��������

Isang nakakatakot na alamat tungkol sa isang nilalang na kayang wasakin ang mundo at ibigay sa mga tao ang isang kalunoslunos na kamatayan, ang mabilis na kumakalat sa buong Arentis. Marami ang hindi naniwala, sa pag-aakalang isa lamang itong alamat na madalas gamitin ng mga magulang upang takutin ang mga anak nila para matulog o umuwi ng maaga sa gabi. Oo nga naman. Sino nga ba ang naniniwala sa alamat? Lalo na sa alamat ng nilalang na 'yon? Walang sinuman ang may taglay ng ganoong kapangyarihan at kaalaman. Walang sinuman ang nabahala... Walang sinuman ang naniwala... Iyon ang kanilang pagkakamali. ------------------------------------------------------------------------------------------ P.S. Ikalawang libro po ito ng Arentis. Mas mabuti po kung uunahin n'yong mababasa 'yung book [1] bago ito para hindi po kayo malito :) ------------------------------------------------------------------------------------------ Arentis II - Tribong Uruha M.K. Brugada / kembing ©2015-2016 All Rights Reserved

Sa mundong binabalot ng mga lihim at panlilinlang, sino ang dapat pagkatiwalaan? -- Si Rhealle ay hindi naniniwala sa mga bagay na mahiwaga. Para sa kaniya, ang mga tulad no'n ay produkto lamang ng malikot na imahinasiyon ng mga tao; ang mga kakaibang nilalang at muling pagkabuhay ay isa lang uri ng kuwentong walang sapat na basehan kundi ang librong isinulat ng mga mortal. Ngunit ang lahat ay nagulo ng makilala niya ang dalawang babae at matuklasan niyang siya mismo ang buhay na patotoo sa bagay na iniisip niyang imposible.

PH MYTH (#1) May mga pangyayari na hindi natin inaasahan na ang akala nating haka-haka lamang, ay katotohanan pala. Na ang akala nating mga sinaunang kuwento lamang, ay siya palang nangyayari talaga sa totoong buhay. ** Lahat ay nagbago simula nang makipaghalubilo ang mga Diyos sa mga tao at doon na nagbago ang takbo ng panahon. Hindi na naging pantay ang kalikasan at naging magulo. Hahanapin ang kasagutan sa mga tanong, gagawin ang lahat para lutasin ang mga misteryo at tutuklasin ang mga sikreto.

Napakaraming dahilan para pumaslang ng isang lahi. Maaaring ikaw ay nagkasala dahil sa mabigat na kasalanan o kaya naman lumabag ka sa isang batas na mahigpit na ipinagbabawal. Ngunit sa mundong kinagagalawan ni Alloade, ang pagkakaroon ng dalawang lahi ang dahilan ng kamatayan. Kaya matagal siyang numahay na ilag sa iba habang itinatago ang tunay niyang katauhan. Ngunit nagbago ang lahat ng magsimula na siyang pumasok sa isang paaralan at makasalamuha ang mga may purong lahi. Isa na rito ang susunod na tagapagmana ng trono ng lahing Vesta, si Xeriol. Paano kung sa pamamalagi niya sa paaralang kaniyang pinapasukan ay may matuklasan siyang hindi niya inaakala... na ang nasa propesiya na may tinataglay na dalawang lahi na magdudulot ng isang malaking digmaan na buong lahi ay SIYA. Ano ang gagawin niya? F A N T A S Y S E R I E S 1

FILIPINO READERS CHOICE AWARD 2022 OFFICIAL FINALIST(Consistent #1 in Heroes) (#8 in Mythology) (#18 in Magic) Pagkatapos maibalik ang alaala ni Odessa dela Rosa sa tulong ni Demetria ay sunod-sunod na dagok ang dumating sa kanyang buhay. Una ay ang pagkakadukot kay Laurea (Mariang Sinukuan) na itinuring niyang kapatid sa mahabang panahon. Nangangamba siya sa kalagayan nito dahil sa labis na paggamit sa kapangyarihan laban sa mga lamang-lupa. Pero naniniwala siya na may mas mabigat na dahilan sa pagkakadukot ng diwata. Pangalawa, ang pagkakatuklas ng kapangyarihan ni Randy bilang si Banaual, ang bunsong anak ni Bathala bilang tagapagmay-ari ng Eskrihala. Ano ang kaugnayan ni Banaual sa naging buhay ni Odessa dati? Pangatlo ay ang pagkikita nilang muli ni Claudius pagkatapos ng napakahabang panahon. Ang paghihiganti ni Odessa sa kanya sa kalapastangang ginawa niya sa kanya at sa mga kinikilala niyang magulang. At ang huli ay ang pagkawala ni Bathala at ang namumuong tensiyon at alitan sa pagitan ng mga diyos at diyosa para maipit ang mga tao sa muling pagsiklab ng digmaan ng mga anak ng buwan at mga elemental. Makakayanan pa kayang ipagtanggol ni Odessa ang mga tao sa pagitan ng mga naglalabang mga makapangyarihang nilalang? Makikilala na kaya ni Odessa ang tunay niyang mga magulang? Muli ay sundan natin ang pagpapatuloy sa pakikibaka ni Odessa laban sa kasamaan at samahan natin siya sa pagtuklas sa kanyang mga tunay na magulang.

