Chapter 2O.2
ချီမုယောင်သည် ညသန်းခေါင်မှာ နိုးလာခဲ့သည်။ လေကို ရှူရှိုက်ပြီး ကောင်းကင်ကို မော့ကြည့်လိုက်သည်။
ထို့နောက် သူသည် ဟဲဟွမ်းဂိုဏ်းရဲ့ အတုအယောင် မန္တန်ကို သုံးပြီး သူအိပ်နေခဲ့တဲ့ နေရာမှာ ပုံရိပ်ေယာင်ထင်အောင် ဖန်တီးကာ ဆယ်ပေအကွာကို နေရာေပြာင်းအစီအရင် သုံးလိုက်သည်။
သူသည် အလင်းကိုယ်ခန္ဓာ နည်းပညာနဲ့ သစ်တောထဲကို သရဲတစ်ကောင်လို အမြန် လျှောက်သွားလိုက်သည်။ သာမန် ကျင့်ကြံသူတွေပင် သူ့ရဲ့ ခြေရာကို ရှာဖို့ အတော်လေး အခက်အခဲ တွေ့လိမ့် ပေမည်။
ဒါက ဟဲဟွမ်းဂိုဏ်းရဲ့ ချက်ချင်း ရွေ့လျားနိုင်တဲ့ နည်းပညာပဲလေ.....
အချက်ပြမှု လာတဲ့ နေရာကို ရောက်တဲ့အခါ ချီမုယောင်သည် ချက်ချင်း ပေါ်ထွက်မလာပေ။အဲဒီအစား အနီးအနားက သစ်ပင်နောက်မှာ ပုန်းနေလိုက်သည်။
ဒီနက်ရှိုင်းတဲ့ ချိုင့်ဝှမ်းရှိ ကမ်းပါးမြင့်ရဲ့ လေထဲမှာ သွေးနံ့နဲ့ ဟဲဟွမ်းဂိုဏ်းက တပည့်တစ်ယောက်ပဲ ပိုင်ဆိုင်တဲ့ အားပျော့တဲ့ ရနံ့တွေ ပြည့်နှက်နေလေသည်။
အကူအညီတောင်းတဲ့ အချက်ပြမှုတစ်ခုပဲ...
"တိုက်ခိုက်တာ ပြီးပြီလား?"
ဒါက ယောက်ျားတစ်ယောက်ရဲ့ လှောင်ပြောင်တဲ့ အသံပဲ...
ထိုသူ စကားပြောနေတဲ့သူသည် ပြန်မဖြေပဲ သူကို တံတွေးနှင့် ထွေးချလိုက်သည်။ အသံတစ်ခုတည်းနဲ့တင် သူက မိန်းမတစ်ယောက်ဆိုတာ သိနိုင်သည်။
ထိုယောက်ျားက အဲဒီမိန်းကလေးကို ရယ်မောပြီး လှောင်ပြောင်တဲ့လေသံနဲ့ ပြောလိုက်သည်
"ဘာလို့ သန့်ရှင်းဟန်ဆောင်နေတာလဲ! နင်က ဟဲဟွမ်းဂိုဏ်းက ပြည့်တန်ဆာမ တစ်ယောက်ပဲ။ နင်က ကိုယ့်ကိုကိုယ် သန့်ရှင်းတဲ့ မိန်းမပျိုလို့ တကယ် ထင်နေတာလား? ငါ နင့်နဲ့ ကစားဖို့ ဆန္ဒရှိတာကို နင် ကျေးဇူးတင်သင့်တယ်။ နင့်တို့လို မိန်းမတွေက အမြဲတမ်း နှစ်ယောက်တွဲ ကျင့်ကြံဖို့ လူတွေကို ရှာနေကြတာ မဟုတ်ဘူးလား? ဘာလဲ၊ ငါ နင့်ကို ကျေနပ်အောင် မလုပ်နိုင်ဘူးလို့ ထင်နေတာလား?"
