سَــهمُ السارلــين •🏹
روزا الجنابي •
مُتابعة تصويت تعليق بين الفقرات لُطفا•
تَشكو تفرقنا وأنتَ جَنيتهُ،
ومن العجائبِ ظالِمٌ يَتظلَّمُ!
___سارلين___
ثامر:- شنهي هذا بتول!
بتول:- لي سمعته هاي بنت مرتك تريد تهجم بيتك وبيت ابنك وبالاخير تريد تشمرني بالشارع شيطاانة هااي لا تدحك وجهه البريء
ثامر:- انتَ تسمعين ليحجي لسانچ! بتتوووول
بتول:- عجل شنهي ما سمعتها شنو تكول تريد تهجم بيتك وفوك شنهيها تهددنييي بي ترضاااهااا بنت بگد البرزر تهددنيييي اذا تسمعووا تطردنيي من البيت
سارين:- ااااانه!
لتفتو علية كلهم وانه باهته ملامحي من تصرفاتها باوعت لـ عمو:- عمو سمعت شنو بالتسجيل! يعني سمعت كلامي وكلامها صح!
ثامر:- بلي
سارين:- كل مافي الموضوع انه سجلته ودزيتليها اهددها بي من عرفتها تريد تأذي امي
بتول:- چذااابة
ثامر:- بسسسسسسسس
عاط بيها وهي سكتت لو حرف
أشرلي اكمل:- عمو متعمدة حجيت كلام هيج حتى هي تحجي واعرف شنو ناوية ومن عرفت شنو تريد تسوي هددتها بي
ثامر:- وانتِ شلون تسووين هيجي! مرة بگد امچ تسوين هيجي سوالف زعط وياها
سارين:- والله ماسويت شيء غلط انه بس حميت امي منها ومن لساانها ما احترامي بس بتول ما تتعاشر وما تحترم أمي
باوعت لـ جراح لي عيونه صارت براسها واعرف راح اكلها وحدي مو كدامهم بس ميخالف
ثامر:- مو عذر هذه فعلتج ما تِرد ابوية فشششلة
ندار على بتول ويحجي بصعبية يرجف بس صوته مو عالي:- وانتَ!! شكد تكبرررين بعد من مخلية راسج براااس بزززر بكد زرچ! ماااخجلتييي من ولدچ كل واحد شاربوا بطولوا وكل يوم امهم طالع صووتها للشارع والكلام لبذيئ تاااارس لساانها
بتول:- اكضبهن انتَ عجل، مخلييييهن على ماايهن وتعاي بتوول اسكتتيي
اشر بيدة بعصبية وكال:- يلاا دام لكل موجود احجييي تا نحل هلمصييب ونخلص اريد اشوف شنو مسويات سارة وبتهااا
باوعت لـ بتول لي وجهها أصفر وصارت تتبلع باوعت لـ أمي وكالت:- مااريدها يمي
:- عش هيه بكيفچ!
:- عجل لا تكول شمسويات خليني ساترتهن
سارين:- لالا احجييي احنه نريد نعرف شمسوين
لتفتو ثنينهم عليه وخزروني درت وجهي وهي حجت بصوت شبه عالي:- سارة ماريدها ماخذه ولدي مني
وهاي راس الحية ما اريد ادحگها بوجهي ولا تعتب بيتي
جراح:- يعني يمة انتِ جاي تطردينا !
بتول:- اي ماريدها
جراح:- ماكو ماتردينها سارين مقامها بالبيت من مقامي اذا تطردينها يعني تطرديني من بيتج
بتول:- لااا انتَ تجي بس هيَ ماريدها
وضاح:- هساع مافهمنا ليش گلبتو السالفة ساعة تكولين تهددني، سمعنا التسجيل وطلع شيء ثاني ووكلووو بلاوي يمة
هساع ماتردين سارين تجي للبيت وطلعت امي سارة ماخذة ولدچ
بتول:- اي ماخذتكم مني
وضاح:- عجل منو لي باعتني تا ابوي مايخذ شريكة الهه! مو انتِ! وهساع تردين نرجع ونحِن عليج بعد ما شفنا كل هذه منچ!
نبرة صوته كانت كفيلة توضح وجعا من الموقف وأذية كل هذه السنين والغصة ڪن اليوم صاير الموقف
بتول ضلت تتبلع ووجها صار ينطي الوان صارت تخبط حجي وتريد بس تضيع
السالفة بس امي اول مرة تحجي كدامهم وماتسكت مثل كل مرة
سارة:- أبو وضاح انتَ و واولادي تسمعوني مرخصتكم بس صبرت بما فية الكفاية
كل هذه السنوات ساكتة واكول لخاطر عيونهم حتى لا اشوف بيها خجل بس من توصل لبنتي لا والله يمة اعذروني
كل هاي الفترة احنا نسمع ونسمع الكلام والسب والشتم منها وساكتة بس انه بنيتي اخاف عليها ادري بيها طكة ونص يجي يوم تثور ولنها مسوية شيء بامكم وبعد محد ينطي عذر اخسر بنيتي ومحد يفيدني
وهسه شفتوها كدامكم شنو مسوية ما انطي عذر لبنتي وغلطها ما ينغفر عنه بس امكم غلطاتها كثرت ويانا وكل سالفة والثانية حطتنا بيها
وبعد مابيه اصبر ولا اسمع كلمة زايد يا تشوفنا حل يا اخذ بنتي واطلع منا ببيت وحدي ولي يعجبة يجي يمنا اهلا وسهلا
جراح:- واقل من حقچ هذه، لي تردينه كولي وتامريني امر
باوعت لـ بتول لي ساكتة وكالت:- اعذريني ام وضاح بس خلص صبري وياج ياريت تراجعين نفسج وتفهمين مو كل شيء احنه سببه ولا اخذة زلمتچ منج
ولا اولادج. ابوهم لغلط وانا الدفعت الثمن مو هينه علية اخذ رجال قاتل ابو بنتي
ومنها وشوفي يا ضيم مار على گلبي وتحملته
بس وياج بعد ما اتحمل اكثر
امي نزلت دموعها بكسرة وعمو ثامر كان الكلام قاسي وثكيل علي لدرجة عيونه
لمعت لتمو وضاح وجراح عليها وعمو ثامر أشر
لـ بتول وطلع هو ووياها
طوق اكتافها جراح وباوعلي:- عباتها
انطيتهيا لبسها وطلع هو وياها ووضاح راح لـ سَدن لي كاعدة ولامه رجليها الصدرها
طلعت صعدت بالسيارة ورجعنا للبيت
، ماما ساكتة بس دموعها تنزل تفتت قلبي من الوجع عليها وعلى حالتهـه
وصلنا البيت وجراح كاعد كدام ماما يجيك ضغطها
سارين:- ها!
