اجرام : اهووو
نسيت خلي اكوم ابدل حتا نروح اني ومصطفئ للحفله
بدلت، ولبست هدومي السود كلعاده..
اجاني مصطفئ للباب ودكلي هورن ب السياره، وطلعتله..
مصطفئ: شنو يابه شطالع صدقه لـ الله اني اخاف علي من الي ب الحفلة...
ورحنه للحفله وصلنا ودخلت للحفلة اني ما احب هيج اجواء واحس الناس كلها تباوع عليه ..
مصطفئ: اجرام خليك ريلاكس يروحي ماكو شي هسه ندخل نسلم ونتونس شوي ونطلع ..
اجرام : تمام اخي
سديت ايدي علئ شكل بوكس ودخل بوضع منزعج جداً من الي جاي يصير وجانت ب الحفله ولد وبنات بس ما نتبهت بس علئ بنيه قديمه جانت تحبني اسمها (زينب)...
زينب : مصطفئ هاذا اجرام شعجب جاي وياك اهووو مصطفئ ما جاي اكدر اتخطئ ونوب اشوفه يحجي وي البنات هاي مشكله...
اجاني مصطفئ وكلي اجرام هاي زينب كتله مالي خلك اليوم اي شي بس خلي تخلص اليلة علئ خير ..
وبنفس اللحظه ، شفت بنيه خمريه. عيونها عسليه وتذكرت كل الي صار وياي .. تذكرت لبنيه الي غلطت عليه وتوترت
مصطفئ: اجرام شبيك صافن عليها ترا هاي الي عزمتنا ع الحفله وهاي بنت شيخ علي...
اجرام: ماكو مشكله صافي بس شوي اليوم تعبان وضايج معليك هسه يتحسن الوضع
باوعت البنيه عليه وضحكت ، اني بتسمت بوجهه ابتسام خفيفه وحدلت روحي ، ورحت ع الحمام حتا اغسل وجهي..
وجانت عيني علئ الباب اريد اطلع وفكري كله يم البنيه الي غلطت عليه،..
*
*
مصطفئ: اجرام تعال وياي شوي يردونك، اكلك منين تعرف (ايه)
اجرام : اي ايه اي بطيخ منين اعرفها اصلاً تدري بيه مالي خلك لهاذ الشي اصلاً ، صافي اريد اكمل عندي تحضيرات هواي ، وشغل كلش هواي..
مصطفئ : ايه هاذا الولد الي حجيتلج عليه ، اجرام احسن شاب بلعالم، بس منين تعرفينه انتي ،
ايه : بيناتنه مشكله اني وهاذا المجرم ، واريد انتفق ويا بوجودك انو نتلاكه بمكان ، ويتحداني ، وبعدين تنحل المشكله من يخلص التحدي
اجرام : هزيت ايدي بطريقه انو ضارب الدنيه چلاق وكلتلها ما اتحدئ نسوان اني جيبي فحلكم واني اتحدئ
ايه : اني الفحل ، والساحه تحكم..
اجرام : ماكو مشكله ، يله صافي كمل حفلتك وخلي نروح
ايه : هاذا الولد كلش مغرور ، وشايل خشمه ع الناس ويرادله واحد يكسر راسه،.
هنا دخلت بحاله عصبيه فضيعه وتذكرت الموقف ، الي صار وياي .. وبنفس الوقت ماردت افشل مصطفئ
اجرام : علئ العموم كمل شغلك وخلي نروح لان بديت اشم ريحة مو حلوه ب المكان ،..
مصطفئ : الله الي يستر ، كول يا لله اجرام
ايه : ريحة شنو تقصد المكان وصخ يعني ؟
بعدين اكلك شي انت مبين عليك خيال ؟
اجرام : عجيب اذا خلصتي سوالفج روحي ، والساحه تحكم ، وشما يكون تحديج اني قابل بي وبروح رياضيه ..حتئ لو ما اعرف اسوي ، لانو بصراحه اني اعشق التحديات ..
زينب : هاي شنو الاجتماع الحلو بين اجرام ومصطفئ وايه شنو جاي يصير من ورانه.؟!
