~~???????????????~~ {Complete}

??25??

အခန်းထဲမှာယောင်္ကျားတစ်ယောက်နဲ့အတူ
မမကအခုမှသတိရဟန်.....။
ကြွေလာတာမြင်တော့မှ ထိုလူကထရပ်ကာ
လက်ထဲကဖုန်းကိုကြွေ့လက်ထဲ
လာထည့်ရင်းမှ

“သူကလမ်းလည်ခေါင်မှာတိုက်ခိုက်ခံရတာ
ဘာကြောင့်မှန်းရေရေရာရာမသိပေမဲ့
ဟိုဘက်ကမိန်းမကြီးနဲ့သူ့အပေါင်းပါတွေက
မယားငယ်မဆိုပြီးဝိုင်းသမနေကြတာပဲ!!
ကျွန်တော်လဲတွေ့သွားရော သူက
သတိလစ်ပြီးခွေခေါက်နေပြီ.....အခုလဲ
ခေါင်းကိုခုနှစ်ချက်ချုပ်လိုက်ရတယ်!!...."

ပြောသမျှနားထောင်ရင်းမမအစားရှက်လွန်းလို့ တစ်ကိုယ်လုံးပူထူလာသည်။
လူကြားထဲဒီလိုတွေအရှက်ခွဲခံပြီးများ
သူများယောင်္ကျားကိုပတ်သတ်ရသလား??

ကြွေ ထိုလူ့ကိုအထပ်ထပ်ကျေးဇူးတင်ရင်း
မမရဲ့ကုတင်နားလာလိုက်တော့
နာကျင်နေရက်ကြားကမှကြွေ့ကိုကြည့်ကာ
မျက်မှောင်ကုတ်သွား၏။

“ဘာလာလုပ်ပြန်တာလဲ??....."

“ဘာလို့အိမ်ထောင်ရှိတဲ့လူနဲ့ပတ်သတ်တာလဲမမအဲ့လောက်ပဲယောင်္ကျားတွေနဲ့အတူ
နေချင်တာလား မိန်းကလေးတစ်ယောက်ရဲ့
သိက္ခာဆိုတာရောမမဆီမှာရှိရဲ့လား??.....”

တွဲလိုက်တဲ့ယောင်္ကျားတွေဆိုတာ
ကြွေသိတာရော မသိတာရော ပေါင်းရင်
လက်ချိုးရေလို့တောင်ရမည်မထင်!!
ခပ်ရိုင်းရိုင်းပြောရရင် မမသစ်
အပျိုတစ်ယောက်လို့ပြောရင်တောင်
ကြွေဟာယုံမှာမဟုတ်!!!

စိုးရိမ်တကြီးခပ်မာမာပြောပေမဲ့
အရှိုက်ထိသွားတဲ့သစ်က ကြွေ့ကိုဘေးနားက
ခေါင်းအူံးနဲ့လှမ်းပြစ်ပေါက်ကာ

“ငါ့ကိစ္စကနင့်‌ောက်ပူတစ်ပြားမှမပါဘူး
အငယ်ကအငယ်နေရာလိုနေ ကိုယ်နဲ့မဆိုင်ရင်ဝင်မပါနဲ့....".

“မပါလို့ရမလား မမသစ်ရဲ့လုပ်ရပ်တွေက
ကြွေတို့မိသားစုဂုဏ်သိက္ခာနဲ့ဆိုင်တယ်
တစ်ခါလောက်ပဲဖြစ်ဖြစ် လုံလုံခြုံခြုံနဲ့
အိန္ဒြေရှိရှိနေကြည့်ပါအုံးလား??....."

“ရွက်ဟောင်းကြွေ....."

အော်ပြိးကာမှ နာကျင်သွားတာကြောင့်
ခေါင်းကိုကိုင်လိုက်တာကိုကြည့်ကာ
ကြွေ အနားကိုဖျက်ခနဲရောက်သွားရ၏။