?????? ????? ??????

#القهار_والكف_الاسود

البارت (26)

حبايبي لا تنسون التصويت ومتابعة الحساب لطفًا
zainab_ali1♥️

Instagram: zainab__.ali1
TikTok: zeinab_.ali1

مثل خيط الضوة " بسَرداب "
أحير شلون أضم حزني ..

━━━━━━━❈✦❀✦❈━━━━━━

شيء سيئ وشيء اسوأ💀...

روهـان ...

گاعدة على التخم وهو گدامي واگف يروح ويرجع بمكانه ويدخن رفعت راسي باوعتله وگلت

روهـان: ما اريد احچيلك حتى لا تتورط وياي ارجوك دكتور خليك بعيد عن مشاكلي كلش كافي الي سويته اليَّ لحد هنا

جن: عجل انا لو ما اريد ادخل نفسي بمشاكلچ ليش سوينا العقد من الاساس انا اريدچ تحچين كلشي حتى افهم شنو ممكن اسوي واتصرف

روهـان: تتورط وياي حياتك تصير بخطر صدگني خليك بعيد ما اريد مشاكلي تأثر على حياتك الشخصية والمهنية

اخذ نفس اخير من الجگارة وطفاها سحب كرسي وخلا مقابيلي ما اعرف ليش دققت ويا وصرت انتبه لكل حركة يسويها فززني صوته وهو يگول

جن: روهـان روهـان عاينيلي جاي انا افهم موقفچ بس بعد انا گلتلچ من اليوم اليخصچ يخصني وما راح اگدر اساعدچ وأنتِ تضمين عليه !

فركت ايدي حيل بتوتر
روهـان: يعني أنتَ شنو الي تريد تعرفه بالضبط

جن: كلشي كلشي الصغيرة قبل الچبيرة نبديها بمنو الي جان يحچي وياچ وانا شنو اتفقت مو گلت ما تحچين ويا احد بدون علمي ؟

روهـان: هذا ابن عمتي فد واحد زايعته الگاع ومينجرع من الغثاثة والخباثة وهو حيل مأثر على والدي الله ينتقم منه

سكتت وهو منتظرني اكمل كلام
روهـان: بس هيچ

گمت فتت من عنده بسرعة لزم ايدي حيل وگام من مكانه سحبني عليه نصه وهمس بأذني
جن: أنتِ تعرفين ليش سموني جن ؟

تنفست حيل حاولت اجر ايدي منه
روهـان: ولا صغرًا بس ما اعرف والله

شد على ايدي اكثر وكمل كلامه
جن: سموني جن لان ما ينضحك عليه واگدر اروح وادخل باي مكان يعجبني بدون محد يشوف او يلحظ وجودي حتى
وما اقصد بس على الاماكن عندي القدرة ادخل حتى بالنويا والقلوب واكشفها شضامة عليه