~~???????????????~~ {Complete}

??15??

ကိုယ့်အခြေအနေကိုနားလည်ကာ
သက်ပြင်းတစ်ချက်ချလိုက်မိ၏။
ဇာတ်ကားတွေထဲမှာသာကြားခဲ့ဖူးတဲ့
ဗီလိန်ဆိုတဲ့အဓိပ္ပါယ်ကိုကြွေအခုတော့
နားလည်ခဲ့သည်။

မေနေ့စွဲကကြွေ့ကိုဘာကြောင့်
ဒိလောက်ကြီးအထိမုန်းနေတာလဲ??
ကြွေကကိုယ်မသိတဲ့အခြေအနေထဲမှာ
ကြားညှပ်နေတာပဲ!!

သန့်ရှင်းရေးလုပ်ရအုံးမှာမို့ ကြွေ
ထရပ်လိုက်တော့ ဖန်ကွဲစလေးကအထဲကို
ပိုမိုနစ်ဝင်သွားကာ ကြွေ နာကျင်အောင့်သက်သွား၏။

မျက်ရည်ပါဝဲလာရင်းနောက်ကကုတင်ပေါ်
ထိုင်ချမိကာ ခြေထောက်ယူကြည့်ရင်းမှ
ဖန်ကွဲစကိုဆတ်ခနဲဆွဲထုတ်ရန်တွေးပေမဲ့
လက်တွေကမရဲပေ.....။

ဖန်ကွဲစကိုထိရင်းနည်းနည်းလေး
လှုပ်ကြည့်ရုံနဲ့တင် အသည်းထဲက
ခိုက်အောင်နာသွားသည်။
ကြွေ ဘာလုပ်ရမလဲစဉ်းစားမရဖြစ်နေတုန်း
အခန်းထဲကိုတစ်ယောက်ယောက်
ဝင်လာတာမို့ ခေါင်းလေးထောင်ကြည့်တဲ့အခါ ထင်မထားစွာနဲ့ဦးဖြစ်နေ၏။

“စူးသွားတယ်မလား??...."

ကြိုသိနေပုံနဲ့တပ်အပ်ပြောရင်း
ကြွေ မမြင်လိုက်မိသောဆေးသေတ္တာကို
ဘေးနားချကာ ကုတင်အောက်မှာဒူးထောက်ထိုင်လိုက်သည်။

နီးကပ်စွာရလိုက်တဲ့ကိုယ်သင်းနံ့ကြောင့်
ကြွေ ရင်ထဲဒိန်းခနဲဖြစ်သွားကာ
ရထားခုတ်မောင်းသလိုခံစားရ၏။
ကြွေ ကြွေရင်ခုန်နေတာတအားပဲ!!!

“ငြိမ်ငြိမ်နေ.....”

တစ်ခွန်းထဲအမိန့်ထုတ်ရင်း သူက
လက်အိတ်စွပ်ကာ ကြွေ့ခြေထောက်က
ဖန်ကွဲစကို မရည်ရွယ်ပဲဆတ်ခနဲ
ဆွဲနှုတ်ချလိုက်သည်။
အသားထဲထိထိုးခွဲထားတာမို့
ကြွေ သေပြီလားအောင့်မေ့ကာ
နှုတ်ခမ်းကိုပြက်ထွက်နေအောင်
ကိုက်ထားမိ၏။

သူက ကြွေနာလားမနာလားမသိချင်စွာ
မော့မကြည့်လာကာ ဖန်ကွဲစကိုဆွဲထုတ်ရင်း
ပိုးသေအောင်အရက်ပြန်
လောင်းချလိုက်တာမို့ လူကဆတ်ခနဲဖြစ်သွားကာ သူ့လက်တွေထဲကရုန်းထွက်လိုက်သည်။

သို့ပေမဲ့ ပြန်လည်ဆွဲယူသွားတဲ့သူက
ကြွေ့ကိုခပ်စူးစူးကြည့်လာရင်းမှ