????? ?????

غيث : انا اسف بجد معرفش دا حصل ازاى .

قمر : احكى يا غيث ، متخوفنيش ، اهدى كده ، و قول ايه اللى حصل .

غيث : كنت ماشى فى الشارع مروح البيت بعد اما سيبتك .

قمر : ايوا .

غيث : انا كنت ماسك ورق الرواية فى ايدى .

قمر : و ايه حصل ؟!

غيث : وقع على الأرض و طار و حاولت اجيبه و معرفتش .

قمر : يعنى انت خضتنى كل دا علشان الورق ؟؟!

غيث : ايوا طبعا ، الورق ضاع ، يعنى هنقدم ايه للمسابقه ؟؟!

قمر : ولا تزعل نفسك ، ثانيه واحده .
غيث : ايه هتعملى ايه ؟؟

قمر : خد يا سيدى ، دا الجزء اللى كتبته pdf .

غيث : ياااااااااه ، بتهزرى دا انا كنت هتجلط .

قمر : يا اخى بعد الشر عنك ، يلا اكتبه و نقدمه بكره .

غيث : قمر .

قمر : نعم .

غيث : انت جميله اوى ، بجد انا مشوفتش كده قبل كده .

قمر : هههههههه ، ولا هتشوف .

غيث : الثقه ، لا عندك حق .

قمر : بهزر ، تسلم ليا .

غيث : بجد انت ذكيه .

قمر : الحمدلله .

غيث : بجد عمرى ما كنت اتخيل إن انت محتفظه بالرواية عندك.

قمر : كنت حاسه أننا حتاجها .

غيث : دى الحاسه السادسة ولا ايه ؟!

قمر : اه الحاسه السادسه ، يلا بطل لماضه بقى و خلص .

غيث : حاضر يا ستى ، متزوقيش ، مش هنام غير لما اخلص .

قمر : اممممم ، طب ماشى ، خلى بالك من نفسك .

غيث : خايفه عليا .

قمر : لا يعنى نص نص كدا .

غيث : ههههههههه ماشى يا ستى .