???? ?????(?????? ?????????)

وأخيرا خلاص المحلول

الطبيب قدام الدار ربع ساعة نلحقوا

ماما كانت خايفة تروح للدار قاعدة تقولي نمثل بلي مزلت مريضة باه نباتوا هنا مي انا رفضت واش هذا مانخلولولش الدار ليه.

ايا لحقنا للدار دخلنا للدار كانت فارغة مزية ما تكسرش الباب مليح كي حلها امير يعني تتغلق عادي

دخلنا للدار و الحالة كانت كارثية قنعت ماما بصعوبة باه تروح ترقد وانا نخمل مع الاول رفضت كيفاه هذاوين وليت من الطبيب ونخمل بصح قنعتها ....
بيسك حالتي ماشي بزاف خطيرة ....

ايا هي طلعت ترقد وانا نرفد فالزجاج الي فالارض ونتفكر ياه زعما وش شعور امير تبهديلة كحلة درك نحشم مامبا نخزر فيه و الحاجة الاسوء انفجرت قدامه ايهه يا ربي وش ندير خلاص مايهمش مام نحس ضلاعي مكسرين لازم نبان قوية قدام ماما

كملت تخمال وطلعت رقدت  غدوى نروح نقرى وي عادي رغم الضرب غدوة نروح نقرى بيسك الدروس انتاع هذا العام صعاب ولازم نفهمهم

ديجا مانيش نبان مضروبة بيسك هو يضربني فالمناطق الي يتغطاو باه مايتوسوسوش الناس

رقدت غدوى على السبعة

صونا الرافاي

لبست هكذا وجيت هابطة لقيت ماما تشرب فالقهوة

ماما : اوو ياطفلة وين رايحة

انا : راني رايحة نقرى وماما بلا اعتراضات

ماما : راكي تحسي روحك مليحة

انا : هايلة توب ايا باي اليوم انا نلاقي فريال مش هي

ماما : استغفر الله خلاص اوكي وماتغطيش على روحك ديجا راكي مريضة من قبل.

انا : ايه خلاص عمبالي عمبالي .

ابتسمت وخرجت غير قفلت الباب راحت الابتسامة مانحبش نحسسها بصح كلشي عندي جايح مام مش باغية نروح للمسيد بصح راني مجبرة قربوا الفروض مش راني مليحة حاسة روحي حنتعوق
مش متقبلة المرض انتاعي بصح نقاومه

نخم نخم حتى لحقت لدارهم

خرجت فريال وحسيتها متوقعة وبالفعل حكيت لها كلشي ومام نهار الي دراڨاوني وسلكني امير

انصدمت وفي نفس الوقت بدات ابتسامتها الشريرة

فريال: شوفي باباك الرخيس مش حنهدر عليه يروح يخرى قليل الادب حسبي الله عليه
بصح امم امير هه شكلي حنعيش حكاية جديدة البطل سوبر امير ههه سلكك بزاف وحامة عليك سوو كيوت

انا : سوو ختك وحكايت مك ههههه ياخو انا حشمانة راسي مش قادرة نطلعه وانت تقوليلي حكاية كيفاه حنقابله ندمت الي عرفته واعععههاااا

فجأة محفوظ: شكونه هذا؟؟

انا : بسم الله الرحمان الرحيم استغفر الله واعوذ بالله من الشيطان الرجيم

فريال: وشبي جدك تشوفي فيه شيطان ؟هه

هو: زيدي قراي صورة الفاتحة تحاسبك.
ديجا صح شفتي فريولة تحسب يا درى وش شافت انا مسكين برئ

فريال خلاص حمارت زراقة كلشي دخلت عالم الاحلام كي قاللها فريولة هو خلاط وكذا يكون قالها بالنية بصح فريال خلاص راهي تخمم وش تشرط كي يجي يخطبها .

هه

انا : ايه يا مسيو دسرت

هو : خلاص هيا متلعبوهاش مزيرات اصدقاء

فريال: هه بيانسور نورمال اصدقاء هههه

محفوظ: ياخو هيا راح علينا الحال

محفوظ: شحال الساعة

انا : غير عشرة

فريال: يا ربي اجري

بديت نجري  وهي تجري ومحفوظ حصل وزاد يجري معانا برك

احي لحقنا سوا سوا قريب غلق في وجهنا الباب

دلخنا نجروا للكلاسة

انا : ياربي مدام نفيخةراهي لداخل

فريال: كيفاه درك نديروا  نجيبولها بسيط

محفوظ: اوو وش هذا امبيسيتري (قناة كرتونية)

فريال: ياك هي سمينة  انتاع المات اسمها مدام نفيخة والشيخ انتاع الفيزياء بسيط وياك هو راجلها ههه

انا: درك كيفاه شكون يزدم الاول

فريال: ام جوست ڨيرل مانقدرش نزدم ادخلي انت نرجس

انا : علاه انا ولد ايا محفوظ

هو : بفف

دقدق ودخلنا ڨاع كيف كيف
الشيخة : ايه الله يبارك ماشاء الله وين كنتووا انتما الجماعة تسما تديروا الڨسرات منبعد تجوز

انا : راح علينا الكار انا وصحبتي ولا هذا الولد هذاوين تلاقينا

هي: امم متعرفيش اسمه زعما

انا : وي درك اسمحيلي استاذة وقعدت بلاستي وقرينا. عادي حصة مور الاخرى درك هذه الساعة وتصوني انتاع 12

خزر فيا امير وقالي: .......

خلاص البارت فيه 570كلمة اني نزلت لكم بارتين في نهار برك ديروا تصويتتتت

درك باه ننزل بارت جديد لازم 10 تصويت و 30 مشاهدة بالتوفيق كون مايلحقوش مانزلش😭💖🎀