اجرام : هاك استلم هو هاذا الي عرفت كتلك من اول ما تعجبني هيج شغلات "زينب عيوني ماكو شي مجرد خلاف ونحل ، ماكو شي يصير من وراكم" ..
زينب : تمام اروح فدوا لعيونك ، .
اجرام : دتوكلي لا اشوفج شي ما شايفته بحياتج كلها ..
ايه : المجرم انت لا تصيح علئ العالم بحفلتي ، تمام ؟!
اجرام : انتي وحفلتج ما اعترف بيكم ، ولو ما مصطفئ اني ما اجي لهيج اماكن ، حفلات تافهه وناسها اتفه منها ..
مصطفئ : اهدو حبايبي ، بس ليش احسكم واحد يعرف الثاني وضامين علينا
وثنينه ردينه بنفس الوقت "لا"
ورحت كعدت وحدي ، واني اتذكر كل الي صار وياي ب اليوم طلعت المذكرات ، وبلشت اكتب يومي كلعاده..وبلشت عجيب شو هاي الناس مادري منين جابت فلوسها ، واحنه من جنه زغار اقوه احلامنه بايسكل او بزونه... وجانت احلامنه سطحيه جداً ومضحكه بنفس الوقت ، وكعدت اكتب واضحك .. والكل يباوع ومستغرب هاذا الولد شبيه لانو طول الحفله اني منعزل واكتب ..
وجانت حجايتي الوحيده هسه اني اجيت للحفله شنو ينطوني بيت لو سياره ؟!
عضيت لساني وبديت اسفط شعري بـ ايدي .. واني اتذكر انو من جنت زغير غير افكار عندي تافهه .. وتذكرت مووضوع جنت كاتبه اسمه ( عالمي الزمردي ) بعمر ١٨ سنه.. ولهاذا اليومنه اني محتفظ بيه عندي
اجاني مصطفئ وهو مبتسم .."اجرام اذا طلبت منك تحجي الكلام الي كاتبه ب مذكراتك الي اسمه (شيبه وعشرون عام ) راح تقرا ؟!..
اجرام : طبعاً لا .
مصطفئ : واذا كتلك ب الخوه تقرا؟ ادري بيك ما ترفض طلب للخوه..
اجرام : هاذا اسلوبك اكرهه ، وتدري بيه ما احب ارفضلك طلب يا كلب ... تمام حبيبي
مصطفئ : جيبو السماعه ونطوها لـ اجرام يحجيلكم شويه بموضوع راح تحسونه يقصدكم كلكم ، هاك اجرام تفضل ...
اجرام : تمام
وعددت الهم مواضيع الكتاب وسبحان الله اختارو الموضوع الي اني جنت اقرا بيه واضحك ع افكار الماضي
وبلشت ب الموضوع
اجرام :
ذات يوم كنت جالساً علئ جبل فرايت شي ادهشني جداً لدرجة انني تركت كل شي وضحكت وبصوتاً عاليً سوف اخبركم بما رئيت ...!
جسدت لي النجوم شكل من احببت لذالك انطرا علئ موضوعي عالمي الزمردي ...?
وبدئت اسئل نفس ماذا دهاني وانا اضحك بصوت عاليً حتئ رئيت نفسي وكئنني خلقت من جديد فبدئت اكلم النجم وكني مجننون نعم ياساده كلمجنون وعندما استمرت هاذه الضاهره النفسيه حتا ون بلغت الـ20 من عمري فكتشفت في عالمي اشخاص اححبتهم بكل ما املك من قوه جسديه يا الهي كم احببتكم وانا لست مستعدا لكي اخسر شخصاً منكم دعوني اتكلم عن عالمي ...
انهُ عالم بسيط لدرجه انهُ كثير الضلامم وكثير النجوم هاذا هو عالمي وهنا بدئت ابني قصري وقلعتي في عالمي الذي تعبت بهِ 20 عام وبدئت ارسم وبدئت اكلم النجوم وخرجت من عالمم الدنيا لنني وجدت ان عالم الدنيا عالماً مليء بـ المتاعب عندما اكملت مملكتي فعينتُ النجوم كشعباً للمملكه هل تعلمون لماذا ...?