جراح:- نازل
طلعت بسرعة اخذتلها عصير وخليت الهه ماعون فواكة ورجعت
وگفت حابسة الدمعة وهي
تهمس لجراح برجفة:- غلطها چبير وحقك شما تسوي بس هل مرة اتركها كافي لظيم لمر عليها
جراح:- اتركينا من سارين هساع يمة اكعدي
سندها وكعدها كملت طريقي خليت كلاص عصير بيدها ورجعت للمطبخ امسح عيوني واهدي نفسي
رتخت أعصابي وسيطرت على رجفت جسمي
ورجعت للصالة لكيتها ممدة تحجي ويا ومن اوصل تسكت
باوعلي جراح بـ نظرات واضح علي العصبية:- مدي فراش لـ أمي خليها ترتاح
اومأ برأسي اي وطلعت حضرتلها فراش بالغرفة الثانية ورجعت ليمهم:- ماما اساعدج
سارة:- لا ماما بس خليني اريح شوية
دخلت للغرفة وهي تأشرلي تعاي دخلت وراها مددت واشرتلي اتقرب كعدت بصفها لزمت ايدي وهمست بينا:- اطلعي اعتذري منه وصححي غلطج
:- على شنو!
:- على شنو! على سويتي هاي عملة هاي سارين مو عيب هيج تسوين!
باوعتلها بدهشة اضحك:- فوك كل هذه اطلع انه لغلطانة!
:- اي غلطانة بحق زوجـچ مو حق بتول، لو شما تسوي هاي امة وصعبة علي يشوف زوجته تسوي هيج ويسكت
:- ماما تحجين صدك!
اشرتلي وهي تهمس بعصبية:- مثل ماكتلج ولا تخلينه ينتبه انا كتلج
:- ان شاءالله يلا نامي هسه
غطيتها وطلعت من يمها نار تغلي براسي لميت الاغراض وطلعت للمطبخ اسمعه يخابر بالحديقة وواضح علمود الشغل
ما تأخر ودخل للبيت راح على ماما ورجع بلا مايحجي وياي عرفته زعلان مني
عافني وطلع ولا ڪن موجودة اصلا
نار نار وشبت بين ضلوعي طول النهار ضليت افكر واحاول اقنع نفسي غلطانة بس لا والله هي الغلط حتى اذا امه بس هي غلط
ماما تلح علية بـ أستمرار حتى اعتذر منه وانه مطنشة على الاخير
تعشو وكاعدين يحجون بشغلات عامة ويحاول يهونها على ماما ويلهيها
رن الجرس طلع جراح وسمعت صوت سَدن ووضاح
وضاح:- ماترضا من الصبح لهساعين قافلة على نفسها الباب
جراح:- اي جيبها هلا ببنيتي
دخل جراح حاضن سَدن ودموعها بعينها ووضاح ورا
وضاح:- هلا بـ أمي
كعد يمها يبوس بيدها وهي تحضن بي كعدت سَدن يمي وميلت راسها على كتفي
مسحت خدها وهمهمت:- شلونج هسه
:- مادري
فتحت ايدي وحضنتها ووضاح يكول:- شلونج سارونة
:- هلا عيني الحمدلله
تحمحم جراح تجاهلته وسالتهم وانه اوكف:- شنو تشربون
وضاح:- چاي
أشرت لـ سَدن وطلعنا نحضر الچاي:- شصار ولج
:- ولا أدري ماطلعت من الغرفة من الصبح
:- ليش
تنهدة وكالت بقهر:- ماعندي طاقة حتى ادحگ بوجهم، بس المغرب سمعت جراح يتعذر من أمي وهي تكولة ميخالف بس رجعو سارة هينا
سارين:- هسا صارت سارة غالية
سَدن:- لا عيني بس أمي تعرف اذا خالة سارة طلعت راح تخسر أبوي واخوني كلهم وتشتت عائلتها
حضرت الماعين ووكفت نحجي بهمس:- أمچ شنو تريد تراها تحير الميت والطيب
:- أمي ماتريد احد يكول الهه لا كلشي لازم اي وصار واذا نكول هيج مانطول وكلنا في ذمة الله
:-لا هي متريدني ولا تريد امي وبكل حيلها دا تحاول تخرب علينا
:- سارين مادري لا قلبي ينطيني احجي على أمي ولا على امي سارة سدي الموضوع عفية
:- انتِ اهتمي بدراستج وانسي الباقي، الزمي
خليت بيدها صينية انواع من الكعك وانه اخذة الچاي والكعدة كانت بعيدة عن الصار.
وضاح وجراح ما أطرقوا للموضوع لحد ما اجه عمو ثامر
وعيني على أمي وجهها صار احمر من الخجل مدري ارتباك مافهمت
قدمتله ضيافة وكعدت وهو يكول لـ أمي:- حقچ ام سارين ان شاءالله لي تطلبينوا يتنفذ عين غطا وعين فراش
صبرتي وجزيتي ويانا وكفيتي ما انسا فظلچ علينا ولا لم شمل زلمي بجالچ
وأم وضاح ان شاءالله سهلة وياها تراها طيبة بس هلعيبة لي بيها نتحملها لخاطر من خاطر
سارة:- كلشي يهون لخاطرك ابو وضاح بس من توصل السالفة لبنتي اتمنا تعذرني
ثامر:- معذورة وبنيتچ تراها بنيتي وام احفادي ان شاءالله
وزلمتهه مايقصر وياها ولانو دحگتو بذيچ الساعة لترديتوا يجرالچ
باوعلي عمو وكال:- وانتِ بابا لسويتي خطأ وعيب بحق عمتچ تركينا منا احنا مسامحينچ
ونعرف نيتچ طيبة بس تراها حرمة جبيرة والهه حترامها وبهاي عملتج قللتي من احترامها واحترام زلمتچ
سارين:- بس انه لو ما اعرف نيتها شنو ما اسوي هيج
ثامر:- من عرفتي نيتها تأذيچ وتأذي امج تجين وتخبرينا ما نتركچ ولا نترك أمچ ونقوم بالواجب لو مانسد عينچ احنا!
سارين:- لا لعفو عمو' بس أمي تأذت وياها هواي وانتو سكتوا، حتى لو ماكنت موجودة بس اعرف هي سببت باجهاض امي وهي لي دمرت حياتها
باوعتلي ماما بخزر وتعض بشفتها والباقين كانو مصدومين من كلامي كال عمو باستغراب:- شعتحجي ابوية!
جراح:- اعذرها يابة ماتدري بشيء هي وتفكريها راح بعيد نوضحلها الصار وان شاءالله سهلة
سارين:- شنو الصار فهموني!
سارة:- بعدين ماما سارين بعدين
حجتها وتأشر بحاجبها اسكت سكتت وضليت السالفة تحوص براسي طلعوا ماما وعمو ثامر برا و وضاح باوعلي وكال بخباثة:- راح ناخذ امي
سارين:- لا والله متروح
ضحك وطلع هو وسَدن على صوت ابوهم طلعت بسرعة وراهم
وضاح:- يلا يمة
سارة:- لا يمة روحوا انتوا وباجر اجي
سارين:- ديلااا روح
حجيتها بحرقة قلب ضحك وكال:- ام شرايط من الصبح اجي اخذها
سارين:- لا والله متجي
وضاح:- باجر تدحگيني وانا اخذها
جريت ايد ماما ألزمها واحرك بحواجبي بخباثة وهو لم شفته الجوه وضحك
جراح بصفه عيونه صار تنثر عصبية ديلا هيج احسلك
رجعت ويَ ماما للبيت وجراح ضل برا
سارين:- هساااااااا تحجيلي لا تخليني اسوي مصيبة ثانية والله
سارة:- اكعدي مصايبج ماتخلص
كعدت كدامها وهي تكول:- انتِ منو گالج بتول هي السبب
:- محد كالي انه عرفت
:- عفيية عليج صايرة استخبارات بنت سارة، هاي سوالف تحللينها من راسچ بطليها واحساسج السادس عزلييي لا تبليني
:- ادخلينا بالموضوع يمة
هز ايدها ماقابلة وكالت:- بتول مو هي السبب بس هي اله ايد بس اخواتها هن لي سون كلشي وهن لي حطلي العياذ بالله السحر وخلني اسقط ويصير بيه مرض خبيث ويشيلون الرَحم
ومن عرف أبو وضاح طردهن ورمة يمين الطلاگ على بتول بس تدخل بيتهن او يدخلن بيتها بعد ماترجع لذمته
:- اي.