ထိုအမျိုးသမီးသည် ပြန်ဖြေဖို့ ငြင်းဆန်တုန်းပင်
သူရဲ့ ဓားကို တင်းတင်းဆုပ်ကိုင်ပြီး သူ့ကို ဒေါသတကြီး စိုက်ကြည့်နေသည်။
အဲဒီလူက ဆက်ပြောလိုက်သည်
"ဟူး။ ငါ နင့်နဲ့ တစ်ခါပဲ လုပ်ချင်တာပါ။ ဒါပေမဲ့ နင်က ရန်ပွဲဖြစ်အောင် လုပ်ရမယ်လို့ပဲ စိတ်ကူးနေတာလား။ ဒါက နင့်ရဲ့ အကြိုက်လား။ စိတ်မပူနဲ့၊ ငါ နင့်ကို ခေါ်တာကို လိုက်ခဲ့ရင် နင် ဘယ်သူလဲဆိုတာ တခြားသူတွေကို မပြောဘူး။ ငါ နင့်ကို တကယ် ကောင်းကောင်း ခံစားရအောင် လုပ်ပေးမယ်..."
ထိုသို့ ပြောပြီး သူက သူ့ရဲ့ ခါးပတ်ကို ဆွဲဖြည်ဖို့ စတင်လိုက်သည်။
ချီမုယောင်သည် ဝှက်ထားသောလက်နက်တစ်ခုကို ပစ်ထုတ်လိုက်လေသည်.
ဟဲဟွမ်းဂိုဏ်းရဲ့ တိုက်ခိုက်ရေးနည်းလမ်းများမှာ အဓိကအားဖြင့် လက်နက်ပုန်းများဖြစ်ပြီး၊ အဝိုင်းပုံစံရစ်ထားသော ယပ်တောင်ဖြင့် ဖန်တီးထားပြီး လှည့်စားသော မန္တန်များဖြင့် အားဖြည့်ထားသည်။ တိုက်ရိုက်တိုက်ခိုက်နိုင်စွမ်း မများသော်လည်း၊ သူတို့သည် ချောင်းမြောင်းတိုက်ခိုက်ရာတွင် အလွန်ကောင်းမွန်ကြသည်။
ထိုဝှက်ထားသောလက်နက်သည် လေထဲတွင် ရွေ့လျားနေစဉ် အသံမထွက်ပေ။ အကြောင်းမှာ ၎င်းတွင် လှည့်စားသော မန္တန်တစ်ခု ပါရှိသောကြောင့်ဖြစ်သည်။ ဤကဲ့သို့သော လှည့်စားသော မန္တန်ကြောင့် တိုက်ခိုက်ခံရသူများသည် ဘာမှ သတိမထားမိနိုင်ပေ။
ထိုကျင့်ကြံသူသည် နဖူးကို ဝှက်ထားသောလက်နက်ဖြင့် ထိမှန်ခံရပြီးနောက် ယိုင်သွားသည်။ သူသည် သူ့ကိုယ်သူ တည်ငြိမ်စေရန် ဓားကို မြေကြီးထဲသို့ စိုက်လိုက်ရသည်။
ထိုလူရဲ့ ကျင့်ကြံရေးအဆင့်သည် အခြေခံတည်ဆောက်မှုအဆင့်အထွတ်အထိပ်သို့ ရောက်ရှိနေပြီဖြစ်သည်။
သူတိုက်ခိုက်နေသော အမျိုးသမီးမှာ အခြေခံတည်ဆောက်မှုအဆင့် အလယ်အလတ်အဆင့်တွင်သာ ရှိသည်။
ချီမုယောင်ရဲ့ ကျင့်ကြံရေးအဆင့်မှာ ပိုနိမ့်ပြီး၊ အခြေခံတည်ဆောက်မှုအဆင့် အစောပိုင်းအဆင့်သာ ရှိသေးသည်။
တိုက်ခိုက်ခံရပြီးနောက် ထိုလူသည် သူ့ရဲ့စိတ်ဝိဉာဥ်ဖြင့် ရှာဖွေလိုက်ရာ ချီမုယောင်ကို ချက်ချင်းတွေ့လိုက်ရသည်။ ထို့နောက် သူသည် ရက်စက်စွာပင် သတ္တုဓာတ်စွမ်းအင်တိုက်ခိုက်မှုဖြစ်သော 'ရွှေရောင်ခြည်' ကို ချီမုယောင်ရှိရာသို့ လွှတ်လိုက်သည်။