لان النجوم لا تخذل .... لا ترحل ... لا تغدر ... حتا انها لا تخون هذا عالمي ... !
واحببت شعب مملكتي لنهم لا يخرجون سوا في الضلام هل تنضرون لهم انهم اجمل شي في الدنيا وهنالك شي اخفيتهُ عنكم دعوني اطلعكم علئ خزانة اسراري وممتلكاتي وكل شي انهُ (القمر) هل تعلمون لما اخترت القمر لانهُ لايخرج سرا لذالك جعله الله سبحان وتعالئ ابيض كبياض شعري في عالم الدنيا
وعندما وجدت عالمي الزمردي بدئت بتشييد سورا عضيماً من الكواكب ...
والان انا ومن احب من البشر فقط حتا وان كان حبي لهم من طرف واحد جلبتهم الئ مملكتي وانا انضر لهم من خلال النجوم واكلمهم وانا لدي احساس ان كلمت نجماً بشخصية فلان من الناس انهُ يعلم بنني اكلمه
كيف ...
ومتئ ...
ע اعلم لاكنني احسست بنهم يعلمون وهاذا جزء بسيط عن خفايا عالمي الزمردي وهنالك المزيد ولاكن سوف ينطري عليكم لاحقاً
قبل اان اذهب تعلمون سرا بسيط جدا وانا اخبرت هاذا السر فقط لـ امي ولشخص احببتهُ جداً
عندما كنت صغيرا كان عمري 9 سنوات كنت اضن ان الانسان عندما يموت يصعد الئ السماء ويتحول الئ نجمه وكنت دائماً اقول انني سوف اصبح نجمة ولكل ينضر لي والان انا اصبحتت مملكتي وشعبي وكل شي من النجم يالاهي انا ممتاً لك جدا لنك جعلتني نجمة ولاكن في عالم الدنيا قبل مماتي وسوف اصبح شي مهم بعد مماتي لكم الموضوع التالي ولكن بعد مماتي ..
وكملت الموضوع والكل جان داخل بـ الجو " ايه و مصطفئ وزينب والبقية صفكوا وكالو ليش ما تكمل وتسوية كتاب ، كلتلهم اني اكتب لروحي مو للناس ولو ما مصطفئ ما احجي شي ...
ايه : مصطفئ ما كلتلي المجرم هاذا كاتب ، وما كتلي هيج خياله واسع .؟!
مصطفئ : شوفو خلي اكوللكم شي هاذا الولد هواي عنده مواهب ، بس ما يستغلهن ، يريد يحقق حلمه بعيد عن كل شي ...
اجرام : نجب صافي ، هاذا يجذب عليكم اني شخص علئ كد حالي ، لا يغركم كلامه المعسول ...
ايه : لعد هواي راح نلتقي استاذ المجرم ..
اجرام : باحلامج ورده
وبدت الحفلة ، وشغلو الاغاني والكل جان يركص ، واني جنت كاعد علئ صفحه اريد اليوم يعدي علئ خير من غير مشاكل .. واجاني ولد اسمه ( علي )
علي : شلونك صديقي ، اريد اسئلك عن شي عجبني الي قريته، واني شاعر انطيك تقرا بصوتك ...
اجرام : ماعرف شكلك ولله ، اذا تريد اسويها الك ونشرهن بدون ذكر اسمي..
علي : منتفقين صديقي ..
ورجعت معدت بيني وبين نفسي والعيون العسليه ما راحت من بالي مو اعجاب بس انتقام .. وصفنت بيني وبين نفسي اكول ام الحفله صوتها نفس صوت الي تعاركا وياها معقوله تكون هيه ؟! ولله مادري حتاريت ..
اجاني مصطفئ اجرام كوم شبيك شوف الاجواء حلوه ولله والكل يريدك تجي لا تبقه معزول ..
