?????? ????????.

                   الكاتبـه زُهـا
                   بقلمي: نيران الانتقام

الروح شاغت من وراك ..
والدمع بعدك تبدهَ ،
ياما گتلك خاف ربك
بيه عُنفك وصل حدهَ
گتلك انة من اروح
ماترجعَني الـ تعالي
والأحبچ
هسة حزنك ..
أبد مايغفر جَروحك
لهسَة كلبي دكتة توجع
أثر النبرة الجارحة بصوتك
وهسَة جاي تريد
ترضِيني بـ تجين ؟
ما اريد وَياك أصيرن
حيل فضة ، بس
بعد هاذا الحزن
مايرجعني بعَد چذب الحَنين !

وهم::

اجهه وقت الانتقام الوقت الي لازم انفذ بي كلشي اخططله طول هل سنين اخذت الملفات الازمه الي راح تهدم بيت جدي وتوگعه من اساسه وتشمرهم ورا عين الشمس عدلت البدله مالتي وحطيت النجمات واكيد ماانسه عطري تؤ تؤ الغالي ابن الغالي هذاا طلعت اصبح عليهم

صباحح الخيرر ياحلوين

الكل:: صباح النور والعافيه

اكلت شويه وتوجهت للمركز اويلييي اليوم طشاركم اسوي بفلسس فلوسكم اليوم كلهه تروح واتشمت بيكم لك اخخ شلون شعور من هسه حلوو اخذت الملف وبوجهي للواء حسين

_ممكن ادخل سيدي

حسين:: تفضلي

:: السلام عليكم، جايتك بفد شغله مهمه سيادتك عندك وقت تسمعني.؟

حسين:: وعليكم السلام، تفضلي سيادة الضابط اكيد اسمعج.

:: سيادتك اني عندي ملفات لأشخاص شغلهم غير قانوني بالاضافه الا متاجرتهم بالاطفال وهواي امور اخرى

حسين:: شنو؟ منين جبتي هل معلومات سيادة الضابط وهم؟

:: صار فتره اشتغل بخصوص هل موضوع سيادتك وكدرت اجمع كل الدلائل والاثباتات يعني منحتاج شي بعد وميگدرون ينكرون

حسين:: ومنو همه؟ والعنوان الدرويه تطلع وياج كامله حفاضاً على سلامتج وانتِ ضابط كفوءء

:: همه عشيرة ال "" "" "، واذا تسمح اخذ بس كم واحد كفوء اريد انفذ المهمه وحدي

حسين:: الج كل الصلاحيه سيادة الضابط

:: ابتسمت واتشكرت منه اخذت كم شخص اعرفهم حق المعرفه ودوريه وتوجهنه البيت" المهيب "، اجه وقت الحساب من بعد سنوات راح اشوف ماما واختي الي نحرمت منهن بسببهم واطلع الضيم والقهر العشته وموت بابا كلشي من عيونهم وصلنه للبيت وگفت السياره ونزلت عدلت السلاح بخصري وحجيت بصوت واضح