يومكم مبارك...
(كلامي المكتوب في البوست نقصد بيه اراء بعض القراء فقط..القراء فقط..)
العقدة من الاغنياء اللي راكبه هلبه ناس مخليتهم يحكموا ع الروايه حكم سطحي وساذج للغايه..
ناهيك عن البعض الاخر اللي مايبيش يطلع من قالب "القصة الواقعيه" وفاهمين ان جودة الروايه بواقعية القصه..
اساسا عالم الروايات كله مبني ع القصص الخياليه ومنها الفنتازيه اللي يكون فيها الخيال واصل لأقصى مراحله منهم اللي يكون هدفه متعة القارئ فقط ومنهم اللي يبي يوصل رسائل معينه بطريقه مختلفه وغير تقليديه..
بعدين اني نبي نفهم شن اللي قاهر البعض من وجود الطبقه الغنيه في الروايه لدرجة يقول انها مجرد استعراض..
استعراض لشني نبي نعرف!؟
نسألكم بالله عالمنا ودنيتنا وحياتنا في الزمان هدا ع شن مبنيه..مش ع ثلاثه حاجات..
القوة..المال..السلطه او النفوذ!
علاش صايرة هالحروب والنزاعات في العالم مش لكسب هادم الثلاثه!!
شن هما اعظم الفتن اللي تواجه بني ادم مش هادم الثلاثه!!
وع هالاساس بنيت قصة الروايه وكتبتها مش ع اساس الاستعراض والوهم وغيره من الكلام الفاضي السطحي اللي يعبر ع سذاجة صاحبه..
بجديات في بعض الآراء تخلي الواحد يندم ع اللحظه اللي قرر فيها يخش عالم الكتابه في بلادنا هادي..
