ســَهمُ السارلــين •🏹
روزا الجنابي •
مُتابعة تصويت تعليق بين الفقرات لُطفا•
بَس المِحترِگ يفهَم حّچي
الدُخان
وُيعرُف حُرورتة ويفهَم
سَبب عِلته..
_
____
لميت شفايفي بـحيرة عيوني على أسامة عصر بين عيونوا بعصبية
لتفت بنظرة سريعة علينا وصد عليهم من وصلو تسالموا كلهم بـ هدوء
دحگلنا حسان:- شلونجن يبنوات
:- هلا خوية
عُمر:- أم سهم خوية هانت أن شاءالله
اومأ براسها بلا ما تحجي
حسان:- من شوكت دخلوها؟
جراح:- ربع ساعة تقريبا
حسان:- أن شاء الله سهلة
زياد:- تطول العملية؟
جراح:- ساعتين اكثر ماندري
نزلت عيوني بـ الارض من لمحت زياد رفع عيونوا بسرعة ونزلهه حضنت سارين على صدري بقوة وظليت منزلة رأسي ما اريد ارفعوا تمنيت اختفي من كدامهم ما اريدو يشوفني واسببله وجع ولا أسبب لنفسي مشاكل
تنهدة بضيق صدر
ورفعت رأسي من وگف أسامة كدامي دحگت بعيونو كان يحاول يكوم طبيعي بس نظراتو تنثر عصبية
أسامة:- تگعدون بالغرفة حتى ام سَهم ترتاح
سَدن:- وين الغرفة هيَ
لتفت على جراح:- أبو سَهم الغرفة وين حتى البنات يرتاحو هن وخالتي أم شاهين
قطع كلاموا ويَ حسان واجه بساع علينا:- هينة تعالي أبوية
گوم سارين دخلها للغرفة كعدت على الكرسي ورفعت رجليها الصدرها ضمت وجها وبصوت خافت تردد' يارب يارب بنيتي يا شافي يامعافي يا شافي ياحافظ يا حفيظ
أسامة:- سَدن
تمشت ليموا وكفت ميل جسموا وهمهم بينا:- ظلن بالغرفة واذا حتاجيتي شيء دزيلي رسالة
دحگتلو بعتب واومات براسي:- تمام
رجع يمهم وظل جراح روحو تلوب أجت عمة بيداء علينا
بيداء:- روح وليدي انا بسدها
طلع للباب وظل واكف ساعة يحجي وياهم ساعة ويانه وسارين تنود طولت أكثر من ساعة ووگفت روحها مفرفحة
سارلين:- تاخروو مو تاخرو
بيداء:- لا ييمة هسع تطلع يبعد عيني ارتاحي
سارلين:- عمة والله تاخرو، جراح وين جراح
طلعت للباب تمسح بدموعها:- جراح تاخرو
اجاها بسرعة حاوط ايديها:- ها يعيوني
:- تاخرو عفية نروح نسأل
:- لالا هسع يطلعوها بس شوية
:- تعال نشوفها
مسحت دموعها لي غطت وجها وشفتها ترجف تأشر وتغص بالكلام:- خاف بيها شيء خلي ننتظرها هناك يم الباب
:- بس تطلع اخذج عليها والله بعدهي
:- اخذني يم الباب ننتظرها من تطلع اخذها يمي
:- هسع
قاطعت كلامه بشهكة تمرد الروح:- مو هيَ صغيرونة خاف نوجعت الله عليك خلي نروح بس ننتظرها