ချီမုယောင်မှာ သူပုန်းနေသောနေရာမှ ခုန်ထွက်ရုံသာ တတ်နိုင်တော့သည်။ မြေပြင်ပေါ်သို့ ဆင်းသက်လာသည်နှင့် သူသည် ထိုလူကို တည့်တည့်ကြည့်လိုက်သည်။
"ဟဲဟွမ်းဂိုဏ်းသားတွေမှာတောင် စံနှုန်းတွေရှိတယ်ကွ, တကယ်တော့ ငါတို့က သာမာန်လူတွေထက် ပိုပြီး ရွေးချယ်တတ်ကြတယ်"
ဒါဟာအမှန်ပါပဲ
သူတို့အားလုံးဟာ သူတို့အသုံးပြုတဲ့ ကျင့်ကြံရေးမီးဖိုတွေနဲ့ပတ်သက်ပြီး အလွန်ထူးဆန်းတဲ့ အကြိုက်တွေရှိတဲ့၊ စိတ်အပြောင်းအလဲမြန်တဲ့လူတွေချည်းပဲလေ။
ထိုလူသည် ချီမုယောင်ကို တွေ့လိုက်ရ၍ အလွန်အံ့အားသင့်သွားသည်။ သူသည် မျက်လုံးများပြူးကာ ချီမုယောင်ကို အပေါ်အောက်ကြည့်ပြီးမှ ရယ်မောလိုက်သည်။
"မင်း တကယ်... မင်း တကယ်ပဲ။ ဟားဟားဟား။ စိတ်ဝင်စားဖို့ကောင်းလိုက်တာ"
ချီမုယောင်မှာ သူ့နှင့်အတူ ရယ်မောရန် စိတ်ကူးမရှိပေ။ သူသည် လက်တစ်ဖက်ကို မြှောက်ကာ ကျိူးကျိူးအား မဆင်မခြင် မည်သည့်အရာမှ မလုပ်မိစေရန် တားဆီးလိုက်သည်။
ထိခိုက်ဒဏ်ရာရထားသော ဟဲဟွမ်းဂိုဏ်းမှ အမျိုးသမီးရဲ့ မျက်လုံးများသည် ချီမုယောင်ကို မြင်သောအခါ အတိုင်းအဆမဲ့ ဝမ်းသာမှုဖြင့် တောက်ပသွားသည်။ သူသည် သူ၏ အချက်ပြမှုကို ဂိုဏ်းမှ တပည့်တစ်ဦးမှ အမှန်တကယ် တုံ့ပြန်လာလိမ့်မည်ဟု မထင်ထားခဲ့ပေ။ သူတို့ရဲ့ အငယ်ဆုံးတပည့်လေးဆိုလျှင် ဝေလာဝေးပင်။
ထိုလူသည် သွေးများစီးနေသော နဖူးကို ဂရုမစိုက်ပေ။ သူသည် ဓားကို ကိုင်ကာ ချီမုယောင်ကို ဒေါသတကြီး စိုက်ကြည့်လိုက်သည်။
"ဒါဆိုရင် သုံးလောကရဲ့ နံပါတ်တစ် အလှနတ်သမီးကလည်း ဟဲဟွမ်းဂိုဏ်းဝင်တစ်ယောက် ဖြစ်နေတာကိုး။ ဒါက ရယ်စရာပဲ။ ငါအရင်က ယောက်ျားတွေကို စိတ်မဝင်စားခဲ့ဘူး။ ဒါပေမဲ့ မင်းလိုမျိုး အသွင်အပြင်ရှိတဲ့သူကိုတော့ ငါစမ်းကြည့်ချင်တယ်။ မင်းနဲ့သူ နှစ်ယောက်လုံးကို ဒီည ငါအပိုင်ယူပြမယ်"
သူသည် ချီမုယောင်ကို သူရဲ့ အလိုဆန္ဒပြည့်စေရန် ကစားစရာတစ်ခုအဖြစ်သာ သဘော ထားကာ ကြည့်နေသည်။
