��������

"Sa puso ko, ligtas ka." Perfect ang buhay ni Harmony-mula sa pamilya, trabaho, at pati love life. Pero nagbago iyon nang iwan siya ng kanyang boyfriend para sa ibang babae. Buong buhay niya, minsan lang siyang nagpakawala at nagpakalasing para sandaling makalimutan ang pagiging brokenhearted. Pero noon din niya nakilala ang lalaking magiging daan para muling tumibok ang kanyang puso. Si Ryan Mendez. Nakilala ito ni Harmony sa kakatwang paraan. Sumakay siya sa taksing sinasakyan nito. Dahil lasing siya at hindi alam kung saan siya dadalhin, dinala siya ng lalaki sa bahay nito. Doon nagsimulang maranasan ni Harmony ang isang uri ng pag-ibig-pag-ibig na makulit, magulo, at complicated-sa piling ni Ryan. Natatakot siya-na baka muling mabigo. Pero mukhang seryoso si Ryan na mabingwit ang kanyang puso at dalhin siya sa harap ng altar. Nakumbinsi naman siya, handa nang muling sumugal sa pag-ibig, nang umeksena si Jessy, ang babaeng naging fiancée raw ni Ryan. Mukhang iiyak na naman si Harmony. For the second time, her heart was broken. But this time, it would take a long time for it to heal...

Hindi alam ni April kung ano ang pumasok sa isipan niya at pumayag siya sa hiling ng lalaking bigla na lang pumasok sa coffee shop nila isang araw. Humihingi ito ng tulong para sa balak nitong panliligaw sa isa sa mga kaibigan niyang si Cheska. Wala na siyang nagawa kundi ang pagbigyan ito at maging tulay para mapaglapit ang mga ito. It didn't take long until those two entered a relationship. Akala niya ay tapos na ang komunikasyon niya sa lalaking iyon pero nagkamali siya. Dahil sa hilig ng kaibigan niya sa paghahanap ng kasiyahan sa iba't ibang lugar ay siya ang pinakiki-usapan nitong samahan muna ang boyfriend nito tuwing hindi ito makakarating sa usapan ng mga ito. Kahit ayaw niya ay wala na rin naman siyang choice dahil naaawa rin siya sa lalaking iyon na halatang patay na patay sa kaibigan niya. Pero mas matindi ang pagkaawang naramdaman niya para dito nang malaman niyang niloloko ito ng kaibigan niya. She didn't know what to do. Sasabihin niya ba dito ang mga panloloko ni Cheska at sirain ang tiwala ng kaibigan? She knew that she shouldn't meddle with their relationship. But there was a part of her heart that wants this man to forget her friend and just look at her. Why was she being like this?

Labinlimang taon si Amparo nang maramdaman ang unang pag-ibig at matikman ang unang halik. Si Piolo ang kanyang hinangaan, sinamba at pinangarap na makasama habambuhay. Pero mayaman ang lalaki at ayaw ng matapobreng mama nito sa kanya. At nasaktan ang batang puso niya nang iwan siya ni Piolo. Pagkaraan ng mahigit sampung taon, muling nagkrus ang kanilang mga landas. At kahit isa nang sikat na modelo at sinasamba ng mga kalalakihan ay hindi nagbabago ang epekto ni Piolo kay Amparo. Pero kailangan niyang maging matibay. Kung noon ay muntik nang may mangyari sa kanila, ngayon ay ipinapangako ni Amparo: kahit si Piolo pa ang kahuli-hulihang lalaki sa mundo, hindi niya ipagkakaloob ang sarili rito. Pero ano ang ginagawa ni Piolo sa kanyang kuwarto? Nakatayo ito sa harap niya. At siya, naghihintay lang sa susunod nitong hakbang...