اجرام : صافي قسم بالله مالي خلك محتار بشغله ، وصافن بيها اذا وصلت لحل ، اوعدك اجيك ، وحتئ ترتاح ما راح اوصل لحل ..
راح مصطفئ واجت زينب تتمشئ عليه وتغني زعلان اجرام ما يكلي مرحبا .. وجانت الضحكه شاكه وجهها .. وشافتني صافن واحاول اجمع بين الموضوع مال قبل شوي والموضوع مال هسه، وكالتلي ..
زينب : اجرام ، اجرام ، هاي شبيك وين سارح شصاير وياك احجيلي عمري ..
اجرام : زينب بروح ابوج روحي مني لانو مالي خلگ وسالفه عمري وحياتي عوفيها ، اسوي علاقه وي كل البنات وانتي ما اسوي وياج ، غبيه انتي مثل اختي .. وما اريد تنكسرين، ما معلوم راح ابقه يمكم او اموت او انتقل لغير مكان ...
صدفه ، دخل شيخ علي ، كالي اجرام اذا تفوز التحدي الك فرس كحيلان ادهم ..
اجرام : ان شاء لله ، شكرا ع الهديه مقدماً ..
شيخ علي : هههههه عجبتني ثقتك بنفسك وحبيت شخصيتك ، نشوف يوم نكعد نسولف بيه ، حسيتك تشبه رجل اختي المات ؟!. وجان اسمه شاهين .؟
اجرام : شنننننو ؟!
وضحكت بصوت عالي كتله صدفه ؟
شيخ علي : شنو،الصدفه ، وشعجب هيج ضحكت ، تدوم الضحكه علئ وجهك
اجرام : شيخي ، من نشوف يوم نكعد بيه راح اسولفلك ، لان السالفة طويله ...
شيخ علي : اخذ راحتك ومن تخلصون الحفله ، تعال عليه ب المضيف ...
اجرام : تمام ، تدلل ، لله يسمع منك وتخلص بسرعه لان بديت امل كلش ، ما احب هاي الاجواء..
ومصطفئ بقه صافن ، اجرام شنو راد منك الشيخ ؟! وشعجب حجه وياك لازم عنده مصلحه وياك ما حجه وياك ع سواد عيونك ؟!.
اجرام : صافي حبيبي ، ما يهمني الرجال كال تعال للمضيف ، واني اروح اشوفه شيريد تعال وياي انت ونفتهم منه ..
وخلصت الحفلة
، واجاني اتصال من رقم غريب راح نسميه مجهول
مجهول : اذا تريد تعرف كل الحقيقه ، تعالي يم الشجره الجبيره ،
وهاي الشجره الجبيره عدنه ب المنطقه ، الناس تكتب عليها ذكره وهاي الامور واقدم شجره ب الكاع ،
اجرام : كتله هسه عندي شغله اگضيها واجيك .!
مجهول : اذا تريد تعرف عوف الي بيدك وتعال ، بدون اي احد وياك
هنا ضليت بحيره ، انو منو هاذا الشخص ، بس رحت واني ما مهتم لشي ومن وصلت يم الشجره ما لكيت شي ، ولا لكيت احد ، لكيت ورقه مكتوبه بيها الفرس مال الشيخ اصيل ، وما ينطيها بس للمنه وبيه ..
وهنا دخلت بحيره كلش جبيره منو هاذا الشخص ، ومنين جاب رقمي ، وشنو مقصد كلامه ؟! ورجعت واني بدال الحيره حيرتين صرت اضرب اخماس ب اسداس ..
بين اروح افتهم السالفه من الشيخ وبين ارجع للبيت وافكر ب البنيه ام الفرس .. ونتصل عليه مصطفئ
مصطفئ : اجرام وين انت طولت شنو صار وياك والشيخ منتضرك
اجرام : مصطفئ مادري شكلك ، بس جايكم حبيبي مسافه الطريق ..
