????? ?????"?????? "

بقلمي: زهراء ثائر

#اقنعة الموت" الفقار "

بارت_10_

لا تنسون التصويت +علقو بين الفقرات +متابعه الحسابي فضلاً وليس أمراً

قناتي تلي لسوالف: zahra_alziyrj

لا شيء يمر في حياتك عبثًا، حتى تعثراتك الصغيرة كانت لأجل أن تعرف شيئًا ما .

◍•ᴗ•◍◍•ᴗ•◍◍•ᴗ•◍ ◍•ᴗ•◍◍•ᴗ•◍◍•ᴗ•◍

.
.
.

ظلت دقايق يله فتحته ويا ما فتحته رفعت
راسي مباوعه عليها ودموعي عشرة عشرة
بينما هيَّ  نزلت نظرها مباوعتلي هيَّ  شافتني وفتحت عيونها طافره دمعه من عينها هامسه بصوت يكسر الگلب

-وردة

ويا ما همست باسمي سمعت صوته يحچي وراها
-منو على الباب مريم.؟

باوعت عليها ويا ما صاح، باوعتلها ودموعي عشرة عشرة، بينما هيَّ فاتحه عيونها على وسعهن
ورجفت شفافها طافره دمعه من عينها هامسه مرة ثانية بصوت يكسر الگلب:-وردة

هزيت راسي شاهگه،بينما هيَّ فتحت الباب على حيله جايه بتجاهي،گنبصت گدامي شابكتني وتشهگ رفعت ايدي الترجف حضنتها داحسه راسي
بحضنها وبچيت بخنگه

حضنتي قوي وهتفت بكاء
مريم: ما مصدگه أنتِ گدام عيني ما مصدگه والله ما مصدگه

كملت كلامها وجاني صوته گايل باستغراب
-شگو من الصبح منو أنتَ بويه.؟

بس كمل كلامه رفعت راسي ويا ما رفعت راسي الرجال رد عليه: -هاي امانه وصلتها الكم وانا اترخص

گال الرجال هيچ وهوَ باوعلي، التقت عيني بعينه
وفتح عيونه مدهوش، ما حرك ساكن
ولا انا اليه القدرة اكوم ورتمي بحضنه، ثواني لا أكثر من نظراته اليه وطاح بالارض گاعد على مقعدة

شهگت بصوت موخرة منها متقربه منه زحوف رجلي
احسها طابوگ مو عظام...گعدت گدامه وهوَ باوعلي ودمعه طاحت من عينه، شهگت رافعه ايدي مكممه فمي امنع صدى شهگتي

أما هوَ رفع تك ايد معنى تعالي، تقربت منه ذابه روحي بحضنه...شبگني بأيد وحدة مقربني عليه
صوت بچي مالته فطر گلبي، دحست نفسي بحضنه احتمي من الدنيا والما بيها...بس هذا الي يحميني بس هذا الرتاح بحضنه

عصر زندي گايل وهوَ يهدتز جسمه من البچي
احمد: اخ يا بويه شحالچ يا بويه،عمت عيني عليچ كون بويه عمت عيني

شهگت بزايد، ونفس كوه كمت التقطه
روحي خلصت طاقتها، ما بيه اتحرك بعد لو احچي
حرف... تحملت شهر كامل صبرت وتحملت اشد العذاب انفسي...والقذارة منهم اي تحملت كلشي تحملت ابشع انواع القذارة

تحملت في مافيهِ الكفايه، من زوج قذر خلقياً وجسدياً، انا القضيت عمري كله صلاة وصوم، تالي ما تالي اتزوج واحد مثل حازم، كافر لا صلاة ولا صوم
قطع نوبة بكائي من هتفت وهيَّ تلزمني من كتفي