:- اي بعد شتردين! بتول مالهه شغل بكل لي صار
:- وانتِ تردين تقنعيني بتول ماسوتلج كلشي ولا أذتج بيوم
خزرتي وعتت ايدي تهمس وصاكة اسنانها:- مااسوت شيء ولاا راح تسووي وسوالف
طايح الحظ عووفيها وخليي عينچ على زلمتچ لا تخسرينه
سارين:- زلمتي ما اخسره دام يدري بيه على حق ويعرفني كل الزين ماسوي غلط
سارة :- لااا غلط وعمايلج كلها غلط بس والله ياسارين تندمين وهاي انه اكلج اذا ما تحترمينه وتخلينه بمقدمة كلشي تسوينه تراها قربت وليدي وانه اعرفه كل الزين
سحب ايدي منها وحجيت:- وهسا اخوات بتول وين
:- شسوين بيهن
:- بس اسأل وين يعني هنا لو وين
:- لا
سكتت صافنة بالفراغ وماما نظراتها ما مرتاحة أجه جراح شال اغراضة:- مرخصتچ يمة وراي شغل
سارة:- اخذ راحتك وليدي
حجتها وكرصتني ابتعد عنها امسح بالمكان وهي تهمسلي:- انهضي حاجي وتعاي يمي
:-ماريد
:- انهضي
طلعت ورا للغرفة شغلت نفسي علساس اطلع ملابس وهو واكف يم الچرباية شمر التشيرت
مالته ونام
طفيت الضوء وطلعت:- نام
:- سارين
حجيت بنفاذ صبر:- ماما لا تحاولين لا اعتذر ولا ابد هو من يهدء يجي يحاجيني هسا ماعلينا احجيلي بعد اكو شيء ضامته حتى مو من اسوي شيء تطلعون رواحتكم ملائكة وانه أبليس
احجو من هسه وخلصوني
:- ليش عندج بعد شيء تسوينه
تحرك براسها ها قوست فمي بمادري:- مادري بس بتول ماتكعد راحة وانا بديت
افقد اعصابي عليها والقران بس تغلط وتعيد هاي سالفة بواكات الزلم الا افلش البيت عليها
ضربت على رجلينها بحرقة وهي تردد
بروح لايبة:- هاي مااتكعد هاي ولا ناوية تجفينا شرها
باوعتلي وكالت بعصبية:- انتِ ناوية تخلينه يكسر عضامج
:- هلووو! ومنو هذا يكسر عضامي
:- منو يعنيي منووو تراها امة وهي مريضة
حجتها وسكتت بسرعة زامة شفتها طبكت حواجبي باستفهام:- منو المريضة بتول!
:- اخ منچ اخخخخ سارين
:- احجي احجي الله عليج شبيها
ضلت ساكتة وتلوب:- ماما بس احجي
:- سارين ما تفشليني كدامهم
:- لا والله ما احجي
:- جراح ممنوووع يعرف انه حجيتلچ
:- ابد والله ابد
مسحت وجهها بقلت حيلة وكال:- ماما بتول مريضة مرض بعقلها هي مو صاحية كامل بس مو مخبلة يعني تتصرف بطيش
انتِ ماتشوفينا يوم زينة وعشرة لا؟
:- اي مرات
:- اي ماما مريضة واحنا عاذرينها لان مريضة
:- وليش مريضة! يعني صار حادث لو هيج
:- لا هي من جاية للدنيا هيج وابو وضاح مزوجها ومايدري بيها صار عدها وضاح وبادية حالتهه تتطور وكل ما تكبر تسوء حالتهه
ورجال ضل لا يكدر يروح ولا يجي ساكت عليها كل هاي السنين
همست تحت دهشة:- محد يدري بمرضها!
:- يدرون بس مو لكل بس ولدها يدرون بيها وراجعوا حالتهه هواي وخطية من تاخذ علاج تتدهور حالتهه بس مرات هي تدوس ببطنهم ومايتحملون ويعلون صوتهم
ويرجعون الهه حتى يطيبون خاطرها بس هي ماتريدهم كلهم
زميت شفتي بصدمة والافكار تضخ بعقلي دفعة وحدة رمشت بعيوني بـ استيعاب:- يعني هي ماتريدهم لهذه السبب
:- لا هي ماتريدهم من الاساس ومن جيت عليهم لليوم هي تكول اخذتيهم مني لان اداريهم وخطية هم محرومين من كلشي من صغرهم يحجيلي عنهم ابوهم
يكول بصغرهم عماتهم ونسوان عمامهم تهتم بيهم وكبرو على ايدينهن
هاي ام شاهين هي مربية وضاح وجراح وفواز وحسان ابن عمتهم كلهم على ايدها وي شاهين وفهد
وسَدن ربت على ايدي لهذه مايحنون عليها
لزمت رأسي بقوة احسه راح ينفجر وهي تحجي وتحجي عنهم وعن عيشتهم بالصغر ومن أجت عليهم
تحجي وترزل بيه تكول حني على جراح
وخليج قريبة منه دائما
اكثر واحد كان كتوم بينهم ومايحب يضهر ضعفه لاحد
بس وضاح وفواز ثنينهم
حبهم واهتمامهم لـ امي مفضوح ومايخجلون من يفضفضولهه ولا من يحتاجون اهتمام منها
طلع الفجر علينا واحنا كاعدين كملت صلاتي وضليت كاعدة على السجادة طلع جراح يصلي وشافني كاعد ما حاجاني
كمل صلاته ورجع نام
رجعت للغرفة ورأسي يريد ينفجر من التعب والافكار لي متراكمة بي مددت بصفه وعيوني علي ما تقربت علي ولا كدرت اعتذر منه
مادري ليش اصعب شيء عندي الاعتذار
اخذني النوم وانا اباوعله كعدت الصبح لكيت امي وجراح طالعين وضاله وحدي بالبيت
أكملت البيت ترتيب وحضرت أكل اله
انتظرنه الظهر مارجع ولا العصر وصار عندي خوفة اطلع بالحديقة وحدي
بس صدري ضاق والنفس صار يخنگني لبست وطلعت برا كعدت بالحديقة قبل المغرب والجوء مغيم ونسمات الشتاء مُنعشة
سمعت صوت سُلطان قريب البيت اريد أوكف ونفتح الباب رجعت المكاني ودخل جراح وجهه غاتم
وحواجبة معقودة
تعداني ودخل للبيت ثواني وعاط باسمي دخلت مستفهمة صوته:- ها
:- وين ملابسي
:- بالكنتور
:- عجل انااااا مادري تعاي طلعيهن
عقدت حواجبي من صوته وجاوبته بانزعاج
:- وماطلعهن انتَ
:- بساااع هيريهن عندي طلعة
هو يحجي بنبرة عالية ونرفزة وانه الله خلا بيه كل نار جهنم براسي
فتحت الكنتور بعصبية وشمرت الجنطة اخذ منشفة يريد يسبح وكال:- بساااع يلا
سكتت عاضة شفتي وهو طلع، عيوني ارمش بيهن واحس صار غوش بيهن بس مو دموع مادري شنو
شمرت ملابسة على چرباية وطلعت جنطة لميتهن بدون ترتيب فعستهن وخليتهن بالجنطة
اعرف راح تزيد عصبيتة واعرف تصرفي غلط بس نبرة صوته ماخلت عندي عقل
شمرت الجنطة بالارض وهو رجع للغرفة شافها وباوعلي بخزر:- شنهاي سارين
:- تريد شيء بعد!