Dahil sa hininga ni Bathala, nagkabuhay ang Salamin ng Daigdig. At doon sa Kapuluan ng mga Pinagsama, ang Maharani ang nananaig. Taglay niya ang Sagisag ng Bawa, upang mamuno sa madla. Mga tumao, lamanlupa, at tao, sa kanya yumuyuko. Ngunit nang siya'y dapuan ng karamdaman, hindi inakala ninuman, manganganib ang kanilang bayan, pagkat dayo pala ang kanilang Lakan. Sa Dating Daigdig siya nagbuhat, bitbit ang kapangyarihan ng kidlat. Ngunit tila hindi ito sapat, dahil mga kalaba'y nakasambulat. Tanging hangad, siya'y hadlangan, at agawin ang kapangyarihan. Dahil bago pala makamit ang Sagisag ng Bawa, sinusukat muna ang puso at diwa. Dumaraan sa tatlong pagsubok, bago siya sa trono maluklok. Kaya't ating tunghayan ang pakikipagsapalaran ni Lakan Bulan! ------------------------------ Ito'y isang kuwento tungkol sa mga mambabarang, tumao (engkanto), lamanlupa (duwende), kapre, Bawa, at Bakunawa, at kung paano ang isang binata ay itinakda ng tadhanang mamuno sa kanila, sa ayaw man niya o gusto. Tanggapin kaya niya ang tungkulin kung manganganib naman ang kanyang buhay? Cover design by gizellethepebble

🔥Isang Kwento sa Mundo ng Nexmythos 📜-Bago pa isinilang ang Dakilang Anak , bago pa narinig ang unang tibok ng puso ng tao, may lihim nang itinago sa pagitan ng liwanag ng mga bituin at ng kadiliman. Isang lihim na hindi isinulat sa aklat ng panahon, kundi sa mismong hibla ng kaluluwa ng sansinukob. Isang lihim na hindi nilikha, kundi itinadhana upang wakasan ang kasalanang hindi kailanman pinatawad. Mula sa alon ng walang hanggang dilim, bumangon ang Tatlong Haligi ng Kadakilaan: Ang Espiritu, Ang Likas na Lakas, at Ang Di-Matitinag na Kalooban. Ngunit sa gitna ng kanilang pagkakaisa, may isa sa kanila ang tumalikod... at tinawag ang sarili niyang diyos. Doon nagsimulang mabiyak ang langit. Ang mga tala'y nagdugo. Ang oras ay tumigil. At ang tinig ng liwanag ay tumahimik. Isang mahiwagang selyo ang inilimbag sa puso ng sangkalawakan-selyong walang sinumang mortal ang maaaring bumasa, maliban sa Isa. Isang nilalang na hindi lang isinilang, kundi ibinagsak sa daigdig. Isang nilalang na tila hamak na tao... Ngunit taglay ang kapangyarihang kayang gisingin ang mga patay na alamat at tapusin kahit pa ang pinakamakapangyarihang kasamaan. Ang mahiwagang lihim ay hindi hinahanap. Ito'y kusa lamang nagbubunyag... sa piling ng pusong handang masira upang buuin ang mundo. At sa pag-ikot ng mga bituin, at sa paghuni ng mga pangitain... Isinilang siya. Ang pangalan niya ay... hindi pa isinusulat sa kasaysayan. Ngunit malapit na. Dahil ang liwanag ay muling maglalakbay, at ang dilim ay muling magtatanong: "Handa ka na ba sa sagot ng lihim?" 📖 Huwag palampasin ang bawat kabanata ng kwentong hindi mo malilimutan! #NexStoriesOfficial #NexMythos #NexJavar #AngMahiwagangLihim #HariNgPulubi #PinoyStories #��������PH #FantasySeries #ActionAdventure #DarkFantasy #Romance #Mystery #HorrorFanatic #LihimNaKapangyarihan #UndergroundWar #SecretPower #TagongBayani #DarkFantasyWorld #BattleOfFate #BagongAlamat

