Before the Rain Falls

Kabanata 5

˖⁺‧₊˚ ♡ ˚₊‧⁺˖

I sighed, frustrated. Impossible naman na magkagusto ako sa kaniya . . . ito na yung literal na impossible talaga, 'di ba?

Flirty friendship, uso 'yan ngayon. Yung magkakaibigan kayo pero kung makahirit at makaharot, dinaig pa ang may label. 

Or maybe nasobrahan na lang ako sa kaka-overthink, kaya iniisip kong hinaharot talaga ako ng babae kahit ang totoo, inaasar lang pala ako. 

Or baka naman kilig-deprived lang ako. Oo, tama! Yun nga siguro. Iniisip ko pa lang na iba parang kinikilabutan na ako agad. 

"Nakiusap ka raw sa adviser natin na isali ka sa quiz bee?"

"Yup. Halos lahat na ng mga with honors may extra-curricular activities, tapos ano, kaming mga ordinaryong mamamayan, walang chance? Hindi fair!" 

Shae chuckled, her eyes glinting with amusement.

"Okay sana kung hindi utak ang labanan, no," pang-aasar niya.

Inirapan ko siya. "Wala ka bang tiwala sa akin? Muntik na nga ako maka-perfect ng last quiz! Saka fair naman, may qualifying test pa naman para sa mga gustong sumali."

"You already have an extra-curricular activity, remember? Sasayaw ka rin mismo sa araw ng quiz bee." Si Yvo, abala sa paglalaro ng Block Blast sa cellphone niya, biglang sumabat nang hindi man lang ako tinignan.

"Talagang gagawin mo lahat para mapansin ka ni Ramiel, ha?" dagdag niya habang titig na titig sa screen, ang score niya nasa seventeen thousand na. 

Mukhang bagong kinahuhumalingan niya ito matapos siyang ma-detention nung isang araw. Seryoso siya sa pag-beat ng sariling record. Minsan parang baliw na ngumingisi bigla tuwing na-cocombo niya ang blocks.

"Kaya ng iba pagsabayin ang academics at hobby, bakit ako hindi?" nguso ko.

Tinapik-tapik ni Shae ang balikat ko. "Support kita, bes. Ako nga, tatlo ang pinagsasabay; trabaho, pag-aaral, at landi."

Yvo and I scoffed. Magyayabang na naman siya na may jowa, tapos maya-maya ay magrereklamo ulit tungkol sa pagiging kupal ng syota niya. This girl really romanticizes toxic relationships. Kahit anong gawin namin para magising siya, tulog-tulugan talaga.

"Balik tayo sa akin," sabi ko, trying to steer the conversation away from her never-ending drama. "Kung gusto ko talagang sumali, may masama ba? Malay mo, manalo ako."

"You'll need more than luck, Rain," ani Yvo na hindi man lang tumingin mula sa cellphone niya.

"Eh bakit ba kasi ang supportive n'yo?" I sarcastically replied, rolling my eyes.

"Actually, kung makapasa ka sa qualifying test, magpapakape ako," dagdag ni Yvo, finally glancing at me with a smirk. 

Pinanliitan ko siya ng mga mata na sinabayan niya rin. Halata namang hindi siya naniniwala na hindi ko kaya, para talagang hindi kami magkaibigan. Sila yung tipong pag may nakasalubong kayong dog gang, mag-uunahan sa pagtakbo, kanya-kanya na, at iiwanan ka.

"Deal!"

Nagkukulitan kami habang papunta sa annex para mag-practice ng upcoming dance performance namin. Nang mahagip ko ang ilan sa senior high SSG ay nataranta ako.

Last night, inistory ko ang matataas kong scores, and Ramiel hearted it. Hindi lang niya ni-like—nag-reply siya ng congrats. Nag-thank you ako, at halos hindi makatulog sa sobrang tuwa dahil sa wakas ay napansin na niya ako.