Don't Leave, Angelus (Affliction Series #4)

Chapter 18

“Ate Ganda! Hanap mo po si Kuya? Umalis po!”

“Oh... saan daw pumunta? And what are you doing, by the way?” Dumapo ang tingin ko sa hawak niyang uling at baling hanger.

“Magluluto po.”

“You know how? Woah. E, iyan?” turo ko naman sa hawak niya.

“Pangningas po, wala po kasi kaming gas.”

Nagpatango-tango ako at pinagmasdan siya sa ginagawa niya sa harap ng isang abuhan. Kumunot ang noo ko nang magsindi siya gamit ang posporo. Hindi ba delikado na bata pa siya tapos ganito?

I sighed and pulled her hand away from it. Inosente siyang tumingin sa akin na nginitian ko. “Wala ba kayong electric or gas stove?”

Hindi siya sumagot kaya bumuntonghininga ako. Obviously, Alvea. “I’ll purchase you one. Sino ba ang kasama mo sa loob?” Nasa bukana lang kasi ako ng bahay nila. I refused to go inside baka atakihin na naman iyong mama nila dahil sa akin.

“Si Nanay po. Nasa kanila Ate Malessa po si Arki, nakikinood ng TV.”

Tumango ako at kinuha ang cell phone para um-order at ipa-deliver agad ang stove at gas tank. “Bakit? Wala ba kayong TV?” tanong ko habang pumipindot sa cell phone. I saw her shake her head, so I nodded. “Okay, I’ll give you one next time.” Baka kasi atakihin sa galit si Angelus kapag pati TV ay bilhin ko.

Nang matapos ay nilingon ko nang muli ang bata na inosenteng nakatitig sa akin. I bent over and smiled. “Bakit ikaw ang nagluluto? You’re too young for that. Child labor iyan.”

“Gutom na po kasi ako...”

Tumango ulit ako at nilabas ang cell phone para um-order ng pagkain. Nang matapos ay hinarap ko siya. “I ordered, hintayin mo at saglit lang naman iyon, okay?”

“Isabel... nariyan na ba ang kuya mo...”

Napahinto ako at lumingon sa pinanggalingan ng boses. Nagkatinginan kami ng babaeng nasa pintuan. Angelus’ mom! Kaagad akong yumuko nang bahagya para bumati. “Good afternoon...” Hindi pa ako ready! Paano kung atakihin siya? Wala pa naman si Angelus dito!

“Nandito ka na naman?”

Nanlamig ako at mas lalong hindi makatingin sa kaniya. “U-Uhm... wala po akong masamang intensiyon...” depensa ko kaagad. The heck! Baka ako iyong atakihin sa kaba rito!

I heard her sigh. “Pumasok ka.”

I stiffened. Oh, my god! Paano kung utusan niya akong layuan si Angelus? Hindi naman niya ako aalukin ng pera, ’di ba? Bumuntonghininga ako sa natanto. Wala nga naman silang sapat na pera tapos gagastusan pa ako?

“I’ll just talk to your mom. Hintayin mo na lang iyong order at tawagin mo si Arki para kumain kayo, ha?”

Tumango siya kaya inihanda ko na ang sarili nang makapasok na nang tuluyan sa kanilang bahay. Parang kubo lang din iyong bahay nila ganoon pa man ay malinis tingnan. I imagine Angelus cleaning every corner of this house. I grinned inwardly.

Bumalik lang iyong kaba ko nang maabutan ko ang nanunusok na tingin ng ginang. Akma akong uupo sa upuan na nasa gilid nang magsalita siya.

“May sinabi ba akong umupo ka?”

Namutla ako. “Uh... wala...”

“Bakit ka uupo kung ganoon?”

Kasi gusto ko?

I cleared my throat and got irritated a bit. Kairita! Buti na lang mama siya ni Angelus! Kung hindi ay kanina pa ako nagsuplada! Chill, Alvea. She’s your future mother-in-law. Be good and have patience.