يخليج تنتحرين من سوالفة ياا ربيي شلون راح اعيش حياتي وية بشر متونس ماعندة احساس
صافيناز:- هذا مو ماعندة احساس احمدي ربك الف مرة على هيج انسان انتِ ربج دازة الج رزق اني كلش اؤمن بجملة ياخذ شي وينطيج العوض عنة تائب حيل حنون ومبين حيل يحبج من يشوفج عيونة تلمع صدكيني
نيروز:- واني بعد احبة هواي تدرين تائب هوة الي عيشني شعور الاهل ماا حسسني ماعندي احد وبهاي الاثناء ماا لكينة نفسنة الى واحنة لبعض
صافيناز :- ياربي اشوفكم احلى عرسان وتعقلون وتبطلون مشاكل
نيروز:- وانتِ بعد ان شاء الله اشوفج مرتاحة ومستقرة بحياتج
صافيناز:- اني ماراح ارتاح اذا ماا عذبت الجانوا السبب بعذابي وعذاب اهلي بهذاك الوقت راح تلكيني بقمة السعادة ولراحة
نيروز:- حابة اسمع قصتج
صافيناز:- شتسمعين ساندرلاا مو شايفة قصتهة نفسهة اني بس الاختلاف اني اجيت يم ابوية مارحت يم امير
نيروز:- اوي حمستيني احجيلي
صافيناز :- شفتهة شلون تحمست كعدت وتنهدت غمضت عيوني شوية وفتحت بلشت احجيلهة من اول ماا راح ابوية لحد اليوم الي رجعت بي عليهم والتقيت بيهة اباوعلهة دموعهاا عشرة عشرة
صافيناز:- ماحجيتلج الى نقطة من بحر
نيروز :- الله ياخذهم
صافيناز:- العار ميموت صدكي
نيروز:- وابو النسوان
صافيناز:- هذاا يعبد بـ الدنياا
نيروز:- خوش يعني تائب بـ امان
صافيناز:- ترى تائب يشاقة وياج لاا تاخذيهة جد
نيروز:- شسويلة ولاا احبة ولاا ازوجة خلي ياخذ من نسوانة اني شكوو
صافيناز:- خوش اني اشوفلة مرة وازوجة
نيروز:- حتة جدج يربطج هنا بلحديقة
صافيناز :- انشتاين قصدج
-كلت هيج واشوفهة خربانة ضحك ومتقبل تسكت صرت اضحك وياهاا وهناا جانت اول ضحكة الية بهذا البيت من كل كلبي
صارت الدنياا ليل حيل وبعدناا كاعدين نيروز جانت مبينة تنتضر تائب بس مكابرة ومتقبل تكول
نيروز: ليش تأخروا هيج
صافيناز:- يجوز كاعدين يم اصدقائهم ليش هيج خايفة شنو اول مرة هيج
حسيتهة ارتبكت وصارت تتلعثم بلكلام
نيروز:- لاا عادي طبيعي بس اني ضل بالي بس هيج
صافيناز :- زين لعد اني رايحا اشوف بابة شنو محتاج ونايم لو كاعد
نيروز:- روحي حبيبة
:- طبيت جوة بعدني بـ الصالة ووكفت اطرافي واني اسمع عياط يخوف يخوف جاي من الغرفة المنعوني منهة عياط افلام الرعب ولبيت جان ضلمة ردت اعيط بسس استوقفني ..... يتبع
شلونهاا القفلة ..
++ توقعاتكم للبارت
حسابي الانستا بي كلشي للابطال وحساباتهم تعالوا هناك
هذاا يوزري :- no2s.17
او بس كتبوا الكاتبة ميامين الدليم ويطلع الحساب
اشوفكم بـ الف خير