??????? "?????? ???????"

البارت الاول .

الميراث "المصير المُبهم"

بـقلمي : ألـطَاف فاطـمـة

لاتنسوا مُتابعة الحساب والتصويت لُطفـاً .

Tek Talk : altaf_fatim1
Telegram : altaf_fatim1
wattpad : altaf_fatim1

<___________________________>

- هـَلي زحمـة مِـنْ أعاتبكـم
هـَلي المفروض حگِي انتم تردونـة
هـَلي المفروض مِـنْ الدنيا تكسرني
اجيكم واگعد بسدكُم
هـَلي بتكم يبچوها ..
عليّ مترف شواربكم ؟
هـَلي چا انا مو منكم !
هـَلي احلامي الذبحتوهن يغثني
وحگ دمـعي الجرة منـكم
امـوت ومّا اسـ ....
احبكـم راح اسامحكـم

< ••• >

امشي بالطريق راجعه مـن اخر امتحان
مـن الامتحانات النهائية واخيرا راح اخلص مـن ضيم الدراسه وارتاح...
بَـــــس ياراحه ..؟

الطريق كلش طويل المدرسه حيل بعيده عن بيتنا بَس شسوي مجبورة اروح مشي وارجع مشي ماعندي غير هـ الحل

امشي وامشي والجو يموت برد الدنيا ضهر بَس بارده برد مو طبيعي

وصلت للبيت فتحت الباب اختي قُربان تضحك بوجهي وتحجي
-قُربـــــان :- فيض ولج خلصتي امتحانات واخيغا غاح نشوفج ونسولف ونلعب سويه مو ؟

-فيض :- اي حبيبتي بَس خل ارجع مـن الشغل.

-قُربــــان :- يلا هاهي امشي بدلي وتعالي اكلي.

رحت بدلت ملابسي ولبست ملابس الشغل وطلعت مـن الغرفه سلمت على امي واجتي فرقـــــان تروايني رسمتها وتحجي بحماس

-فرقـــــان :- شوفي شلونها الرسمه حلوه؟

ابتسمت وجاوبتها
-فيض :- ياعمـري تجنن والله.

ضحكت وراحت كعدت يم امي تكمل رسـم، سويت الي لفه على السريع وبقيت اكل بيها وامي تحچي وياي بقلق
:- يمه فدوتج لا تتأخرين بَس يجي ابوج يسود عيشتنا ديري بالج على روحج وعينج على الساعه لا تتأخرين خوش ييمه.

هزيت راسي اكل وجاوبتها واللگمه بحلكي
:- اي ماما حبيبتي بَس اكمل اجي اكيد وانتِ اخذي علاجج مو تنسين.

باوعتلها تلافت نضرتها عني وحجت بقهر
- يمه علاجي خلص

هيَّ حجت هيج غير حسيت روحي نمردت مرد اول مره امي تكلي خلص علاجي جانت ابد ماتحجي وهذا السبب إلي خله مرضها يزيد
-فيض :- اي يمه صار انطيني صبر باجر ويكون العلاج يمج.