ချီမုယောင်သည် ထိုကဲ့သို့ ကြည့်ခံရ၍ အလွန်ရွံရှာသွားသည်။ သူသည် နှုတ်ခမ်းကို တင်းတင်းစေ့ကာ သူရဲ့ အမြုတေမှ စွမ်းအင်ကို လည်ပတ်စေပြီး အဝိုင်းပုံစံယပ်တောင်ကို ဆင့်ခေါ်လိုက်သည်။
ထိုလူသည် ဓားဖြင့် သူ့ကို တိုက်ခိုက်ရန် ပြေးဝင်လာသော်လည်း၊ သူ၏ တိုက်ခိုက်မှုသည် ချီမုယောင်ကို မထိခဲ့ပေ။ အကြောင်းမှာ သူ၏ရှေ့မှ အတုမဲ့ လှပသော ယောက်ျားရုပ်သည် မရေမတွက်နိုင်သော မက်မွန်ပွင့်ဖတ်များအဖြစ် ပြိုကွဲသွားသောကြောင့်ဖြစ်သည်။
အပေါ်သို့ မော့ကြည့်လိုက်သောအခါ ချီမုယောင်သည် သူ့ထံသို့ ဆင်းသက်လာသည်ကို တွေ့လိုက်ရသည်။ သူရဲ့ အဝါရောင် ဝတ်ရုံသည် နွေးထွေးစွာ ပွင့်လန်းနေသော ကြာပန်းတစ်ပွင့်ကဲ့သို့ ဖြန့်ကျက်သွားသည်။ သူသည် ထိုလူ၏ မျက်နှာပေါ်တွင် ခြေတစ်ဖက်ဖြင့် ဆင်းသက်လိုက်သည်။
ထိုလူသည် ဓားကို မြှောက်ကာ တိုက်ခိုက်ရန် ပြင်လိုက်သောအခါ ချီမုယောင်သည် သူ၏ မျက်နှာကို တွန်းကာ လေထဲသို့ ခုန်လွှားသွားသည်။ ညရဲ့အေးမြသောလေထုသည် လှိုင်းထစေသော ယပ်တောင်ကို တစ်ချက်ခတ်လိုက်သည်နှင့် လရောင်အောက်တွင် ပျောက်ကွယ်သွားသည်။ အထက်တွင် တောက်ပနေသော ကြယ်ပင်လယ်သာ ကျန်ရစ်ခဲ့သည်။
ချီမုယောင်၏ အရိပ်အယောင်ကိုပင် ကောင်းစွာ မမြင်နိုင်တော့ပေ။
သူသည် တိုက်ရိုက်တိုက်ခိုက်မှုများကို မပြုလုပ်သောကြောင့် ထိုလူသည် ထိုးနှက်ချက်တစ်ခုကို ရအောင်လုပ်နေစဉ်တွင် အရိုက်ခံနေရုံသာ တတ်နိုင်တော့သည်။
ထိုလူသည် တုံးအသူမဟုတ်ပေ။ဒီကြောင်နှင့်ကြွက် ကစားပွဲက ဆက်လက်ဖြစ်ပွားနေပါက သူသည် အားကုန်သွားမည်ကို သိသည်ပင်။ထိုသူသည် အဝေးမှတိုက်ခိုက်ရန် ပြောင်းလဲလိုက်သည်။ နောက်ဆုံးတွင် သူသည် ချီမုယောင် အရိုက်ခံရပြီး လဲကျသွားသည်ကို မြင်လိုက်သည်။
"ဟေ့!" ထိုလူသည် ဓားကို ကိုင်ကာ ချဉ်းကပ်လာသည်။
"ကောင်စုတ်၊ မင်း တကယ်ပဲ ငါ့ကို အဲဒီလို ပင်ပန်းအောင် လုပ်နိုင်မယ်လို့ ထင်ခဲ့တာလား။ မင်းရဲ့ ကျင့်ကြံရေးအဆင့်နဲ့ဆိုရင် ငါ မင်းကို လက်တစ်ဖက်တည်းနဲ့ သတ်နိုင်တယ်"
