??????????????? ???????????? (??????????????? ????????????)

မြတ်နိုးကို ယောကျ်ားလေးတစ်ယောက်လို မြင်လို့ ခင်တွယ်နေတာဆိုရင်တော့ သူ့ကိုလည်း မြတ်နိုး မေ့ပစ်လိုက်ပါမည်။
နာနာကျင်ကျင် မြတ်နိုး ကြိုးစားပြီး မပတ်သက်ပဲနေပါ့မည်။

" မြတ်နိုး! ဘာလို့ ရှောင်နေတာလဲ "

ခေါင်းအသာအယာရမ်းပြလိုက်သည်။
အခု တစ်ကျောင်းလုံးကလည်း မြတ်နိုးပါးကို သူနမ်းနေသည့် ဓာတ်ပုံအား မြင်ပြီးသည်မို့
အရိပ်တကြည့်ကြည့်ကြည့်နေကြပြီ။

" ဒါဆို ဘာလို့စကားမပြောတော့တာလဲ "

မြတ်နိုးထက်အရပ်ပိုပုသော သူသည်
စိတ်တိုစပြုနေပြီဖြစ်သည်။
ဘေးကိုကြည့်တော့ အတန်းသားတွေက ကွက်ကြည့်ကွက်ကြည့်။

"တော်ပါ။ မြတ်နိုးတို့ ဒီလောက်နဲ့ ဆက်မပတ်သက်ရအောင်"

" ဘာလို့လဲ အကြောင်းပြချက်က ဘာလဲ"

"မြတ်နိုးနဲ့ ဆက်ခင်နေရင် လူတွေက ဆန်းသစ်ကို တမျိုးမြင်ကြလိမ့်မယ် ။ ဒီလောက်နဲ့ ရပ်လိုက်ရအောင် နော် "

မေဆန်းသစ်သွင် တဲ့။
သူ့နာမည်က မေဆန်းသစ်သွင်။
အားလုံးက သွင်လို့ ခေါ်ကြသည်။
မြတ်နိုးကတော့ ဆန်းသစ်ဟု ခေါ်သည်။
ဘာလို့ဆို သူက မြတ်နိုးအတွင် အမြဲဆန်းသစ်နေသော အရာရာ ဆန်းသစ်စေသော သူဖြစ်သည်လေ။

မြတ်နိုး သူ့အနားက လှည့်ထွက်လာခိုက် မြတ်နိုးလက်ကို ဆွဲထားကာ
သူက ပြောင်ချော်ချော်မျက်နှာပေးနှင့်

"ဒါဆို ဘယ်လိုလုပ်မလဲ ၊ အခု လူတွေက မြတ်နိုးနဲ့ ဆန်းသစ်ကို အတွဲတွေထင်နေကြပြီ"

" အဲ့တာကြောင့် အဲ့တာကြောင့် ဒီလိုတွေမထင်ရအောင်
မပတ်သက်ပဲနေရအောင်လို့ "

သူနဲ့ မပတ်သက်ပဲနေရအောင်လို့ပြောရတာ ဒီလောက် ငိုချင်စရာကောင်းသည်တဲ့။
အံ့သြလိုက်တာနော်။ မြတ်နိုး ဝမ်းနည်းစိတ်က ဆောင့်တက်လာသော်လည်း
ဆန်းသစ်က ပြုံးစိစိနဲ့ ။
စိတ်တိုစရာသိပ်ကောင်းတာပဲ။

" အဲ့တာ တကယ်ဆိုရင်ရော"

သူက အူကြောင်ကြောင်ပဲ။
စကားကို ပြောသင့်မပြောသင့် သိပုံမရသေး။
စကားအသွားအလာ ၊ အဓိပ္ပာယ် က တခြားပုံစံဖြစ်နေတာကို သိပုံမရသေး။