?????? ??? ?????

{اذكرو الحبيب محمد باصلى}
بقلمي : زينب حسن

📍حبايبي لا تنسون التصويت ⭐️
📍ومتابعة حسابي➕ Zainab-Hs
📍وتعليقاتكم الحلوة بين الفقرات 💬

Instagram: zai_h00
Telegram: zainabha9

---------------)*(----------------

عذراء... فزيت على صوت المنبه طفيتة بسرعة حتة ما يكعدون الجهال حتة بس يطلع يوسف ارجع انام احس ما شبعانة نوم

- كمت لميت شعري ورحت للمطبخ كملت الريوك رجعت لغرقتنة

عذراء:: يووسف يله عيني اكعد
- طلعت بدلتة وجهزتلة عطرة وساعتة والمحابس

عذراء:: يااااا يوسف شنو سالفتك يله راح تتاخر
- ضالة انده وانده عليه واني افتر بالغرفة اطلع غراضة هو نومة خفيف على أقل حركة يفز

- نايم على صفحتة وايدة على خدة احرك بي ماكو جسمة ثلج احس گلبي زادة دگاتة كل جسمي صار يرجف

عذراء:: يوسف اكعد بروح امك يله اكعد شوف حيلي كلة يرجف حبيبي فدوة العينك شو اكعد

- ماكو ولا حركة تقربت خليت ايدي قربت من خشمة كل مرة هيج اسوي واحس بانفاسة الدافئة
ماكو هذي المرة ما حسيت بشي ماكو نفس

عذراء:: يوسف يوسف اكعدددد كوووم يله روح الدوووامك ترة اخابر أمل ولله اكللهة يوسف شالع گلبي

- دموعي تجري واعيط الجهال كعدو ركضت فتحت تلفونة وادور اريد رقم واحد من جماعتة هذا الولد قدس أي واحد

عذراء... ماكو ماكو كل الاسماء مشفرة بأسماء مختلفة كلشي ما اعرف تذكرت من جان بعدة على العربانة ويكولي موسى يفوت من يمي ما يسلم عليه

- يي يي محد قريب عليه غيرة ركضت للعمارة آلي بالركن هو يشتغل بيهة طلعت بطرك ثوبي وجواريبي اركض واصيح موسى وجهالي يصارخون

موسى:: شكوووو شلووووون اطلعين هيييج

عذراء:: الحگلييييي ابوس ايدك الحكلي يوووسف يوسف مااااا يتنفس ولله ما يتنفس

- راح يركض هو ومسلم للعمرة مالتنة واني وراهم دخلت اسمع عياط موسى وبجية

موسى:: يوووسف اكعد باااااوع عليةةةة كوم يله ما اريد شي بس كووووم

- تگابلو عليه هو وابنة شالو وطلعو اريد ارح وياهم دفعني مسلم

مسلم:: شكوووو امشي ضلي يم ولدج البسي شي لو متعودة على التفرع

- راحو وخلوني معلكة لا أني السمة ولا أني الكاع خابرت على أمل واني ابجي واعيط ما تطلع كلمة مسلم من بالي من گال ميت

في مكان آخر....

أمل... كعدت وية صلاة الصبح صليت وشكرت ربي على رحمتة ونعمتة من ستجاب دعائي وما فشلني