??????? "?????? ???????"

البارت الواحد والعشرون .

الميراث "المصير المُبهم"

بـقلمي : ألـطَاف فاطـمـة.

لاتنسوا مُتابعة الحساب والتصويت لُطفـاً .

Tek Talk : altaf_fatim1
Telegram : altaf_fatim1
wattpad : altaf_fatim1

<__________________________>

- صايِم واصليّ وربي اعبدهَ.
چـا ليش الفرج ابوجهِي سَده..؟
ادريِ ماماشي بَشر بالكون مَرتاح.
بَس تعبي كُلش عَبر حَـده..

< ••• >
• فرقـــان •

باوعلي ماعاجبه كلامي نزل عينه على العلاگه الي بأيدي صغر عيونه بشك وحچه

-نـــــور :- طلعتي للمحـــــل؟

بلعت ريگي وخليت العلاگه وراي وحجيت بعدم اهميه
-فرقان :- شعليك؟

عفته ودخلت للغرفه گعدت على الجربايه مستمره اكل ومتطمنـه لان ادري بيّ مايدخل يستحرم عشتوو بس فاجأني مـن فتح الباب بقوه وعيونه خازرتني بُكره وبغضب حجه بصوت عالي خلسني بمكاني.

-نـور :- ولچ انتِ ماتوووبين هاااا ليـش تطلعين ولج انتِ شايفه شصارر بيَّ مـن انخطفتي واتصخمتي ولج حته المراكز الشرطه دخلت ووقفوني بسبب المشكله السويتها مـن وراج ليش ماتاخذين بحچيي فرقــــان تــــعبتيني!

-فرقان :- شتريد؟

من وره ردي حسيته راح يطلع من الاسلام كله عاط بصوت عالي
-نـور :- اريدج تنچبيـن وتكعدين وتسكتين عله ما تجي اختج تاخذج وافتك من مصايبج واطلع روحـي من خطيتچ.

باوعتله وحصرتني العبره كل شوي وگال تجي اختج تاخذج ملن علينه الحمدلله والشكر.
-فرقان :- شگد حقير رحمه الربك امداك وامده فيض لان خلتنه يم واحد مثلك اني اول ما شفتك ما ارتاحيتلك عرفتك خايس وسرسري وبس....

بعدني ما مكمله وحجه
-نـور :- كاااافي ادبسز راح اسكتلج عله الخرط هذا بَس والعبــاس يلي ما احلف بيَّ جذب يا فرقان اذا شفتج بعد طالعه تشوفين شي مايعجبج كلش.

حجيت بنتره وعصبيه من طريقة كلامه وتأمره عليه وكأنو انا خدامه عنده.
-فرقان :- هيَّ بكيفك امشي اطلع بره.

-نـور :- احترمي احترمي.

باوعتله ياربي هذا شيريد رحت لزمت ايد وجريته من يم الباب ودخلته الغرفه باوعلي بصدمه وبسرعه نتر ايده مني وحجه
-نـور:- ولچ شلون تتجرئين خيـر گالبه الدور انتِ؟