???????????... [ Completed ]

" မင်းကတော့ ပြဿနာအိုးပဲ ၊ မြီးရွာမှာ ပြဿနာရှာရတာ မဝလို့လား "

" ဟုတ်တယ် "

ဘောက်ဆတ်ဆတ်နှင့် ပြန်ဖြေလာသူကို ချစ်သော ခေါင်းသာပြေးခေါက်လိုက်ချင်သည်။ မြီးရွာမှာ ထိပ်တုံးခတ်ခံရသည်ကို မတင်းတိမ်နိုင်သေးသည်ထင်၏။ အိမ်သူရွာအထိပင် ထိပ်တုံးလာအခတ်ခံနေသေးသည်။

" သူကြီးကော.. "

" ရွာထဲသွားတယ် "

" အဲ့ဒါကိုမင်းကဘာရပ်လုပ်နေတာလည်း ၊ ထိပ်တုံးဖြုတ်ပေးလေ "

" ဘယ်မလည်းသော့ "

" မင်းမှာမရှိဘူးလား "

" မရှိဘူး.. "

" သောက်သူကြီးသား.. "

" ငါလုပ်ရင် သေဦးမယ် "

ချစ်သောမှာထိုသို့ဆိုရင်းပင် ဓနသွေးကိုနရင်းအုပ်ချပစ်၏။

" ဗိုက်ဆာတယ် "

" ဟင်းမရှိဘူး.. "

" ဟာ.. "

" မေမေကမနက်ကတည်းက မြို့တက်သွားတာ ၊ မင်းကိုငါမပြောထားဘူးလား ၊ ငါဒီနေ့မင်းတို့အိမ်ထမင်းလာစားမယ်လို့ "

" ခေါက်ဆွဲထုပ်ရှိတယ်မလား ၊ ဖျော်ပေး "

" အေး .. ခဏစောင့် "

ချစ်သောမှာ မီးဖိုချောင်ဘက်သို့ဝင်သွားပြီဖြစ်ရာ ထိုအချိန်၌ခြံထဲသို့ မောင်းဝင်လာသည့်ဆိုင်ကယ်မှာ မောင်တုတ်ဖြစ်၏။

" ရိုးရာ... မောင်ဗိုက်‌ဆာတယ် "

မောင်တုတ်မှာ ဆိုင်ကယ်ပေါ်မှဆင်းသည်နှင့် ဓနသွေးရှိရာသို့လာကာ နရင်းအုပ်ချပစ်တော့၏။

" ရိုးရာကလည်း.. "

" မင်းပြောတော့ ဥဩရဲ့ပစ္စည်းတွေသွားသိမ်းမှာဆို.. "

" ဒီကအပြန်ဝင်သိမ်းမလို့ဘဲကို.. "

" ရှေး.. ခေါက်ဆွဲသောက်ဦးမလား ၊ ငါဖျော်လိုက်မယ် "

" အင်း.. ငါကူပေးမယ် "

မောင်တုတ်မှာထိုသို့ဆိုရင်း မီးဖိုချောင်ထဲသို့ လိုက်ဝင်သွားပြီဖြစ်ရာ ဓနသွေးမှာ နရင်းအုပ်ခံလိုက်ရသည့်နေရာကိုသာ ပွတ်သပ်နေတော့၏။