?????? ????? ??????

#القهار_والكف_الاسود

البارت (19)

حبايبي لا تنسون التصويت ومتابعة الحساب لطفًا
zainab_ali1♥️

Instagram: zainab__.ali1
TikTok: zeinab_.ali1

الـشارع موبوءٌ
بمراقبةِ المخلوقات
المسكونة بالوَحشَة مِثلي

━━━━━━━❈✦❀✦❈━━━━━━

حقيقة واحدة 💀 ...

سـندريلا ...

نايمة نومة عميقة فجأة فزيت على صوت صرخة بأذني جلست نفسي على السرير خليت ايدي على قلبي وهمست بخوف

سـندريلا: يا امنا العذراء

فزيت من مكاني برعبة واني اهمس وايدي ما زالت على قلبي
سـندريلا: شكرًا للرب كابوس مغعب وغاح

بمجرد ما درت وجهي على المرايا وشفت طبع كف عليها بلون الاسود وجوه مكتوب 666
انرعبت حيل والخوف سيطر عليه رحت بسرعة شغلت الضوء بالغرفة غمضت عيوني عطر ورد الياسمين مالي المكان دائمًا من اشم هذا العطر يصير عندي خمول ودوران

اتقربت من المرايا تلمست طبع الكف والرقم مكتوبين باللون الاسود استغربت ما معقولة رجع دخل للبيت واصلًا شلون يگدر يدخل واني طلبت بتغيير طاقم الحرس بالكامل

سـندريلا: مو معقول شنو هذا الانسان مو طبيعي

حسيت على هواء حار ينفخ على رقبتي بسرعة فزيت انظر خلفي شفت ماكو احد الغرفة فارغة تمامًا

رحت فتحت الباب باوعت خارج الغرفة البيت مظلم وهدوء ماكو بي صوت بسرعة دخلت وقفلت الباب ورجعت نفسي عليه اخذ نفس بصعوبة لاول مرة بحياتي احس بهذا الخوف وفعلًا حسيت اني وحدي ومالي احد يحميني

صارت عيني على النافذة اتقربت منها بحذر شلت الستارة وباوعت من خلفها اباوع على بيت الاحاجي مظلم وكأنه رجع مهجور حتى سيارته مموجودة

فجأة لمحت شخص متشح بالاسود يمشي بالشارع و وقف امام بيتنا حسيت قلبي نبضاته تخربطت وتسارعت بشكل جنوني اكيد هذا هو
رفع راسه يباوعلي وكالعادة ملثم

خليت ايدي على زجاج النافذة وسندت راسي عليه اباوعله وهو هم يباوعلي بعد لحظات سمعت تليفوني يرن بسرعة ركضت اله مكتوب ( الكف الاسود )
جاوبته بلهفة غريبة

سـندريلا: أنتَ وينك

تكلم بصوت تعبان
- ما عفتچ ولا لحظة