أشر عليها بصياح:- شنهااااي الملابس هيجي يخلوهاا
:- رتبها اذا ماعجبتك
عت ايدي بعصبية وزمخ:- دحگيي لج هدييينا لحبل بما فية لكفاية جرررري عدل لا ادفنچ بمكانچ
:- مو حيوانة حتى تهد وتشد بالحبل يا ريت تعدل الفاظك
هي كلمة هي لطمة على حلكي لزمت شفتي بصدمة وعيوني بعيونة رفع اصبعة بوجهي وجسمة صار يرجف:- لسااانچ لا افلعووو، بساع رتبي الملابس
هو يحجي وهو من صدمتي حتى ماكدرت اجاوبة جر ملابس من الكنتور طلعهن وهو يلبس يحجي
: كل مرررة اكول هساااع تستعدل هساااع تصيرررر بشررر وتبطل سوالف لزعط وتحترم بسسس واضح واضح انا انطيتج چثيرر مجال
سارين:- لمنووو انطيت مجال! انتَ شنوو مانيها علية لو شنوو! تراا ادري كل هذا تسووي علمود سالفت امك وتراها هي الغلط
جراح:- اششششش ماريد اسمع حسج
سارين:-موو على مزاجك ماتسمع صوتييي،
شمر العطر من ايدة ورجع ليمي بعصبية ضليت ثابتة بمكاني وهو واكف بوجهي خازرني ويحجي صاك اسنانة بغضب:- ساااارين اركدييي واستري على لبطنج تراااج نفذتي صبري
سارين:- هه يعني خايف على ابنك مو علية
ضربته على صدرة وعطت:- عفييية عليك جراح هااي نهاية صبرك من اول مشكلة تطلعووون انتواا الملائكة واناااا الشيطان
ليششش لان خفت علي نفسي وعلى امي بس بـ
همست وغصيت وهو يجر بيه علي عتيت ايدي ورفعت اصبعي أإشر بي:-هاااي وحده وياك ما انسااها الك جراح
دفعت ايدة مني لزمنيي وعتني بقوة مرجعني علية عصر فكي وزمخ:- سوالفج چثييييرة سارين وهاااي العبتي وياها مو حيلة وحده ترااها امي لوووو تدوووس رااااسي تضل امييي واناا محذرچ ماتتگربين عليها تركتييي الكل ورحتييي عليها ولا وگف بعينچ لا انا ولاااا كل لي سويتوا الج ولااا كلااامي وياچ دفررتي بعرض الحاايط وسويتي لي برااسچ
:- والسويته صح ان عجبك او لا
دفعت ايدة وطلعت من يمه للمطبخ الهي نفسي بكلشي اغسل وارتب وهو نظيف يلمع
طلع من يمي وعيني ورا سد باب الحوش وجسمي كله رجف الكلام يغلي براسي
والضربة تاكل بروحي اكل
بيدي ماعون كزاز من حلات روحي شمرته على الحايط وصار نثار وصوته ملا المكان كعدت بالارض اتنفس واختنگت الهوى صار يجويني
ويحركنيي حرك
رفعت عيني علي من رجع ملهوف وكف بالباب ويباوعلي هز راسه بعدم رضا وتقرب ليمي دفع ايدة وعطت:- لاااا تجييي يمي اطلع
جراح:- انهضيييي من الكزاز
سارين:- رووووح موو عندددك طلعة روووح
جرني بقوة علي ملصت نفسي منه بروح وطلعت برا واسمع الغلط صار بفلس على نفسة
كعدت بالحديقة مغمضة عيوني واررد بداخلي كلام يخليني اهدء
ماتقرب يمي بعد ولا وصلني رجعت للبيت غسلت وبدلت ملابسي ونمت
ماحسيت لنص الليل طلعت شفته نايم بالصالة يعني مارايح
معدتي توجعني من الجوع
واكيد ما اموت نفسي علمود احد
طلعت خضار وسويت اكل الي واخذته ورجعت للغرفة شغلت التلفون وكعدت اكل واباوع واسمع حركة صارت بالبيت
ماطول ووكف بالباب لا باوعتله ولا ڪن موجود تنهد و رجع للصالة كملت اكلي
وطلعت اغسلهن وهو كاعد برا اخذة علاجي ورجعت للغرفة اغالط نفسي واقنعها ما اهتم اله
خلي يحترك بناره بس من اتذكر ضربني نار وتشب يين ضلوعي
مرت ايام واحنا ابرد من الباردين صار نهاره اغلبه خارج البيت ومن يرجع مايحتك بيه ولا حتى حاول نگعد ونتفاهم
وانا مكتفية بنفسي ماما تجي علية وسَدن بس ما ابين الهن شيء بينا ورفضت رفض قاطع ادخل بيتهم بعد
بعد تفكير شيطاني قررت العب بعقلة واخلي هو يتنازل
تجهزت بقميص بيت مرتب ورتبت نفسي وحضرت النفسي بس
حلويات وشغلات اسهر عليها وكعدت اباوع فلم أجنبي
سمعت الباب نفتح مددت رجليني على طبلة وبحضني علبة بيها كرزات
دخل هو متفاجئ عبالة مثل كل يوم يلكاني نايمة ومن يطلع الصبح انه نايمة
باوعلي بنظرات مطولة درت عيني ببردو باوعتله ورجعت اباوع
للتلفزيون كعد على تخم ومسح شعرة بحيرة زفر نفس وكال:- الصبح عندي طلعة للشمال
:- الله وياك
جراح:- روحي يم اهلي بين ما ارجع
سارين:- الله كريم
جراح:- شبيج تحجين بطرف خشمج
درت عيني علي بنظرة باردة:- كلمة ورد غطاها شكو ازيد
:-ماعاجبچ ست!