College buddies sina Elise at Clint. Noon pa man ay may lihim nang pagtingin si Elise sa binata. Hindi nga lang niya magawang ipahalata iyon dito dahil hindi ito naniniwala sa pag-ibig. Pero ganoon na lang ang gulat niya nang sabihin nitong handa na itong sumubok sa larangan ng pag-ibig. At gusto pa nitong tulungan niya itong ligawan ang babaeng gusto nito! Hay, kung magbiro nga naman ang tadhana! Para hindi na lang siya masaktan, pinili niyang umiwas na lang dito. Doon naputol ang ugnayan nila. Ngayon, pagkalipas ng maraming taon ay bigla na lang itong sumulpot sa gabi ng birthday niya, telling her na ito ang secret admirer na nagpapadala sa kanya ng paborito niyang blue roses na may kasamang sweet quotes. She realized he still had the same effect on her. Ito pa rin ang nagmamay-ari ng puso niya. Sa pagkakataong iyon, matutupad na kaya ang matagal na niyang pangarap na mahalin din siya nito?

"I have been loving you all my life, wala nang pag-asang magbago pa iyon. Kahit pa mapagod ka sa pagmamahal kong ito." "I've missed you" are not the words you expect to hear from your new boss. Especially when you had punched that boss twice when you were younger and you had sworn to hate the guy for the rest of your life. Kaya naman nang sabihin iyon ni Menriz, ang bagong boss ni Anikka, nang muli silang magkita pagkalipas ng ilang taon ay nawindang ang buong sistema niya. Pero hindi pa ito nakontento roon. Sa araw-araw ay hindi ito pumapalya sa pagpapapansin sa kanya. Until he finally confessed his feelings towards her. Matagal na raw may gusto si Menriz sa kanya at ngayong bumalik na siya, sisiguruhin daw nito na magugustuhan din niya ito! Pero imposible iyon. Dahil nang nakawin ni Menriz noon ang first kiss niya, ipinangako ni Anikka sa sariling kamumuhian ito habang-buhay. Pero bakit hindi niya maipaliwanag ang kakaibang tibok ng puso tuwing napapalapit siya rito? At bakit parang lumilipad ang iba niyang problema at si Menriz na lang ang pumupuno sa magulong isipan niya? The world must be ending!

"If you missed me that much, you can give me a kiss. I wouldn't mind." Nakilala ni Lira si Yvo sa mga panahong katatapos lang niyang malaman ang panlolokong ginawa sa kanya ng ex-boyfriend at best friend niya. Dala ng matinding paghihinagpis, nagawa niyang ipagkaloob ang sarili kay Yvo kahit hindi niya ito lubos na kilala. Labis na hiya ang nadama niya sa kanyang nagawa. Itinuturing siyang isang anghel sa kanilang pamilya. Bago matapos ang gabing iyon, iniwan niya si Yvo nang walang paalam. Para sa kanya, hindi na nila dapat makilala pa ang isa't isa. Pagkalipas ng halos isang linggo, muling nakita ni Lira si Yvo sa kasal ng kanyang pinsan. Buong akala niya, wala nang halaga para dito ang lahat ng nangyari sa kanila nang gabing iyon. Ngunit laking gulat niya nang bigla nitong ipilit ang sarili sa kanya. Hindi pa ito nakontento, ipinakilala pa nito ang sarili sa buong pamilya niya at sa ex-boyfriend niya na boyfriend niya ito! Magagawa pa ba niya itong ipagtabuyan, lalo pa at nagsisimula na itong magkaroon ng espesyal na lugar sa puso niya? A/N: All rights reserved to Precious Pages Corp. This story was published on 2012.

