سهمُ السارلــين •🏹
روزا الجنابي •
مُتابعة تصويت تعليق بين الفقرات لُطفا•
الليلة گلبي من التعب نَام
وأسمع ونين يَدگ بـ العَظام
_____
سدن:- منو برا
فواز:- الحجية
عقدة حواجبي بـ استفهام يا حجية! طلعت ويَ ماما للباب وتوقفت بمكاني
بجفلة حيلي نهد وقلبي صار ينبض بطيء
أم أسامة!
رمشت بعيوني بدهشة، اريد ارجع بس ماكدرت دخلو
أم أسامة وياها حرمة ثانية تلكيتهن
للباب وامي سارة تهلي وترحب بيها شافتني وفتحت ايدها
الحجية:- هلا يبعد بيتي يهلا بروح تچايتي وروحي
سدن:- اهلا وسهلا خالة
بوستها ورجعت سلمت على الحرمة الثانية ودخلنا للبيت وامي سارة تحير شلون ترحب بيهن
سارة:- هلا حجية هلا يمة كل الهلا بيكم زارنه الخير واهله حجية شلونج
وهي تجاوبها بتعب:- على الله يـ يمة على الله
نزلو سارين ومسك من فوك شافتها وبهتت ملامحها دخلو سلموا
وطلعنا ثنينا من الصالة:- أم أسامة!
سدن:- بلي
سارين:- ليش أجت؟
قوست فمي بماعرف وفتحت باب الكاونتر اطلع صينية تا احضر ماي
كنت ادعي الامبالاة بس الحقيقة توتر الف من كد الضغط الصار على قلبي احس الدم توقف بشرايين وحرارة جسمي ارتفعت
اجت امي سارة بـ استعجال كالت:- جهزن ضيافة بنياتي
سارين:- ماما تعااالي ليش اجت
سارة:- ليش اجت شنو ماما!، عيب تعاي اكعدي يمهن وخلي مسك تجي ويَ سدن البنية خجلانة
طلعت سارين واجت مسك جهزنا ضيافة ورجعت للصالة ايديه ترجف
شايلية الصينية واحس اريد اوكع من طولي
لتفت على صوت ضحكة مسك
:-ههه ليش خايفة تكول جايين خطابة عليج
سدن:- نجبي نجبي اشش
مسك:- هههه أمشييي
دخلت والحجية تكول لـ أمي:- تعنيت مخصوصة عليكم والله مايدري بيه لو يدري ييمة شيسوي وشيعمل مايقبل والله
سارة:- كل الهلا بيكم حجية تنورونا والله
خليت الضيافة كدامها وكالت:- هاية بنيتچ
سارة:- اي هاي سدونة أخت الويلاد
وهاي بنيتي
كعدت بصف سارين وهي تدحگلنا وتمسح بيدها المتعوبة:- يحفظجن الله الشبابچن يمة، وهاي البنية
سارة:- هاي زوجة فواز وليدي الصغيرون
الحجية:- عين الرحمن يحرسچن يمة يبعد طوايفي
