???? ??????? ??

أَلجُــــزء ✧ 11

بِسم اللّٰـه الرَحمن الرَحيم

#أربـع_تهـديـدات ج٢

             بقلـم الكاتبــه: رولا عُــدي
✾------------------------------------------✾

مسلم: كلبشو إدين رضا وطلع عمران رحت وياهم وصلنه للمركز گعدنه يم أبـو طه بس رضا بقى واكف گبال المكتب وأبو طه رجع ضهره على الكرسي

أيـــوب: وأني گلت عليك مظلوم

رفع إيديه المكلبچات وگال مصدوم..
رضا: ولحسين أبـو فاضــل ما أدري شڪو

أيـــوب: هههههههههههه

عمران: لا سيــدي أجه لبيتي هددنه وأُمي مريضه جبرني أسجل البيت بـ أسمه وهـذا المحامي يشهد

المحامي: صح هـوه هددني وجبرني أسجل البيت بـ أسمه

اندار رضا عليهم مصدوم راد يفشر ومن استوعب هوه گبال أبو طه سكت..
أيـــوب: خل والدتك تجي ونسألهه إذا هـوه جابرهه

فز عمران وحچت بارتباك
عمران: لا لا لا أُمـي مريضه بـ الفراش

أيـــوب: وليش توترت؟

عمران: ما تگدر تجي شلون اخليهه تدخل مركز

أيـــوب: ههه!  جعفـررر

مسلم: طب جعفـر ضربله تحيه وأبـو طه اشرله يفتح الكلبشات من أيدين رضا ويرحون البيت أخلاص طلعنه وأجو ويانه كم ضابط وصلنه لبيتهه گعدنه وهيـه أنصدمت من سولفنالهه

أخلاص: لا أني سجلته بـ أسم حفيدتي وهيـه سجلت نص بـ أسم رضا ،  ما هددني

عمران: لا لا واللّٰـه سيدي هـوه هددني وهدد أُمي بس أُمي من الخوف تحچي هيچ

جعفـر: تعالوا ثنينكم بـ الحجز هناك نتأكد

عمران: لااا ما أگدر أجي أني  أُمي مريضه أخذو رضا هـوه هددنه

جعفـر: وشبيك خايف هسه مو هذا ساكت انتَ لو واثق من نفسك ما تتوتر

مسلم: راح لعمران كلبش إيديه ورضا هم  أخذهم وأني افتر وراهم رجعنه للمركز وأبـو طه من شاف عمران ضحك

أيـــوب: ها ههههه استاذ عمران أبو الرشاوي

سكت عمران مرتبك وأبو طه كمل حچي
أيـــوب: المحامي أعترف ماخذ منك رشوه حتى يحچي ضد رضا! جعفـر أخذهم ثنينهم بـ الحجز

عمران: بس أني مظلوم ليش انسجن

أيـــوب: أنچبببببببب
صاح أبو طه وعمران سكت أنوب دار وجه عليَّ
أيـــوب: انتَ مو أخذت اجازه سويت روحك ميت شو كلشي مابيك