[?????? ???? ?????? ??? ?????? ???????? ??? ??? ????? ????????? ??]??

[يحسبون انهم كسروني فيك ياسندي ومايدرون اني اخت الذيب ومايكسرني شي]✉♕

_ للكاتبه:- نِبضٰ℘ 💜

لااله الاالله محمد رسول الله صلى الله عليه وسلم 🤍

......بعد مرور اسبوعين وثلاثه ايام........

بمطار السعوديه ...
نزلت من الطائره ابتسمت والتفتت له :يازينها
سطام ابتسم :ايه والله اشتقت لها مره
ركبو السياره وانطلقو إلى البيت
في السياره
الهنوف اللي حبت او تعلقت فيه بالفتره هذي
وسطام اللي اتخذ قراره وحتم مصيره هو والهنوف

****

في بيت ابو سطام الكل مجتمع ومسوين حفله بسيطه بمناسبه رجوعهم وصحه الهنوف
لينا اللي انقلبت حياتها من اول ماتمت خطبتها على خالد
نرجع لقبل اسبوع تقريبا ....
ام لينا :توافقين عليه غصب عليك
لينا اللي تبكي :يمه الله يخليك ماابيه ماابيييه
ام لينا اللي تقطع قلبها على بنتها بس الغلط غلط :اسمعي انا من جهه انه اول مره شافك مصدقتك لاني اعرف تربيتي بس انه شافك وكنتي بحضنه كيف تقنعيني ها
لينا ودموعها ينزلين :يمه الله يخليك كنت بطيح لاني شفته وخفت وهو ارتبك ومسكني قبل لااطيح
ام لينا اللي بدأت تصدق :بس انا رديت لهم خبر وقلت لابوكي انك موافقه
لينا مسكت راسها بصياح :يمه ليييه لييه يمه انتي عارفه انه شكك فيني يمه لييه هذا اول شخص تنمد يده لوجههي
ام لينا اللي مافهمت لانها كانت تتكلم وتبكي راحت لها وحظنتها :سامحيني يمه تعجلت بس الموقف اللي شفتك فيه اي ام بتسوي اللي سويته واكثر بعد
لينا وهي تبكي بحظن امها وهي مره ندمانه انها ماكلمت امها من قبل وماواجهتها وان الهروب من المشاكل تزيدها وتكبرها لو انها واجهت امها ان ماصار اللي صار

لينا ترجع لأرض الواقع
مسحت دموعها وهي تتذكر كلام خالد لها وشكه الدائم فيها
لين وهي عارفه بكل شي صار لاختها مسكت بكتفها :ليونه حبيبتي الهنوف وصاله آلان لاتتضايقين وتعكري مودك
لينا سكتت وهزت راسها بالموافقه
مرام راحت لها ومسكت بكتفها :اسمعي حبيبتي انا احاول مع الكلب ذاك واسحب منه كلام وهو ماشي معاي وبرائتك تظهر قريب انشاء الله وتكسري عين خالد وكلامه وترفعي راسك
لينا ابتسمت من خواتها اللي كانو سندها خلال الفتره اللي مرت فيها شافت غرام اللي تتكلم مع لمياء وتضحك بطبيعتها الفرفوشه هي أكثر وحده كانت تضحكها وهي تبكي بطبعها ابتسمت صح انه مامعاها اخوان يساندوها بس معاها خوات يسوون الدنيا ومن فيها تذكرت الموقف الاخير اللي صار بينها هي وخالد يوم العقد
خالد اللي كانت ملامحه بارده :اسمعي الان انتي صرتي بذمه شخص الخرافات اللي تسوينها تبطلينها اوكه
لينا ناضرت له بقهر :اسمع انا بررت لك وحلفت لك عده مرات بس انت ماتصدق وماتستحق ان شخص يبرر لك أو يتعب عشان تصدقه
خالد شد على يده بقهر مايبي يمدها مره ثانيه
لينا رن جوالها باتصال من صديقتها بالجامعه وكان مسجل على رقمها اثنين قلوب لينا اللي مالها خلق ترد
خالد اللي ركز على المتصل وكان عباره عن اثنين قلوب حمر :ليه ماتردي
لينا بغضب منه :وانت وش عليك رنت مره ثانيه
خالد اللي ماقدر يصبر سحب الجوال من يدها بقوه:مين ذا ها
لينا انصدمت منه ماتوقعت انه يشك فيها لهذي الدرجه وكان فيه مرض الشك او الغيره من بعد الموقف اللي صار :خالد احترم حالك واعرف انت وش تسوي ووش تقول هذي صحبتي جيب جوالي
خالد بكل غيره وهو متخيل انها تتواصل معه أو انه يسمع صوتها فتح الخط وشغل الاسبيكر
نور:هلا لينننننو
خالد اللي هدا شوي وهدئين دقات قلبه
نور :لينو وش فيك الو
خالد قطع الخط ورد لها الجوال بهدو وبرود وكأنه ماسوى شي
لينا أخذا الجوال منه بقوه وهي تبكي :انقلع والله انك مريض من سمح لك اصلا تاخذ جوالي لا وترد كمان والله انك راح تتندم على كل لحظه جرحتني فيها أو شككت بتربيتي وماصديقتي دفيته من صدره وخرجت من عنده وهي تبكي ........