This novel was published by Precious Pages Corporation under Precious Hearts Romances imprint, 30 September 2009. Catchline: "Ang gusto ko, kung saan ka, doon din ako dahil gusto kitang makita palagi at mapalapit sa 'yo. Pasensiya ka na. Sinusunod ko lang naman ang sinasabi ng puso ko." Teaser: Sabi kay Ladylyn ni Princeton, na-love at first sight daw ito sa kanya nang una sila nitong nagkita. Kaya, para daw mapalapit ito sa kanya, lumipat ito sa unibersidad kung saan siya nag-aaral, tumira sa boarding house na tinutuluyan niya at nagtrabaho sa bakeshop na pinagtatrabahuhan niya. Inaamin niya, may naramdaman din siya para sa binata pero binabalewala niya iyon. Dahil bukod sa inis at galit siya rito, ang kababata niya ang tanging isinisigaw ng puso niya. May girlfriend na rin naman ito. Pero mukhang seryoso talaga ito sa kanya. Nang ma-realize naman niya na ito ang mas matimbang sa puso niya, paano naman si Janna na ayaw itong pakawalan at ang daddy nito na ayaw sa kanya para dito? [Cover Photo (c) to PHR, PPC]

Geneva caught Robin in a compromising situation. Kaya mula noon ay natatak na sa isip niya ang pagiging maloko sa babae ng binata. Pagkaraan ng mahigit isang dekada ay muling nagkrus ang mga landas nila ni Robin. Hindi na siya nagtaka na nanatili itong binata. Alam niyang ito pa rin ang tipo ng lalaking hindi magpapatali. Kaya ganoon na lang ang pagtataka ni Geneva nang suyuin siya ni Robin. Hindi na niya magawang iwasan nang hindi sinasadyang may nangyari sa kanila. Inalok naman siya ni Robin ng kasal, pero nagpakatanggi-tanggi si Geneva. Ang katwiran niya, kailangan muna nilang kilalanin ang isa't isa na siyang sinang-ayunan naman ni Robin kahit labag sa kalooban nito. Naging maayos ang pagbahay-bahayan nila. At sa mga araw na kasama ni Geneva ang binata ay unti-unti ring nahuhulog ang loob niya rito. Pero kung kailan handa na siyang aminin ang nararamdaman kay Robin ay saka naman sila naaksidenteng dalawa. At ganoon na lang ang panlulumong naramdaman niya nang hindi na siya maalala ni Robin. Paano na ngayon ang gagawin niya?

After the heartache and pain she went through a year ago, all that Danielle wants is to start a new life. Pero mukhang magugulo na naman ang bagong buhay na iyon dahil sa kapitbahay niyang saksakan ng antipatiko at papansin-si Charles. Sa una pa lang na pagkikita nila ni Charles ay inis na kaagad ang umusbong sa dibdib niya para sa lalaki. Every time na magkakaharap sila ay para silang aso't pusa. Pero bakit nagiging irregular ang heartbeat ni Danielle lately kapag nakakaharap ang binata? Hindi pa siya handang magmahal uli pero paano nga ba niya basta-basta mapagbabawalan ang sarili na ibigin si Charles? Tama bang buksan niyang muli ang puso para sa binata? Note: unedited version po ito

PUBLISHED: May 2011 Dalawa ang rason ni Marivic kaya pumayag siya sa pakulo ng kanyang ina na makipag-date siya kay Lance. Una, gusto niyang makuha ang pinakaaasam na bakanteng unit sa commercial building na pag-aari ng pamilya niya para sa itatayo niyang studio. Pangalawa, gusto niyang mapanatag ang kanyang ina na wala siyang balak sumunod sa yapak ng mga tiyuhin at tiyahin niya na pawang matatandang binata at dalaga. Si Lance naman ay pumayag sa kapritso ng kanyang ina alang-alang sa pinakamamahal nitong negosyo. At para masiguro na makukuha nila ang kanya-kanyang gusto, nagkasundo sila na magpanggap na nagkakamabutihan. Pulido at walang palpak ang drama nila. Pero sa malas, ang puso yata niya ang pumalpak. Sineryoso niyon masyado ang pagpapanggap nila ni Lance kaya ngayon ay nasa bingit ng panganib iyon dahil alam niyang hindi siya ang tipo ng babae ni Lance...