~~???????????????~~ {Complete}

??27??

ကြွေ ဖုန်းခေါ်မရလို့သောကဖြစ်နေတုန်း
နှာခေါင်းထဲတိုးဝင်လာတဲ့ဆပ်ပြာဆီနံ့
သင်းသင်းနဲ့အတူ ကျောပြင်နားက
အေးစက်စက်ခံစားလိုက်ရတာမို့
နောက်လှည့်ကြည့်လိုက်တော့ အောက်ပိုင်း
တဘက်တစ်ထည်ထဲနဲ့ခေါင်းရေသုတ်နေတဲ့
သူက ကြွေလုပ်သမျှကြည့်နေတာမို့
လူကဖျဉ်းခနဲဖြစ်သွားရ၏။

“ဘာကြည့်တာလဲ??.....”

ရေစက်တွေတွဲခိုနေတဲ့ရင်ဘတ်ကို
အကြည့်လွှဲကာ ရှက်ကိုးရှက်ကန်းနဲ့ပြောတော့သူက စပ်ဖြဲဖြဲမျက်နှာထားဖြစ်သွားရင်းမှ

“ဘာတွေများခိုးလုပ်နေတာလဲလို့
လာကြည့်‌တာလေ မရဘူးလား??...."

ပြောပြီး ဘေးနားဆတ်ခနဲဝင်ထိုင်တာမို့
သူ့လက်မောင်းကရေတစ်ချို့ ကြွေ့အင်္ကျီကို
လာထိစပ်သည်။
ကြက်သီးဖြန်းဖြန်းထရင်းမှ ပူထူလာတာမို့
ကြွေ ကုတင်ပေါ်ကဖျက်ခနဲထလိုက်ကာ

“ကြွေ အောက်မှာစောင့်နေမယ်
ရှင်အဝတ်လဲပြီးလာခဲ့....."

ရဲတွတ်နေတဲ့မျက်နှာလေးကိုအားရအောင်ကြည့်ရင်း ခေါင်းညိမ့်လိုက်မှ သူမက
အခန်းထဲကခပ်သွက်သွက်ထွက်သွား၏။
သူမရဲ့ရှက်နေတံ့အမူအရာလေးကိုကြည့်ရင်း
ရန် ခပ်ဟဟပြုံးလိုက်သည်။
ဘယ်လိုချစ်ဖို့ကောင်းမှန်းမသိဘူး!!!

>>>>>>

ကြွေ အောက်ဆင်းရင်း ထမင်းစားပွဲမှာ
ထိုင်လိုက်တဲ့အထိ မမကိုဖုန်းခေါ်လို့
မရသေးပေ!!!
လူကစိတ်ပူ‌လာပြီ....အဲ့ယောင်္ကျားက
ကောင်းမှန်းမသိ မကောင်းမှန်းမသိ!!
မတော်လို့မမကိုတစ်ခုခုလုပ်လိုက်ရင်ရော!!

အတွေးတို့ဖြင့်ပူလောင်ရင်းမှ
ကြွေ ဖုန်းလေးကိုကြည့်နေတုန်း
မေတိုးက အနားရောက်လာလေသည်။

“သမီးဘာစားမလဲ...."

“အဆင်ပြေရာပေါ့....."

မေတိုးကဆက်မပြောပဲနဲ့ထွက်သွားတာမို့
ကြွေ သက်ပြင်းချလိုက်၏။
ကြွေ ဘာကြောင့်သူတို့‌တွေနဲ့
စကားမပြောချင်တာလဲ??

ခဏနေတော့သူကဆင်းလာကာ
ကြွေ့ဘေးနားကပ်ဝင်ထိုင်တာကြောင့်
နည်းနည်းတော့အို့တို့အန်းတန်းဖြစ်သွားသည်။