رحت البيت الشيخ ، وجان البيت كلش جبير وسيارات هواي موجوده وكلها حديثه ، و مضيف جبير ، وبيه تحفيات غريبه ، مسدسات من العهد العثماني ، وناب فيل ، و كلشي قديم وثمين ، اني بقيت اباوع و مندهش ب المنظر الي اشوفه ، ما شايف هيج شي حلو وهيج سلع قديمه ، الي جذبني جامخانه بيها ١٥ سيف تقريباً وكل سيف اجمل من سيف وتقرب من الشيخ وكال .
الشيخ : اجرام هاي السيوف الي تشوفهم ، مشاركات بكذا حروب ، وقديمات ، واعمارهن كلش جبيره ، واني اعرفك واعرف اصلك وفصلك كله ... والعلامات الي كالوهن الي كلهن نطبقت عليك ، اجرام انت منا ورايح واحد مني وبيه ، وصاح الحراس الي باب المضيف والسواق وكالهم
الشيخ : اذا طلع شيخ علي من المضيف اجرام يأمر وينهي الحل و الربط بيده ..
واني ضليت صافن وماعرف ارد علئ شي ابد ،
الشيخ : تعال يمي وكعد والبيت بيتك منا ورايح اني اريدك يمي ارتاح اليوم وباجر عندي شغل وياك ..
بقيت صافن وما اعرف ارد ، عليه والي افكر بيه الناس راح تكرهني شنو بيوم وليله وصل هاي المرحله عند الشيخ وشلون وصل هيج مكانه ؟!
خابرت مصطفى
اجرام : مصطفئ بسرعه تعاال للمضيف وياك هدوم اليه من البيت السالفه يمكن مطوله يم الشيخ ماعرف شيريد مني بالضبط بس بصراحه اني ما مرتاح واستحي خاف عائلته تجي تدخل للبيت ، واتقيد ، بس نحمل هل كم يوم لحد ما نفهم شنو الموضوع ،،
مصطفى : اجرام شصاير شنو شيخ شنو مضيف شنو مطول شجاي يصير ، اجرام خوفتني انت مسوي شي للشيخ ؟!. ادري بطلايبك معره ، ويوميه عركه ...
اجرام : لا اني من مات باقر بطلت كلشي صرت غير انسان وانت تدري مصطفى ، باقر خله بداخلي فراغ كلش جبير ،
الشيخ : اذا طلع شيخ علي من المضيف اجرام يأمر وينهي الحل و الربط بيده ..
واني ضليت صافن وماعرف ارد علئ شي ابد ،
الشيخ : تعال يمي وكعد والبيت بيتك منا ورايح اني اريدك يمي ارتاح اليوم وباجر عندي شغل وياك ..
بقيت صافن وما اعرف ارد ، عليه والي افكر بيه الناس راح تكرهني شنو بيوم وليله وصل هاي المرحله عند الشيخ وشلون وصل هيج مكانه ؟!
خابرت مصطفى
اجرام : مصطفئ بسرعه تعاال للمضيف وياك هدوم اليه من البيت السالفه يمكن مطوله يم الشيخ ماعرف شيريد مني بالضبط بس بصراحه اني ما مرتاح واستحي خاف عائلته تجي تدخل للبيت ، واتقيد ، بس نحمل هل كم يوم لحد ما نفهم شنو الموضوع ،،
مصطفى : اجرام شصاير شنو شيخ شنو مضيف شنو مطول شجاي يصير ، اجرام خوفتني انت مسوي شي للشيخ ؟!. ادري بطلايبك معره ، ويوميه عركه ...
اجرام : لا اني من مات باقر بطلت كلشي صرت غير انسان وانت تدري مصطفى ، باقر خله بداخلي فراغ كلش جبير ،
وجان باقر اقرب شخص اليه من بين اصدقائي و گرايبي
مصطفى : اجرام بروح باقر مسوي شي ، ليش الشيخ هيج مهتم ؟! ليش انت ؟! ليش مو غيرك ؟!
اجرام : مصطفى لو ادري جان كتلك تدري بيه ، انو اني ما اضم عليك شي بس ولله مادري ليش اني ، وبعدين هواي حجالي كلام غريب يحتاجلي كعده وكلاص جاي وامخمخهن ، تعال عليه هسه ونسولف ...
