~~???????????????~~ {Complete}

??19??

မျက်ဝန်းထောင့်ကမျက်ရည်ကြောင်းလေး
စီးကျသွားချိန်  ဝမ်းသာလွန်းလို့
နှုတ်ခမ်းစွန်းလေးမသိမသာကွေးမိ၏။
တော်သေးတာပေါ့ဦးရယ်!!!

ကူရာရတဲ့လူတစ်ယောက်နှယ်
စိတ်ကိုဒုန်းဒုန်းချလိုက်ချိန် ကြွေ့ရဲ့
အသိစိတ်တွေ လစ်မစ်မရှိအဝေးကို
လွင့်စင်ထွက်သွားသည်။
ခဏလေးတော့အနားယူပါရစေ!!!

မိုးရေတွေနဲ့ရောယှက်ကာ အေးစက်နေသော
ကိုယ်လုံးလေးကို သစ်ပင်ရင်းကနေပွေ့ရင်း
ရန့်မျက်ဝန်းတွေက စိုးရိမ်ခြင်းမည်သော
အရိပ်တွေရှုပ်ရှက်ခတ်နေ၏။

ကိုယ့်ကိုကိုယ်အပြစ်ရှိသလိုခံစားရတာမို့
အံကိုတင်းနေအောင်ကြိတ်ထားမိကာ
သူမကိုကားဆီခပ်သွက်သွက်ခေါ်လာခဲ့မိသည်။
မိန်းကလေးတစ်‌ယောက်ကိုသုသာန်မှာ
တစ်ရက်လုံးထားခဲ့တဲ့သူဟာ
မရူးမိုက်ပေဘူးလား??
ပိုက်ဆံပုံပေးပြီးဝယ်ခဲ့ပေမဲ့ သူမကို
ပြောခဲ့တဲ့စကားတွေကိုအတွေးရောက်တိုင်း လူကဖျဉ်းခနဲဖြစ်ရစမြဲ!!

ညီအတွက်လက်စားချေချင်ပေမဲ့
မသိစိတ်ထဲအားနာမိတဲ့သူဟာ
သူမအပေါ်ထင်သလောက်မရက်စက်နိုင်ခဲ့!!
ဘာလို့များသူမမျက်ဝန်းတွေက
အပြစ်မဲ့သူလို သန့်ရှင်းနေရတာလဲ??

‌ရင်ထဲကမေးခွန်းနဲ့အတူ ကားပေါ်ကို
ခပ်ဖြည်းဖြည်းတင်ရင်းမှ ခါးပတ်ပတ်ကာ
သူပါမောင်းသူနေရာဝင်ထိုင်လိုက်၏။

မနက်ခင်းသုံးနာရီမို့ မြူတွေဆိုင်းကာ
ရာသီဥတုကအေးတဲ့ဘက်ရောက်ချင်သည်။
စိုးရိမ်မှုကြောင့် အတ္တတွေအမုန်းတွေ
မသိတော့ကာ အေးစက်ပျော့ပျောငိးနေသော
သူမလက်တစ်ဖက်ကို ကားမောင်းရင်းနဲ့
ဆုပ်ကိုင်ထားပေးမိ၏။

သူမသိခင် သံယောဇဉ်ကြိုးတွေက
ပေါက်ဖွားနေပြီလား???

တရိပ်ရိပ်သန်းနေတဲ့ကားလေးက
နေအိမ်သို့မရောက်မချင်းသောကတွေ
မသေ!!
စောလွန်းတာကြောင့်ဆေးရုံခေါ်သွားဖို့မဖြစ်ကာ အိမ်ကိုပဲသွားရန်ဆုံးဖြတ်လိုက်သည်။
အိမ်ရောက်မှနွေးထွေးအောင်နေခိုင်းရမယ်!!

🍂🍂🍂🍂🍂

“ဟင်း...."

ညည်းညူသံကအဆက်မပြတ်!!
ဒေါ်တိုးကြည့်နေတုန်း ကြွေက
မျက်ဝန်းတွေလှုပ်လီလှုပ်လဲ့ပွင့်လာကာ
ပတ်ဝန်းကျင်ကိုစူးစမ်း၏။
အိမ်မှန်းသိကာမှ မျက်ဝန်းလေးတွေ
ခပ်ဖြည်းဖြည်းပြန်ပိတ်သွားကာ
အိပ်ပျော်သွားပြန်သည်။