?????? ????? ??????

#القهار_والكف_الاسود

البارت (12)

حبايبي لا تنسون التصويت ومتابعة الحساب لطفًا
zainab_ali1♥️

Instagram: zainab__.ali1
TikTok: zeinab_.ali1

‏لكلِة نديمٍ يؤرق
‏والقلبُ ملّ نديمه
‏كأنّي عشقٌ تذوق طعم الهزيمة

━━━━━━━❈✦❀✦❈━━━━━━

بروفيسور 💀 ...

سـندريلا ...

جفلت وفزيت على صوت بسرعة باوعتله ابتسم وتكلم

قـهار: سنيوريتا ما جاوبتيني شسوين هين

خليت ايدي على وجهي وصرت ابچي الرعبة سيطرت عليه

شال ايدي من وجهي وهمس
قـهار: ليش تبچين ؟

تكلمت واني ابچي
سـندريلا: تعبت والرب تعبت بعد طاقتي نفذت تعبت راح انجن

قـهار: من شنو ؟

سـندريلا: أنتَ منو المجهول منو الي انقتل جوه منو ليش هيچ دايصيغ ويايه ليش فجأة حياتي انگلبت غأس على عقب

مسك ايدي حيل عيني صارت على ايده كالعادة لابس كف اسود سحبني جلسني على بايات الدرج الي صاير امام الباب

قـهار: ارتاحي واهدي لكل شي اكو حل

سـندريلا: الا المصيبتي ماكو كل حل ماكو

قـهار: ممكن اعرف شنو بيچ اذا تحبين تحچن انا اسمع

رفعت راسي باوعت بعيونه وهو بقى مركز نظره بداخل عيني انرسمت على ملامحة ابتسامة ما عرفت افسرها شنو

سـندريلا: أنتَ نفسك الكف الاسود واني مو مجنونة حتى اتخيل او اتهمك بشي مو متأكدة منه

قـهار: شنو اليثبت انا هو

باوعت بعيونه وگلت بقوة
سـندريلا: خلينا نگول اني غلطانة بلون عيونك وغلطانة بنبغة صوتك وغلطانة بهيأتك وضخامتك وغلطانة بالكف الاسود الي تلبسه بس ...

اتقربت عليه وهمست
سـندريلا: بس مستحيل اغلط بغائحة عطغك

غمضت عيوني استنشقت رائحة عطره حيل وكملت كلامي
سـندريلا: مستحيل احساسي بيك يغلط مستحيل انسى الغائحة الي نمت عليها ليالي وايام

فتحت عيوني اباوعله صافن بيه عاقد حواجبه بغضب وعيونه صارت حمر

قـهار: منو هذا التحچين عليه ؟