~~???????????????~~ {Complete}

??15??

ဒါပေမဲ့ ကြွေမှအဲ့ပုံကိုခွဲတာမဟုတ်တာကို
ကြွေကဘာလို့အပြစ်ရှိသလိုနေရမှာလဲ??
အခုမှ သတိချပ်ရင်းကိုယ့်ကိုကိုယ်
အားမလိုအားမရဖြစ်မိ၏။

“သမီးရယ် ဘာဖြစ်တာလဲကွယ် သခင်လေး
တက်သွားလို့မေတိုးလိုက်မလာတာ
ကွဲသံကြားပြီး စိတ်ပူလိုက်ရတာ
ဘာဖြစ်တာလဲ??.....”

ကြွေ ဖြေရန်တွန့်ဆုတ်နေပေမဲ့ မေတိုးကတော့ကြွေ့ကိုယုံပေးမယ်ဆိုတာ
သိတာမို့ နားနားကပ်ရင်းမှ

“မေနေ့စွဲက ဦးရဲ့ညီဆိုတဲ့သူရဲ့
ဓာတ်ပုံကိုရိုက်ခွဲပြီး ကြွေ့ကိုအပြစ်ပုံချတာ
ဦးကလဲတကယ်ဆိုပြီး ကြွေ့ကိုစိတ်ဆိုးသွားသေးတယ် ဒါပါပဲမေတိုးရယ်....”

ဒေါ်တိုးကအစပိုင်းမှာမျက်နှာလေး
နွမ်းသွားပေမဲ့ တဖြည်းဖြည်းမျက်နှာက
တည်သွားရင်းမှ တအံ့တဩဖြစ်ကာ

“ဘယ် ဘယ်လိုခေါ်လိုက်တာ သခင်လေးကို
ဘယ်လိုခေါ်လိုက်တာ....."

မျက်နှာလေးရဲသွားတဲ့ကြွေ မေတိုးကို
မသိချင်ယောင်ဆောင်ရင်းမှ
လည်ပင်းလေးမသိမသာပွတ်သပ်ကာ

“ဟို လင်မယားကြားသုံးနှုန်းမှု
တစ်ခုလောက်ရှိသင့်တယ်ထင်လို့.....”

“အေးပါကွယ် သမီးတို့အဆင်ပြေရင်
မေတိုးလဲဝမ်းသာပါတယ် ဘာပဲဖြစ်ဖြစ်
လင်မယားဆိုတာ တစ်ဦးနဲ့တစ်ဦး
နားလည်မှုရှိကြရင်ကောင်းတာပဲကွယ်
ကြားထဲခလောက်ဆန်တဲ့လူမရှိရင်ပေါ့....”

ဘာကိုပြောတာမှန်းသိတာမို့ ကြွေ
ငြိမ်ငြိမ်လေးနေမိတဲ့အခါ မေတိုးက
အောက်မှာကျနေတဲ့ဖန်ကွဲစတွေကို
သေသေသပ်သပ်သိမ်းဆည်းရင်း
အခန်းထဲကပြန်ထွက်သွားသည်။

ရေမကိုင်ရဘူးဆိုကာမှ ခြေလက်မဆေးရသေးတာသတိရကာ ကြွေအကြံအိုက်သွား၏။
ဘယ်လိုလုပ်ရပါ့မလဲ??
ဘာမှတော့မဖြစ်လောက်ပါဘူး!!

အတွေးဖြင့် ထလိုက်တော့ ခြေဖဝါးတစ်ဝိုက်
နာကျင်နေတာမို့ ခြေဖော့ရင်းရေချိုးခန်းထဲ
ရောက်အောင်လျှောက်လာခဲ့သည်။

‌လက်ကိုရေစိုလဲမတတ်နိုင်တော့တာမို့
ခြေလက်ဆေးကြောကာ အပြင်ပြန်ထွက်လာခဲ့၏။