[COMPLETED] ??????????? || ????????

[??] ???????????????

ရွှမ်လီသည် ဖုန်ချိုးအား တုံ့ဆိုင်းခြင်းအလျှင်းမရှိပါဘဲ ဒီအတိုင်းသတ်ပစ်ကာ သူ၏မိန်းမများနှင့်ကိုယ်လုပ်တော်များ၏အနောက်၌ ချန်ရစ်ထားခဲ့သည်။ သူဟာ ကျန်းရွှင်းယီ၏ခါးကို ညာဘက်လက်နှင့် ဆုပ်ကိုင်ထားကာ ပြတင်းပေါက်မှခုန်ထွက်လိုက်ပြီးနောက် ဘေးထိပ်ဖျားဆီသို့ ပြေးလွှားလိုက်လေသည်။

အေးစက်စက်လေပြေမှာ ရေခဲဓားသွားသဖွယ် ခံစားမိကာ သူဟာလည်းပဲ အစကတော့ မူးဝေနေလေသည်။ သို့သော် နောက်ပိုင်း၌ ရွှမ်လီ၏အရှိန်ဟာ တကယ်တမ်း နှေးသွားပုံပေါ်သလို သူခံစားလိုက်ရသည်။ သူမည်သည့်အားအင်မျှထုတ်မသုံးနိုင်ပေ။ သူသည် ရိုးရိုးစင်းစင်းပင် မျက်လုံးမှိတ်ကာ သူ၏အာရုံကြောများကို ငြိမ်သက်စေ၏။ သူစတင်တွေးတောလိုက်ပြီးနောက်၌ သူတဖြည်းဖြည်းနားလည်လာရသည် - ရွှမ်လီဟာ စွမ်းအင်ကိုထိန်းသိမ်းဖို့ရာ မှီခိုအားထားရသည့် မှော်စက်ဝန်းကိုချိုးဖျက်ခဲ့သော ယွင်ရှဲ့နှင့် တိုက်ခိုက်ခဲ့ခြင်းဖြစ်ကောင်းဖြစ်နိုင်သည်။ ရွှမ်လီက ယွင်ရှဲ့၏လက်ထဲ၌ ဒဏ်ရာရခဲ့ပြီး ယခုမူလွတ်မြောက်ချင်နေတာဖြစ်ကောင်းဖြစ်နိုင်ပေမည်။

သူစဥ်းစားမိရင်းဖြင့် ရွှမ်လီကရုတ်တရက်ရပ်တန့်လိုက်ကာ သူ့ကိုမြေကြီးပေါ်တင်ပေးပြီး သူ့ဘေး၌ဝင်ထိုင်ကာ အသက်ပြင်းပြင်းရှုလေသည်။

ကျန်းရွှင်းယီစကားမဆိုဘဲ မျက်လုံးဖွင့်လိုက်သည်။ ပတ်ပတ်လည်တွင်ပျံ့ကြဲနေသည်များမှာ သစ်ရွက်ဝါများဖြစ်ပြီး သူ့ခေါင်းထက်ရှိ သစ်ကိုင်းတွေဟာလည်း ညကောင်းကင်ယံထက်သို့ တိုက်ရိုက်ညွှန်ပြနေချေသည်။ ၎င်းတို့ကိုကြည့်ရသည်မှာ တောနက်ထဲမှဖြစ်သည့်ပုံပေါ်သည်။ သူ့နံဘေး၌မူ၊ မိစ္ဆာဘုရင်ရွှမ်လီ၏အဝတ်အစားမှာ စုတ်ပြဲကာ သူ၏မျက်နှာသည် မီးခိုးရောင်သန်းနေပြီး သေဆုံးတော့မည့်အရိပ်အယောင်ပြသနေလေပြီ။

ကျန်းရွှင်းယီသိနေပါသည်၊ ဒါဟာ ဘာလို့လဲဆိုတော့ လက်ကျန်စွမ်းအင်ဟာ သူ၏ခန္ဓာကိုယ်ကို ဆက်ထိန်းသိမ်းထားဖို့ရာ ထောက်ပံ့ခြင်းမရှိတော့တာကြောင့်ပင်။ သို့သည့်တိုင်၊ မိစ္ဆာဘုရင်ရွှမ်လီသည် နှစ်ပေါင်းတစ်ရာကျော် ထင်ရှားကျော်စောလာခဲ့ကာ သာမန်လူတစ်ယောက်မဟုတ်ပေ။ ကျန်းရွှင်းယီကိုယ်၌ကလည်း ဒဏ်ရာရထားသည်ဖြစ်ရာ ဒီအတိုင်းတိတ်တိတ်လေးထိုင်ပြီး တိုက်ခိုက်ဖို့အခွင့်ရေးမယူဘဲ ဝိညာဥ်စွမ်းအင်ကိုသုံးကာ သူ့ဒဏ်ရာအနာကျက်အောင် ကုသနေလိုက်သည်။