:- عاجبني اطمأن
درت عيني على الشاشة وهو ضل مركز وياي عكسي امثل التركيز وبالي يمة
هز راسة
بقهر وطلع اخذ ملابس سبح وراح يريد ينام
اعرف كل الزين مراح ينام لهذه ضليت بمكاني كاعدة
الهي نفسي بين التلفزيون والموبايل
اكثر من ساعتين وطلع عيونه صايرات حُمر وجهه مُورم طفا التلفزيون وأشر بنتر:- انهضي نامي مو زين عليج السهر
:- مانعسانة
:- اغصبي نفسج ونامي لا تنسين ترا ببطنج طفل
نهضت نفسي بـ أنزعاج بدون نقاش لميت الاغراض ودخل للمطبخ اغسل بيهن وهو واكف منتظرني تعمدت اتأخر
كملت ورجعت للغرفة
راح نام بمكانة وانه طلعت بطانية واجيت اطلع
جراح:- وين
:- انام بالصالة الغرفة تخنك
:- من ايمتا تخنك
:-من اسبوع
حجيتها وطلعت بلا ما اسمع جوابة مددت على تخم ونمت وهيج استمريت احرك باعصابة على البعد اخلي يصير رماد عباله يعاقبني بس صار العكس للاسف هو التعاقب
كاعدة برا والمطر خفيف نسمات رطبة تلامس بشرتي وريحت التُراب بعد المطر
تخلخلت بريتي ماتحملت واخذة ذرات تُراب خليتهن على لساني
مستلذة بالطعم فتحت عيوني وضحكت على منظر سَدن العاقچة وجها بقرف
:- تحجين صدك تاكلين تراب
سارين:- ولج ماكدر روحي فرفحت علي
سَدن:- ياخبلة هههه خبلتج النساوة
ضحكنا وهي كامت فتحت الباب لوضاح دخل شافنا وكال:-عش كاعدات بالمطر
سَدن:- هاي خبالو ماترضا تطب جوا وجا تاكل تراب
وضاح:- صدك سارين! يولي مو زين عليج!
سارين:- هيج شويون اصلا، بس ريحة المطر طيبة وماتحملت
لميت ايديني حضنت نفسي
لان ملابسي شبه تبللت كال بعدم رضا:- وان كان يا بابا مو زين عليج انتِ منا نص ستاو ونوب وياج طفل لزوم تنتبهين لنفسج
اومأت برأسي اريد اكوم وضحكت من كال:- دحگي بلا هاي انتِ مو منكعة
سارين:- اي شوية
جريت شالي على زندي اريد اوكف وصاح
وضاح :- اركدي اركدي هاج البسي هذه
نزع قمصلته وشمرها علية خليتها على اكتافي وهو ضل بتشيرت نص ردن
سَدن:- يلا نمشي
وضاح:- يواشچ خلي يوصل جراح
لميت ايديني على اكتافي بردانه
وهمست برجفة:- شكدد حلوة المطر لو ما اخاف اتمرض
وضاح:- تخافين تتمرضين وكاعدة بالمطر
سارين:-خفيف مايمرض
وضاح:- يمرض هي شنهي.، وينه هذا الثاني الله يطيح حظك وحظ لينتظرك
سارين:- روح ترا ماخاف هسه يوصل جراح
وضاح:- صار المغرب والدنيا مدلهمة ماترهم كلشي يصير
سارين:- كلشي ميصير مطر لو حرب حتى أخاف
وضاح:- ماتخافين اذا صار رَعيد
هزيت رأسي لا ببرود:- تدري بيه أخاف
:- لا
رفض يروح وانتظر جراح لحد ماوصل واكف يحجي ويَ وضاح وعينه على اكتافي
اجه ليمي شالها من اكتافي وشمرها لـ وضاح وهو يكولة:- وصل أمي سارة الصبح تا نطلع الفجرية ونرجع بليل
وضاح:- مانبات
جراح:- لا عندي شغل
طلع وضاح بعد ما اتفقوا يطلعون باجر للشمال حتى يشترون اغراض
بس اغراض شنو مادري
رجع وگف يمي ونتر بعصبية:- انتِ عش ماتبطلين حركاتچ
:- وشنو مسوية بلا زحمة! اهااا قصدك على القمصلة لعفو منك بس والله هو نطانياها وعيب علية ارده
رفعت حواجبي ببرود وهو يردلي بجاوب يصاحبه خزرة:- تچفي الشر احسلچ
:- حبيبي والله
ميلت رأسي للجهة الثانية وبدااخلي اركص احب نفسي من هو مسوي غلط واعرف شلون استفزة
طاحظچ سارين شكد حقير چا' لا والله مو حقيرة
بس احبه اكثر هيج، ديلا لا تكذبين روحي شوفي وبردي روحچ لمتلهفة علي
رفعت رأسي اباوع ورا وهو يدخل للبيت أبتسمت وهمست " بروحي انتَ وسَهمي أبو سَهم"
___عنايد _
فتحت المظلة وواكفة انتظر سلطعون يجي،
المطر كان قوي والباب صار كله طين واخاف ملابسي تدمر صار صوت سيارته بالباب
فتحت الباب ومليت رأسي:- سُلطان تعال
:- وينج
:-تعال ماكدر اطلع
صابت جسمي رجفة برد ضحكت وانا ادحگ لسُلطان لصار كدامي والمطر ينكط من شعرة شافني ومدلي ايد:- اكضبي
:- دحگ الطييين
دحگ للطين كان قوي ويطفر بسبب المطر عبر رجل والثانية من الجهه الثاني ومدلي ايدينه ثنينهم:-تگربي
:- عفيية لا
:- بس تگربيي يول يلااا
تقربت علي خليت المضلة علينا ثبتني بحضنه ورفعني عطت بجفلة فرني للجهة
للثاني ورماني:- شهل حسسس يولي، ارركضيي للسيارة
ركضت للسيارة صعدت وادحگ لملابسي مدمورات شوية فتر ليمي اخذ المضلة قفلها
وسد الباب ورجع ركض صعد مسح شعرو ويدحگ الملابسة كلها مبللة ومدمرة
:- ههههه تدمرت
:- بالله هسه لو اكلتج هم انلام
:- هههه عجل شسويلك انا هم تدمرت دحگ
جرت طرف فُستاني كان مدمر شوية سحب كلنس انطاني انظفة وفر السيارة رجع البيت اهله:- اغير ملابسي وارجع ركض
:- لا تتاخر
صف السيارة ونزل حرت بملابسي رتبتهن وعدلت نفسي بين مارجع نفتح الباب لمحت عمة بدرية واكفة بالباب رفعت ايدي اسلم شو هاي عافتني ورجعت، غميت نفسي وسكتت
صعد سُلطان وحرك السيارة انتبهت علي لبس تراك لون بيج قمصلة وبيجامة وتشيرت قهوائي
الياخة كانت مامعدلة وبدون تفكير مديت ايدي اعدلها باوعلي وابتسم انتبهت وهمست بخجل
:- ياخة القمصلة مامعدولة
:- يلا عدليها
عدلتها بساع ورجعت لمكاني كال:- مخلية عطر
:- لا
:- عش تجذبين
ميل جسمة شم طرف شالي:- شنهي مو هذا عطر
:- والقران هذه عطر الملابس بس مخليتوا وياهن تا يصير عطرو طيب
:- فواح يالعوبة
:- بس شوية
:- غسليهن من ترجعين لا أموتچ
:- صار عيني صار
ضحك على كلمتي وكرصني:- فاينة
