???? ??????? ??

??????????? ? 11

مسلم: سيدي كليتي ما أگدر أداوم هسه فد اربع ايام وارجع

أيـــوب: دروح روح اليوم عطلتك

مسلم: أي صدكك نسيت

أيـــوب: ها كليتك صارت زينه؟

مسلم: ما يطگني عرج

جَـعـفــر ::- ضحكوا وراح مسلم ، أخذتهم للحجز ورضا طب بوحده من الزنزانات سد الباب على روحه وگعد   اخذت عمران للزنزانه البصفه وأجه جــلال يضحك

جــلال: هههههه وينه هـذا ، لقبه الجديد خريج سجون

جعفـر: عوفه جاي يتعارك ويه نمله يگلهه إمشي منا وهيـه المسكينه مشت عكس الأتجاه  شالهه كطم راسهه وشمرهه

- ضحك جــلال وراح ، رجعت يمه عمران يصيح محروك گـلبه ضربت الباب اريده بس يسكت خبصنه خبص ،  أجه أبـو طه دكيناله تحيه وعمران يصيح

عمران: أريد حقي ليش تسجنوني كلشي ما مسوي أني!؟

أيـــوب: ياحق هـذا؟ ما عندك دليل!

عمران: عندي دليل أريد حقي.
أيـــوب: أي وشتريد؟
عمران: طلعوني منا.

أيـــوب: اللّٰـه كــريم عـود من يبيض الديچ.

جعفـر: ضحك رضا وأبـو طه باوعله مبتسم هز أيده وراح ، التفتت الرضـا اسولف وياه وحتى الضباط الواكفه گبالنه بدو يسولفون عدا أيمن

أيمن: ترا انتَ بسجن مو بكهوه كاااااافيييي
جعفـر: أسكت لك أسكت شعليك بينه
قصي: راح نبقيك بالسجن خوش سوالف عدك

جعفـر: بقينه نسولف وقصي صوته نوعاً ما حلو خلينا يقرا قصيده هلا بحسين الثاني بصوت ناصي وانگلب المركز حُسينيه ، طب مسلم يلطم على صدره ويقرا ويانه لحدما خلصت القصيده

مسلم: عفيه عفيه علّو صوتكم حتى يجي أبـو طه يكعدكم يم الأخ رضا

جعفـر: رضا راح أفتح الباب روح أكتل أيمن حتى من يموت نسجنك مؤبد وتبقى يمنه

رضا: هههههه هيه بس هاي العايزه

مسلم: أهلك عبالهم انتَ هسه جاي تتعذب كهرباء وضرب ما يدرون أبنهم محول السجن مجلس عزاء حُسيني

رضا: وين التليفون؟

جعفـر: شتسوي بي ولك انتَ بالسجن

رضا: دنچب ما مسوي شي أنطينيا

مسلم: ضحكنه وجعفـر راح لأبـو طه وأجه مصدوم مستغرب..
جعفـر: شو قبل شعجب؟

مسلم: أنطا المبايل وهـوه أتصل على بســام فتح كاميرا..
بســام بصدمه: هاي شنـي هاي وين انتَ؟

رضا: بـ الحجز هههههه.
بســام: أستغفر اللّٰـه أضحك الطم هسه أني؟ راح أجيك.

رضا: لا أصبـࢪ أصبـࢪ والعبــاس ما مسوي شي.
بســام: چا شعدك هنا؟