ချီမုယောင်သည် အားနည်းစွာ ထရပ်လိုက်ပြီး ရိုက်နှက်ခံခဲ့ရသော ရင်ဘတ်ကို ပွတ်သပ်လိုက်သည်။ သူ၏ မျက်လုံးများတွင် ကြောက်ရွံ့မှုမရှိဘဲ အေးစက်စွာ ရယ်လိုက်သည်။
"မင်းက သိပ်ပြီး ဉာဏ်မကောင်းတာ ဝမ်းနည်းစရာပဲ"
"ခုထိ ကျိန်ဆဲဖို့ စိတ်ကူးရှိသေးလား။ အဲဒီ မိန်းမက အားဖြည့်ဖို့ အကူတွေကို ဆင့်ခေါ်လိုက်တာ၊ ဒါပေမဲ့ မင်းလို ကောင်ဆိုးလေး ရောက်လာတာေပါ့။ သူက ကယ်တင်ခံရမယ်လို့ ထင်ခဲ့ပုံပဲ။ ရယ်စရာကောင်းလိုက်တာ။ နောက်မှ သူ့ကို အော်ဟစ်အောင် လုပ်မယ်။ ဒါပေမဲ့ မင်းအလှည့်ကအရင်ပဲ။ ယောက်ျားတွေ ဒါမှမဟုတ် မိန်းမတွေ ဘယ်သူက ပိုကောင်းလဲဆိုတာ ငါ စမ်းကြည့်ရမယ်"
သူက သိပ်ပြီး ဒေါသမထွက်တတ်ပေမဲ့ ဒေါသမထွက်တတ်ဘူးလို့ မဆိုလိုဘူးလေ
ဒီအခိုက်အတန့်မှာ သူသည် ရှားရှားပါးပါး ဒေါသထွက်လာခဲ့သည်
ဒီလူက သူတို့ ဟဲဟွမ်းဂိုဏ်းက တပည့်တွေကို လူလို့တောင် မမှတ်ယူဘူး။
သူတို့အားလုံးဟာ နိမ့်ကျတဲ့ သတ္တဝါတွေလို့ပဲ ထင်နေတာကို သူ သဘောပေါက်လိုက်သည်။
ဒေါသမထွက်တတ်တဲ့သူ ဒေါသထွက်လာရင် သူ့ကို စော်ကားတဲ့သူဟာ သင်္ဘော ကျောက်ဆောင်နဲ့ တိုက်မိသလို အဆုံးသတ်ရလိမ့်မယ်။
ချီမုယောင် ခန္ဓာကိုယ် ယိမ်းယိုင်ပြီး ထရပ်လိုက်သည်။ လက်မနဲ့ လက်ညိုးကို စုပြီးမန္တန်ကို သုံးပြီး ဒေါသတကြီး ပြောလိုက်သည်
"နှစ်ဆယ့်လေးပါးသော သတ်ဖြတ်ခြင်း ချူချန်အစီအရင်၊ လာစမ်း!"
ထိုအခါ၊ ပြင်းထန်သော လေများသည် တိုက်ခတ်လာပြီး၊ ထိုလူကို မမြင်နိုင်သော လှောင်အိမ်တစ်ခုကဲ့သို့ ဝိုင်းရံသွားသည်။ သူရဲ့ ခြေအောက်မှ ပုံရိပ်သည် တောက်ပလာကာ၊ စစ်ကြောင်းကို ရှင်းလင်းစွာ ထင်ရှားစေသည်။
ချီမုယောင်သည် အစောပိုင်းတွင် သူ့ကို ချောင်းမြောင်းတိုက်ခိုက်ရန် အပေါက်များကို ရှာဖွေနေရုံသာမက၊ လျှို့ဝှက်စွာ တိုက်စစ်ကိုလည်း တည်ဆောက်နေခဲ့သည်။ သူရဲ့ လိမ္မာပါးနပ်သော လုပ်ရပ်များကြောင့် ထိုလူသည် လုံးဝ မသိရှာပေ။ သူသည် အားကုန်ခံ တိုက်ပွဲဝင်နေသည်ဟုသာ ထင်နေခဲ့သည်။
ထိုလူသည် အစီအရင်ကို သတိပြုမိပြီးနောက် ကြောက်လန့်တုန်လှုပ်သွားသည်။ သူသည် ကြမ်းတမ်းစွာ အားသုံးကာ ထိုအစီအရင်များမှ ရုန်းထွက်ရန် ကြိုးစားခဲ့သည်။