صعدت سَدن سلمت وكانت هاادئة واعرف زعلانة مني بس مابيدي شيء
كلت اوصل للجامعة واحاجيها
بلش ياخذة باقي البنات والازدحام قوي والمطر صار اقوى والفيضانات ترست الشوارع
ضغطت على ايده لبوسط ايدي وهمهمت بينا:-سُلطان أنتبه عفية
:- منتبة لا تخافين
سحب ايدي ليمة واسمع بسبست البنات عضيت شفتي بخجل ونسيت هنَ ماعدهن
خَبر هو خطيبي قبل لا احجي سمعت سَدن كالت بصوت مسموع
:- إيلاف خطيبة سُلطان ويصير ابن عمنا
حجت وحدة من البنات:- لعفوا بس مندري بيهم على الخير عليهم
لتفت علي سُلطان اشرتله بعيوني اسكت وهمست:-عفية اخجل
:- چيلة براسي عش لخجل
:- مادري
عضيت شفتي بخجل من البنات باركلي وباركوا لسُلطان على خطوبتنا
نزلنا بالجامعة وظل وياي لحد ما وصلني للقسم وهو يوصيني انتبه
:- قابل اول مرة اداوم
:- لا تطلعين وحدج من تخلصين انتظرني هينا
:- وين حتروح
:- عندي شغل اكلمو وارجع
حركت حاجبي شكو ابتسم وكال:-بعدين
:- هساع
:- بعدين
:- زعلت
حجيتها بزعل عاف ايدي وكرص خدي:- يلا يا روحي من ترجعين اراضيچ روحي هساع وانا طالع
:- باي
راح بتجاة البوابة وعيني ورا لحد ما اختفى دخلت للقسم وقلبي وروحي وكل شيء بية يختلف عن كل يوم
لكيت البنات مجهزين تا ناخذ قياسات تجهيز التخرج
وجايبين الخياط للكلية ضحكنا وفرحنا وكان يوم تقريبا كله شاغل
كمل الخياط القياسات وطلعت أجت سَدن عيونها طافية وحُمر ومنفوخة واضح عليها باچية همهمت بخوف وقلق بينا:- شبييج
تهمس تشهك وتغض بكلامها:- ضُحى ماكو وهاي
شهكت وهمست برجفة:- تكول تـ تكول عدهم فاتحة مدري منو ميت منهم
:- اي ميخالف تعاي لا هيجي تسوين سَدن يول عفية عييب دحگي
مسحت دموعها وهي ترجف كلها:- هساع شنو شمدريچ هوَ نفسوا السياف
:- مادري خاف هوَ
:- لا مو هو لو هوَ كان عمو كال وسمعنا شجاج يولي لا تمنجدينا. امشي نطلع وهساع اسأل سُلطان
دحگتلي بخوف وهمهمت:- خاف يعرف
:- ماعليج يمي تعاي
طلعنا من الجامعة وسَدن حالتهه سيئة طول الطريق سُلطان عينها عليها بقلق ميل
جسموا علية وهمهم:- عنايد سَدن شبيها
:- مريضة
:- عجل عش تبچي
:- صديقتها متوفية
:- انا لله وانا اليه راجعون
زميت شفتي ساكتة كل شوية اريد وجهي عليها وصلنا اخر بنية وحجيت بنبرة مرحة اغش سُلطان واطمن سَدن:- سُلطان ايمتا وضاح يخطب
:- منين يخطب!
:- يااا، عجل مو عمو كريم خطبلوا أخت السياف اشو هاجدين لا هيجي ولا هيجي
:- السياف مشغول بـطلايب عمومته هساع واختو مصارله فترة من ماتت عيب هساع نروح ندور خطبة
اومأت براسي براحة:- اي صح
ميلت رأسي على سَدن شفتها مبتسمة أشرتله بعيوني ورجعت لمكاني
وصلنا سَدن وطلعنا للبيت فتحت الجام وصابني نفوف بارد مريح وينعش الروح
ميلت رأسي على كتف سُلطان وحضنت ايدة طُبع بوسة على رأسي:- يمال الصگعة
:- هههه ليش
:- تردين تسلبين راحتي وتسويني هلحركات هو انا من هينا شايط ونوب تتميلحين علية شيصير بية
:- هفف بطلت
ابتعدت سحبني مرجعني علي:- اركدي لج
:- سُلطان
قبل لا اكمل كال:- راحت عيونـوا.
دحگتله ببتسامة:- عندك شغل العصر
:- لا
:- تاخذنا انا ونوارس للسوگ ماريد اروح ويَ علي
:- تامريني
أبتسمت ورجعت راسي:- شُكرا سُلطان
:- جافة عنايد جافة
سكتت لحد مانزلني وراح كان المطر خفيف دخلت مبتسم على منظر عبود واعراف يلعبون بالماي
تركتهم ودخلت للبيت غيرت
لبسي وصليت وطلعن الغُرفة أمي لكيتها تصلي انتظرتها تكمل وتقربت
عليها بست رأسها:- شلونج يُمة
:- هلا يمة
:- تغديني! لو اصبلج وياي
:- لا تغديت روحي اكلي حبيبة
أبتسمت والفرحة غامرتني طلعت من يمها تغديت ونمت كعدت العصر طلعنا انا ونوارس نكمل تجهيزات العرس
وصلنا سُلطان كملنا كلشي ورجعنا وهيج مرت ايام واحنه نجهز وهو اكمل جزء كبير من البيت واتفق ويَ اهلي اول أسبوع بالعطلة العرس
كنت مابين الخوف والراحة بس الجزء الاكبر الراحة حاولت قدر المُستطاع وبكل ايماني وقوتي اركز على نفسي وبس
وصلنا لليوم لي نجهز بي ذهب وطلعت ويانا عمة بدرية
اختاريت اشياء نازكة وعجبتني وهي ماترضا تريدني اخذ شيء ثكيل
على طاري عيب من العالم
سُلطان:- يمة هي لابستهن لو الناس
بدرية:- يول وليدي هذه كلو مردو الكم وعيون الناس حددحگ كلشي ويكول علينا
ماكليها عبن بنت عمنا خلينا ناخذ هذه تا يدحكوها مزينة
دحگلي سُلطان وكال:- اخذيهن كلهن
إيلاف:- لا دحگ اخذ هذا المحبس بس والحلقة والقلادة اختيار عمة
بدرية:- المحبس زعط هذه يمة شنهل المحبس
سُلطان زم شفتوا وسكت اشرلي بعيونة وكال:- اخذي التخم كلوا
وافقت ورُغم كان عاجبني بس ضل المحبس بنفسي كان ناعم وكُلش حلو طلعنا انا وعَمة بدرية كالت السُلطان ناخذ ملابس ونجيك وتفاجئة من اختارتلي ملابس ليلة الدخلة ضليت بمكاني لا احجي ولا حتى الفظ حرف من الصدمة والخجل
طلعنا راجعين للبيت وعمة تحجي تا يروح بليل يجيب رُقية من الاقسام الداخلية
هي الوحيدة طلعلها طب عام بجامعات بغداد ودخلت اقسام داخلية لان صعب تروح وترجع كل يوم
رجعنا للبيت وامي كانت تنتظرني وعجبها كلش التجهيز واول مرة تحضني وتباركلي ماكان شعور يوصف
غطا على فرح كل الايام رُغم اذيتها اليه بس
فطرة حُب الام صعب ينشال من الروح
إيلاف:- هلا
سُلطان:-تهيري تا تطلعين وياي لـ بغداد
إيلاف:- هسااااع!