اجاني مصطفى بس جان ضايج مادري شبيه وشعجب صار هيج وتغير ، وجان عصبي كلش ،
مصطفى : اجرام شنو الي جاي يصير ، شلون هيج الشيخ كالك ، وليش انت ، وشنو ضلتك هنا بيت الشيخ ؟!
اجرام : مصطفى تره مادري ب الي جاي يصير لله يخليك انت اخوي وتفهمني ، ولله ما فاهم شي وعيونك وروح باقر
وهنا مصطفى ضل يلح وما يصدك كلامي ، وكل الي باله انو اني اضم عليه ..
ونطاني اغراضي وراح وهو ضايج ، بس مادري ليش صار هيج ونتصلت بيه ،
اجرام : الو حبيبي شبيك ضايج ؟!. ليش هيج طلعت وانت كلش مخنوك ؟
مصطفى : اجرام خايف عليك شخص غريب يجي يخليك بمكانه ، وما مفتهمين هاي سالفه ؟! تعقلها انت
اجرام : ولله حالي حالك ما اعقل شي ، مصطفى جدك موجود ؟! اسئله ينطيك تاريخ الشيخ ؟! وسولفي حتى نجمع السبحه وتكمل القصه .. ونفتهم
مصطفى : تمام خلي اوصل واشوفه واردلك الجواب ، دير بالك على نفسك ..
اجرام : وانت هم ابن امي ، في امان لله
وكعدت واني ب المضيف اتمشى ورحت مشي وراه المضيف وشفت عند الشيخ ساحه جبيره وبيها خيول ، واني هنا كلش رتاحيت ، ورحت تقربت منهم وجانت الوانهم وصفاتهم من اكثر الصفات الي احبها ...
واجاني شايب اسمه (نعيم)...
نعيم : تعرف ابني الخيل اني معلمه يحس بنوايه البشر اذا جنت صادق او منافق ، راح يعرفك لو يرفضك لو يحبك ..
روح يم هاذا الكحيلان ،
اجرام : ضحكت ومشيت ع الفرس ..
واني فرحان كلش لان لكيت الشي الي احبه متوفر، وصلت ومديت ايدي على راسه ، ودنك وبقيت الاعبه ، وطلبت من نعيم يطلعه اركبه... ونعيم كال..
نعيم : هاي الفرس اصيل وما بس الاصيل ، وانت اصيل بويه
وطلعها وجنت فرحان وركضت قبلي وحطيت رجلي وصعدتها وفترينه اني وكحيلان ، وجنت مرتاح
نعيم : عجيب انت خيال؟! ، وين تعلمت ، تركب خيل وشنو شسمك انت؟!.
اجرام : بويه اني اسمي اجرام، تعلمت للخيل واني زغير ، من خالي ، والي علم خالي ابوي لله يرحمه ،
نعيم : اجرام !! المهم انت خوش وليد واتنمنالك انو تتوفق بحياتك ، واني عمك شتحتاج تلكاني موجود ؟!
اجرام : شكراً فدوا رحتلك ما تقصر بس اريد اسئلك شيخ علي منو وليش اني الي حطاني بهاذا المكان ، ولله دخت اريدك تساعدني ؟!،
نعيم : مادري ، وحتى اذا ادري مو من حقي احجي اي شي يجي الشيخ ويفهمك ...
وجان المكان عبره عن لاسمع لا ارى لا اتكلم ، مكان معزول عن العالم الخارجي ، كلها ساكته ، كلمن يسوي واجبه ويسكت ، اني الوحيد الي جنت افتر بينهم واتنقل من مكان المكان ،
اجرام : شكرا عمي ، إذا عرفت معلومه لا تنسى تكلي وما انسى فضلك ، رد عليه بعباره صفنتني بمكاني ..
نعيم : شاهين الخلف ما مات. ...
نهاية الفصل .
رأيكم ونقدكم ؟
الأحداث ؟
شيء لفت إنتباهكم ؟
آمل أن لا تحكموا على الرّواية و الشّخصيّات من البداية وخاصّة من هذا الفصل ،،،
بتبع ...
Instagram: _i.8v