The Princess In Disguise (Under Editing)

"Ate bilisan mo naman! Ikaw rin Kuya Callix," bulyaw sa amin ni Zandra habang patuloy niya kaming kinakaladkad. At kapag sinabi kong kaladkad, totoong kaladkad talaga. Halos magkandapa-dapa na ako at mawalan ng balanse habang tumatakbo kami.

Nagkatinginan muna kami ni Callix bago sabay na natawa.

"Ano ba yan! Tatawa pa eh. Kung binibilisan niyo na kaya, mas matutuwa pa ako sa inyo."

Tumigil siya sa pagtakbo kaya napatigil rin kami pagkatapos ay humarap sa amin at nag-pout.

Ginulo naman ni Callix ang buhok niya.

"Ikaw talaga. Andun ang kotse ko. Tara na." Tinuro ni Callix ang convertible car niya na ngayon ay walang bubong.

"Kuya, wala ka bang balak itaas ang bubong niyan? Ang init-init kaya," reklamo niya kay Callix.

Natawa naman si Callix at sarkastikong sinagot ang tanong niya. "Meron naman po, mahal na prinsesa. Pero mauna ka na dahil alam ko pong excited ka na."

Inirapan lang ni Zandra si Callix na ikinatawa naming dalawa. Nauna na siyang maglakad sa kotse at naupo sa backseat samantalang ako naman sa passenger seat at syempre si Callix ang nasa driver seat. Nilagyan na rin ni Callix ng bubong ang kotse niya.

Akmang isasara ko na ang pinto sa passenger seat pero may pumigil sa akin kaya hindi ko na nagawa.

Nakakunot ang noo na binuksan ko ng malawak ang pinto at tiningnan kung sino ang nasa labas.

Nagkasalubong ang kilay ko nang makita ko si Raphael.

"Ate sino ba yan? Si mama ba yan? Sasama rin daw ba siya?" Dinig kong tanong ni Zandra sa backseat.

Humarap naman ako sa kanya at umiling.

"Eh sino?" Tanong pa niya.

Bago pa man ako makasagot ay sumilip si Raphael sa passenger seat pagkatapos ay kumaway sa kanya.

"Hi Zandra."

Sinamaan ko naman siya ng tingin. "Epal naman."

Paano ba naman kasi. Halos ako na ang umiiwas para hindi magkadikit ang mukha namin. Ako pa tuloy ang nahihirapan.

"Lumabas ka nga!" Utos ko sa kanya.

Sumaludo muna siya sa akin. "Yes, boss."

Pagkalabas na pagkalabas pa lang niya ay sinarado ko na agad ang pinto.

"Callix, start the engine. Baka may sumama pa diyan. I don't wanna bring extra baggage," sabi ko kay Callix.

He chuckled before he started the engine. "Mabuti pa nga. Alis na tayo?"

Tumango ako. "Yeah."

"Wait!"

Sabay na napatingin kami kay Zandra nang bigla siyang sumigaw.

"Anong problema? May naiwan ka ba?" Tanong ko sa kanya.

Tumango naman siya.

"Ano?"

"Hindi ano. Sino." Sabi niya pagkatapos ay itinuro niya si Raphael sa labas.

I frowned. "Wag mong sabihing isasama mo yan?" Gulat na tanong ko.

Nahihiya siyang ngumiti at tumango. "Wala namang masama kung isasama natin siya diba? Tsaka para makapag-spend pa kayo ng time para makilala niyo ang isa't isa. Please?"

Tiningnan ko siya nang masama. "Seriously, Zandra?! Hindi ka against sa pagpapakasal ko sa kanya."

Zandra shrugged her shoulders pagkatapos ay nagpa-cute. "Please Ate, Kuya. Sige na. Tingnan mo siya sa labas, nagpapacute."