:-اي يلا بساع يولي
:- بس يواشك اهلي غير انطيهم خبر
:- تهيري وهساع جاي اخبرهم
شمرت الموبايل بحماس ووكفت يم الكنتور اختار لبسة اختاريت بنطلون قماش اسوظ وتشيرت وعليهن صاية خليجية باللون الاسود وشال نفسوا
طلعت اتفكد الوضع مبين محد يعرف خفت اتجهز واتفشل ضليت كاعدة يمهم
وهم كلهم بالصالة
لحد ماسمعت طرق الباب وصوت سُلطان يصيح
:- زيااد
زياد:- حدر
غطيت شعري وهو دخل سَلم وكال:- مرخصتچ عمة اريد عنايد اخذها وياي لـ بغداد
ثريا:- بهل ليل
سُلطان:-اجيب رُقية واجي ما نتاخر
دحگتلي امي وكالت:- اخذها بس خلي بالك عليها
أشرتله على زياد وهو ياشرلي يلا دحگت لـ زياد وهو مبتسم بشماتة يدحگ لـ سُلطان
زياد:- فنك تاخذها بدون رضاتي
سُلطان:- اخذها شنو فدبندلة انتَ، يلا إيلاف
عضيت شفتي وهمهمت بخجل:- زياد اروح
زياد:- لا خل هو يكول
سُلطان:- ماتولييي، يلا زياد ناخذ عنايد مرخصتك طبعا
ضحكت وهو ياشرلي يلا ضحك زياد واشرلي روحي كمت بسرعة اتحضر وهو كعد يمهم
تجهزت وطلعت اضم بوجهي والهي نفسي تا مايشوفني حاطة مكياج وكفت بباب المطبخ ونوارس الكلبة تتمضح صاح زياد
:- إيلاف شو دحگي هين
درت وجهي نص التفاته:- ها مو ماكملت
زياد:- لالا دحگي
عبست وجهي وميلت راسي الهه سكت واعرفه شنو يريد
وصل سُلطان ليمي وزياد بحالة ترقب ينتظر سُلطان يحجي
دحكت بوجهه سُلطان ابتسم ورفع
حواجبة باعجاب:- ول خاااالي شنهاي
إيلاف:- بس شووية والله
ميل راسة لـ زياد وصاح:- اختك طالعة تشك شك
زياد:- شدهن ستيل أصلي بعد خالك عجل من هساع تطلع هيجي وياك بعد كم يوم شلون تطلع
سُلطان:- بس تستاهل نشدهن ههههه
زياد:- خليها تعتب هيجي وشوف ليجرالك
ضحك سُلطان يسفز زياد جريت ايدي وهمست:-يلااا هسا يرجعنيي
:- يلا
طلعنا وهو يضحك بخبث صعدنا بالسيارة شو هذه سحب كلنس وخلاهن بيدي:- يلا عنايد لا تخلينا صدك نشدهن
:-الدنيا ليل ترا
:- ميخالف خففي ولو طالعة تورين بس ميخالف مايجوز هيجي تطلعين
عبست وجهي واخذة كلنس من ايده مسحت الحمرة وخفتت الكحل والمسكرة
وضليت معبسة وجهي طلعنا فترة واحنا
ندردش بـ اشياء عامة حد ما دخلنا بغداد وشوارعها الجميلة
والمضيئة ليلا صف عند محل ونزل ضليت اخذ صور وانشر
ما أنتبهت ايمتا رجع فزيت من نفتح الباب وتجمدت مبتسمة وهو يصعد بيدة باقة
ورد باللون الاحمر دحگتبـ عيونة لي تلمع بنظرات الحُب والهُيام: قدمها ألي: - تشبهج عنايدي
اخذتها من ايدة وجهي يريد ينفجر من الخجل والارتباك مد ايدو فتح الجكمچة وطلع منها علبة فتحها وطلع محبس لي اختاريتوا
اخذ ايدي لبسنيا وضمها بين ايدينه:-ما اخلي بخاطرچ شيء
:- شـ شكرا بس مالهه داعي
:- تستاهل عنودي العنودية
ابتسمت بـ ارتباك وحتى ما عرفت اجاوبة ضحك وكال:- يابه ياابه الخجل
:-ههه فاجئتني
:- عجل احنا شنريد
لميت شفتي وقلبي ينبض بقوة حرك السيارة وانا مخلية انفي بنص الورد استنشق ريحتوا بنفس عُميق وطلعت بلا وعي كلمة بـتنهيدة شعور:- الله
وتجمدت عيوني وانتفض قلبي بنبرة صوته وكلمته وهو يكول بهمس:- هيـج اريـد أشمج
كزبر جلدي وغمض عيوني بقوة بطني مغصتي من عَمق الشعور الغريب انتفض
جسمي من حسيت ايدة لامست ايدي شبكها باصابعه:- عنايد
:- بلي
همستها صوتي رايح بالكوة ينسمع تقرب ليمي وميل بس راسو اخذ نفس قوي من شالي وكال:- احب الخجلان
شهكت بالنفس وصوتي انفاسي صارت تنسمع نزلت راسي الهي نفسي بالورد وعيني
على المحبس طلع موبايلة وانطانيا:- هاج اخذي صور بس لا تنشرين
:- اخذة
:- بعد، احتفظي بيهن
اخذتو وايدي ترجف اريد اسيطر على الموبايل واخذ صورة عدل ماكدرت وبتالي اخذو وهو صورني وصور بس إيدي والورد
مادري منين متعلم ياخذ هيج لقطات بس حلوة
وصلنا للجامعة خابرها وطلعت رُقية وصديقتها
واجه وياهن شخص ثاني تاكد من هوية سُلطان يلا صعدو
رُقية:- هلوو، اهاا هاي شنو إيلاف! شلونج
إيلاف:- هلو عيني الحمدلله
صعدت صديقتها سلمت وحسيت بيهن مستغربات وجودي ولا ڪن لأجيت ويا خطيبي
رقية:- زُمردة اخذها البيت أختها اهلها هناك
سُلطان:- بعيني تدلل
زمردة:- ماتقصر عيوني ولو دا ازحمك هواية وياي بس رُقية دتلح علية والله
سُلطان:- لا يابة كل الهلا بيج
زميت شفتي واستمع لكلامهم وهاي ماخذة راحتها بالكلام حجت بتسائل:- إيلاف اي قسم
إيلاف:- تربية تاريخ
زمردة:- أوو كُلش ماحبه شلون طايقتة وهو اصلا قسم مامحبوب
إيلاف:- مايفرق عن باقي الاقسام كل شيء واله اختصاصة
زمردة:- لاطبعا كل قسم اله مكانته بالمجتمع
سُلطان:- كل الاقسام اله مكانتها لي دخل قسم الطب نفسوا لي درس عند مدرسة التاريخ
لهذه ماكو شيء اعلى من شيء كل الاقسام مكملة البعضها
أبتسمت وهي جاوبته بتلگئ:- اي بس الطب وين وتربية وين
سُلطان:- اولاد الدكتورة يدرسون عدها واولاد المدرسة يراجعون عند الدكتورة ومنها ودحگي اذا اكو فرق
زمردة:- اي صح بس يعني اشوف الطب افظل
سُلطان:- رأيچ الخاص
كالهه وفتح ايدة الية خليت ايدي بيده ورُقية
كالت:- عجب إيلاف أجيتي ويا
إيلاف:- هو طلب مَني
دحكلي وكال ببتسامة:- أنست الطريق
رفعت حاجبي وهمهمت:-بس الطريق
:- كل الايام والساعات انتِ انسته
:-وبس
