??????? "?????? ???????"

البارت الثاني والثلاثون .

الميراث "المصير المُبهم"

بـقلمي : ألـطَاف فاطـمـة

لاتنسوا مُتابعة الحساب والتصويت لُطفـاً .

Tek Talk : altaf_fatim1
Telegram : altaf_fatim1
wattpad : altaf_fatim1

<____________________>

- مارُهمت ويانا تگول ماعيّش
بمحكمة القدر طلگنا الافراح
طيور الخير هجن عافن البيت
وغراب الفگر بمچانهن صاح
مسودن بختنا وحظنا مشلول
و مِن كثر الحِزن مانهِم على الراح
ع الجاهل گبل نتنگب نگاب
هَسه يموت أبونا نگول يرتاح
مَدام الموت أرحم لليموتون
دمشونا لعد كِل أحنا نرتاح.

< ••• >
• فرقــــــان •

اول مافتحت الباب صار بوجهي ولد ماشايفه شكله غريب عليّـه، ابتسم بوجهي وحجه
:- السلام عليكم شلونج عمو هاي شقـة فيض أسماعيل..؟

باوعت اله وحجيت بتوتر و خوف و استغراب شعرفه بفيض هزيت راسي وگلّت
- اي بَـــــــــسّ ليش!

زادت ابتسامته وحجه
:- زين تعرفين هـــــدى؟

بلّعت ريگي بتوتر وحجيت باستغراب
- شعرفك بـ هــدى و شدلاك بشقـــة فيض اختي؟

باوعلي وكال
:- انه زوجها جنت بالسجن وبفضل اختج والمحامي طلّعت برائه والتهمة رجعت الـ صحبانها.

- اي هدى اهنا انتضرني هسه اصيحها واجي.

هز راسه و سديت الباب غفلته عدل خفت ضليت افكر معقوله فيض يعني تعرف بهذا الموضوع وهيَّ الي مطلعته دخت، دخلت للبيت شفت هدى تبدل لابنها مسبحته، دخلت للمطبخ شفت الجدر علّى النار هاي الفتره انا كلش مالي نفس اسوي شي وهيَّ خطيه هاي الفتره كله عليها وهم منا ابنها فـ هم خطيه،

حجيت وياها وگلت
- هداوي اكو ولد بالباب منتضرچ.

باوعتلي هـدى بأستغراب وگبل حجت بفزهّ
:- والله مااعّرف اي واحد فرقـــان والله تبت اصلاً ماعّرف واحد منانه ولا عندي تواصلّ ويه اي احد وخاصةً انتِ تگوليّن هذا ولد وهم فيض مواعدتها مااحچي وي ولد وانه احبن زوجي ومنتضرته يطلع وعـلي الشقه ماطالعتها ولا عندي مبايل وداعت ابني.

باوعت الها ضحكت على خوفها وين جانت هدى وين صارت كتلها بصوت ناصي
:- اعتقد زوجج طلع مِـــن السجن وهوَّ الي بالباب.