Pinanganak bilang isang bai ngunit ang kaniyang tunay na pagkakakilanlan ay kaniyang ikinubli sa pagkatao ng isang ato. Siya ay walang iba kundi si Hiraya Manawari, binukot na mayroong kakambal na tagna. Sa pagsilang ni Hiraya, isang tagna ang nahinuha ng mga babaylan. Tagna kung saan si Hiraya ang sinabing kauna-unahang bai sa kasaysayan na magiging pinakang makapangyarihan. Ang kaniyang iloy na si Arsenal ay isang oripun na mula sa banwa ng Maharlika, habang ang kanyang baba na si Marasanig ay isang tumao na mula naman sa banwa ng Agato. Mapayapa at naging masagana ang kanilang pamumuhay sa Agato ngunit dumating ang araw na mapapaslang ang kanilang Rajah at si Marasanig ang ituturong salarin at taksil. Upang mailigtas ang kanyang magsing-iloy mula sa banta ng mga mandirigma ng Agato, itinaboy ni Marasanig sina Arsenal kasama si Hiraya pabalik sa Maharlika. Subalit sa pagtuntong ng magsing-iloy sa banwang iyon, binihisan ni Arsenal ang anak na bai ng mga kasuotang pang ato upang mailigtas si Hiraya sa ritwal ng pag-aalay. Isang nakasanayang paniniwala at seremonya kung saan ang banwa ng Maharlika ay kailangang mag-alay ng isang bai sa kanilang tagapag-andukhá kalapit ang kaligtasan at katahimikan ng buong puod. Subalit dala ng pagkasabik ni Hiraya na mamuhay bilang bai, palihim siyang lumalabas na nakabestida. At ang kasabikang iyon ang naging dahilan upang mawalan ng saysay ang kaniyang pagkukubli.

Sa kapanahunan ng malalawak na ugnayan ng Srivijaya at Majapahit sa katutubong kapuluan, isinilang si Laya, anak ng isang Babaylan na may kakaibang koneksyon sa mga panaginip at alon ng dagat. Sa kanyang mata, ang kapuluan ay isang banal na lupain, pinangangalagaan ng mga diwata, espiritu, at panata ng kanilang lahi. Ngunit isang araw, isang sugatang dayuhan mula sa karagatang Timog ang inanod sa kanilang baybayin-si Aditya, isang prinsipe mula sa Srivijaya, dala ang lihim ng isang sumpa at isang misyon: hanapin ang "babaeng may gintong bulaklak" na tutubos sa kanyang kaharian. Sa pagitan ng mga panata, panaginip, at panganib, unti-unting umusbong ang damdamin sa pagitan ng dalawa. Ngunit sa mundong pinamumunuan ng pananampalataya, tribo, at mga paniniwala, kailangang mamili ni Laya-ang pagmamahal o ang kanyang bayan? Habang lumalalim ang kwento, matutuklasan na ang pag-ibig ay hindi palaging nagtatapos sa pagkakaisa, ngunit maaring magbunga ng pangalawang pagkakataon-kung hindi sa kasalukuyan, sa hinaharap.

Si Lino, isang ordinaryong mamamayan na nawawala sa isang malalim at madilim na gubat, ay natutunton ang kanyang landas sa gilid ng isang kalunos-lunos na siyudad. Doon niya nakilala si Mang Isko, isang maalamat na gabay na may malalim na kaalaman sa kasaysayan ng bansa. Ipinakita ni Mang Isko ang daan patungo sa isang Filipino Hell o impiyernong Pilipino, kung saan bawat antas o "bilog" ay sumasalamin sa mga kasalanang nagdulot ng pagdurusa sa bayan. Ano nga kaya ang mga kasalanang ito, at paano hinuhusgahan ang bawat nagkasala? Sa bawat hakbang, lumalalim ang tanong ni Lino: hanggang saan niya kayang sumama upang matuklasan ang katotohanan sa likod ng bawat pagdurusa? Habang naglalakbay, natutuklasan ni Lino ang mga anyo ng mga modernong kasalanan at kabayaran nito-mga kasalanang bumalot sa lipunang Pilipino, mula sa kawalang-pakialam, katiwalian, hanggang sa pagwasak sa sariling kultura at kalikasan. Makakayanan ba ni Lino ang bigat ng mga rebelasyong ito? Ano ang magiging epekto ng mga ito sa kanyang pananaw sa buhay at bayan? Sa kabila ng mga natutunan tungkol sa pagkakaisa, hustisya, at pagbabalik-loob, isang tanong ang nananatiling nakabitin: magbabalik kaya siya sa tunay na mundo nang may mas malalim na pag-unawa at determinasyon? O, sa huli, mauuwi rin siya sa parehong landas ng kawalang-malasakit na sumira sa marami?