كرص ايدي يريدني اسكت سحبت ايدي ونبتت أظافري بباطن ايدة بقهر عصر ايدي
وهمهم بينا:-عش يولي تسوين هيجيان
:- صاير مدري شلونك
زمردة:- سُلطان عيوني عفية تگدر تجي بعد يومين هنا عندي كم شغلة ومحتاجتك بيها
رفعت حواجبي اخزرو وهو يحاول يخفي ضحكتة ويجاوبها:- شعندچ
:- والله كم شغلة انا حجيت لـ رُقية وكالت هو يكدر يساعدچ
رقية:- اي يكدر من نوصل اخبرو عنها
سُلطان:- لا يابة مايحتاج انا عندي شغل وملتزم بخط من يكول اگدر اجي لـ بغداد شوفيلچ احد ثقة
رُقية:- لا هو يومين وأرجع بس وبيومها انتَ سويها
سُلطان:- ارجعچ بليل
ضلت تلغي هاي وفد كرهتها ماعرف ليش ولا تسكت سطرت رأسي فتحت المسجل وربطت على البلوتوث وشغلت اغنية
دحگلي سُلطان وحرك راسو ليش:-هيج عجبني
سُلطان:-يولي شبيچ
عصر ايدي بيدة جريت ايدي وخرمشت ايدة سحبها بسرعة وانا ادحگلو متشفية مادري ليش نقهرت وماحبيت تضل تلغي ويا بس هو منطلق ويحجي وياهن
لحد ما هو علا صوت وشغل قُران وسحبني من ايدي ميلني على كتفة وهمهم:-نامي
:- ماريد
:- ماتعبتي
:- لا،
ميل راسو علية وهمهم:- ليش ضايجة
:-ماضايجة
:- اممم علينا عنودي
نزلت عيوني منه عاقد حواجبي ومعبسة تلمس خدي بأصابعة وحركهن برخاوة على فكي وسحبها بعد تعدلت ملامحس
ما تاخر اقل الربع ساعة ونزلت زمردة وهي تتشكر منه
حرك السيارة وأنتبهت لـ رُقية نامت:- سُلطان هاي كل مرة تجي تاخذها ويَ رُقية
:- بلي
ميلت فمي وسكتت ماعاجبني الوضع سند جسمو براحة تقرب اكثر علية ونحجي بهمس:- عش غيرانة
:- ماغيرانة
:- هي شنهي ماغيرانة يولي مو راح يطگ بيج دمار
:- لا عيني شكو حتى اغار ادري بيك ميهمك احد غيري
أبتسم وكال بهمس ضاحك:- واثقة! عجل اذا دحگتيني ادحك للبنوات شعسوين
:- اعمي عيونك
ضحك بنبرة عالية وهو يكفخني
على زندي ويكول:- وتكول ما أغار اويلي على العنايد
:- اوي شحلاتها
صك اسنانة وروحة شايطة ما تحمل وعض زندي كتمت صوتي اصرخ واجر بيدي منه:- اخخخخ
:- چلبة
جريت ايده ونبتت اظافري بعضلة إيدة وهو يدحگلي ببرود خلاني اشيط واخرمش
ايدة خليتها تجري دم سحبها مني بسرعة:- لا يااچلبة على هلعملة
:- لاا تعيدها عجل
مسح ايده وهو يتوعدلي رجعت ليورا اضحك
عين علية وعين على الطريق جرني بسرعة وحط راسي تحت ايدو اضرب على صدرة:- لا عفية لا
:- هيجي تسوين
:- اخر مرة لا سُلطااان دحگ
كرص زندي صحت كتم صوتي وعضني خفيف من كتفي وهمهم بأذني:-جربي سوي شيء ثاني تا اعلمچ شلون الضرب
تركني رجعت المكاني اتنفس وقلبي نبضاتوا سريعة اضحك بخباثة من ادحگ ايدة مخرمشة
رتبت نفسي اريد اكعد عدل:- تعاي
:-لالا بطلت ماريد والله
:- تعاي يولي ماسويلچ شي والله
تقربت علي بحذر ممصدكة بس هو كان صادق وخصلنا الطريق دردشة
وسواليف حلوة مثلوا ومثلي تبا للتواضع
نزلت رُقية للبيت ونزلت وياها ميته تعب اجر بروحي جر بيدي باقة الورد وانتظر سُلطان يقفل السيارة تا يوصلني شافني وضحك:- تعبتي؟
:- اي والله دحگ صار الفجر
:- يلا نامي ولا تكعدين للعصر تا ترتاحين
:- اي اصلا عيوني بالكوة مفتوحة
فتحلي الباب من فوك:- لو ترحين يمي تنامين مو احسلك
خزرتوا بعيون ناعسة:- سُلطاان
:- ههههه اخليچ لليل نايمة
:- روح روح يلا
ضحك وكال:- تعاي خلي أبوسچ وروحي..
لف ايد وحدة ورا ظهري وباس خدي هستوني اريد احجي
وفزيت وصرخت لازمة قميصة
على أثر طلق قريب علينا
وصرخت بكل قوتي مفزوعة من نضرب علينا طلقتين وجسمي باد كلوا بين إيدين سُلطان
______
سارلين..
اتصفح بالموبايل وهو كاعد يشتغل وروحة طافر
اتجنبة بهيج حالة بس هو يريد فرصة حتى يصير نقاش بينا
أشرلي وكال بأمر:- اوراق بالجرار جيبهن بساع
سارين:-شلون لونهن
:- ابيض بكارت اصفر
شمرت موبايلي ورحت للغرفة طلعتهن من بين الاوراق ورجعت خليتهن كدامه ورجعت لمكاني قبل لا أكعد كال:- سوي چاي
تأفئفت وطلعت للمطبخ فورت الچاي وحلفت بس يطلب شيء بعد الأ اتعارك ويا وأسويها صدك
اخذة الكوب ورجعت خليته يمه. موبايلة يرن وهو ما منتبه اله لان صامت
كعدت بمكاني وشغلت التلفزيون رفعت الصوت وصاح بنرفزة:- نصي
ميلت رأسي على تخم بنفاذ صبر وتنهدة بقهر:- الصبر ياصاحب الصبر صبرني على خلقك تراهم يغثوون ويطلعون الواحد من طوره
حسيته يريد يكول اي والله بس سبقة الموبايل وانتبه علي و جاوب
:- بلي وضاح، ايمتا ولك، لااااااه، اهلوا، وينهم هساع، يواش يواششش
غلق الاتصال ووكف يمسح بشعرة بقلق عدلت كعدتي وهبط جسمي من الخوف اتصل على شخص ثاني وكان الصوت واضح
جراح:- عيني ابو فيصل عزيزي شلونك
ابو فيصل:- اهلا ابو ذيبة كل الهلا
جراح:- صدك لي سمعتوا! ايمتا غادرينوا
أبو فصيل:- من أسبوع والبارحة اهلوا لاكين الجثة واليوم عمومتهم متيهين اهلوا بالشارع
جراح:- لاه لااااااه ياخسي على شواربهم، وهساع منو ومنو يمك
أبو فيصل:- أموا وأخواتوا ، و فؤاد مختفي ماندري وينوا
زم شفتو بقهر وكال:- يواشك هساع نجيك انا والوليد أنتظرنا
أبو فيصل:- منتظرك بالبيت الثاني تراني مو بالبيت التعرفوا
جراح:- سهلة نتخابر
غلق الاتصال وكان قلق خفت وهمست برجفة وصدري ضاق النفس بي:- منو مات!
باوعلي بأسف وهو يهز راسة:أسامة السياف
_______________
نلتقي مجدداً 🏹