နောက်ဆုံးတွင် ချီမုယောင်၌ ဝိညာဉ်စွမ်းအင် အနည်းငယ်သာ ကျန်တော့သည်။ သူ့ထက် မြင့်သော ကျင့်ကြံရေးအဆင့်ရှိသူကို ထိန်းချုပ်ရန် အလွန်ခက်ခဲသောကြောင့် သူသည်အော်ဟစ်လိုက်သည်။
"လုံချုံကျစ်လာကူညီပါ"
လုံချုံကျစ် သည် အားတင်းကာ ထရပ်ပြီး ထိုလူကို ဖမ်းချုပ်နိုင်ရန် ချီမုယောင်၏ ကိုယ်ခန္ဓာထဲသို့ သူ၏ ဝိညာဉ်စွမ်းအင်ကို ထည့်ပေးလိုက်သည်။
မိစ္စာဂိုဏ်း၏ အထူးတိုက်ကွက်
'ညီညွတ်မှုတိုက်စစ်'
ဒီအစီအရင်သည် သတ်ဖြတ်ရန်အတွက် တည်ဆောက်ထားသော အစီအရင်ဖြစ်ကြောင်း ထိုယောက်ျားက သတိပြုမိသွားသည်။
ဟဲဟွမ်းဂိုဏ်းမှ ဒီတပည့်နှစ်ယောက်သည် သူ၏အသက်ကို လိုချင်နေကြတာပဲ!!
'နှစ်ဆယ့်လေး ချူချန် လူသတ်အစီအရင်' ဟူသောအမည်သည် အလွန်မောက်မာလှသည်။လူတစ်ယောက်ကို သတ်ဖြတ်ခြင်းသည် ဖုန်မှုန့်များကို ဖယ်ရှားခြင်းထက် မပိုဟု ဆိုလိုသကဲ့သို့ပင်။
(ချူချန်အစီအရင် တိုက်ရိုက်ဘာသာပြန်ရင် နှစ်ဆယ့်လေးပါးသော သတ်ဖြတ်ခြင်း ဖုန်မှုန့်ရှင်းလင်းရေး အစီအရင်ပါ)
ထိုလူသည် ချက်ချင်းပင် စိတ်လွတ်သွားသည်။ သူသည် နာမည်ကြီး ဖြောင့်မတ်သော ဂိုဏ်း၏ အခြားတပည့်များထံမှ အကူအညီတောင်းချင်သော်လည်း၊ သူကိုယ်တိုင်က မကောင်းမှုများပြုလုပ်ရန် တိတ်ဆိတ်သောနေရာကို ရွေးချယ်ခဲ့ခြင်းက သူ့ကို အဟန့်အတားဖြစ်စေခဲ့သည်။
သူ၏အသံနှင့် ဝိညာဉ်စွမ်းအင် နှစ်ခုစလုံးသည် အစီအရင်အတွင်း၌ ပိတ်မိနေပြီး လွတ်မြောက်ရန် လမ်းမရှိပေ။
နောက်ဆုံးတွင် သူသည် အရာအားလုံးကို စွန့်လွှတ်ကာ ချီမုယောင်ကို သေစေနိုင်သော တိုက်ခိုက်မှုတစ်ခု ပြုလုပ်ရန် ကြိုးစားခဲ့သည်။ ဤနေရာတွင် တစ်ယောက်တည်း သေဆုံးရမည့်အစား သူ၏ မကောင်းမှုများ ဖော်ထုတ်ခံရခြင်းက ပိုကောင်းသည်။
ရုတ်တရက် သူ၏ ခန္ဓာကိုယ်ရှိ ဝိညာဉ်စွမ်းအင်အားလုံးကို စုစည်းကာ၊ ထိုလူသည် သူ၏ ဒန်ထျန်စွမ်းအင်ကို လောင်ကျွမ်းစေပြီး နောက်ဆုံး တိုက်ခိုက်မှုတစ်ခုတွင် အားလုံးကို လောင်းကြေးထပ်လိုက်သည်။
ဤသည်မှာ မိမိကိုယ်ကို ဖျက်ဆီးခြင်းနှင့် အလွန်ဆင်တူသော မန္တန်တစ်မျိုးဖြစ်သည်။ နှစ်ခုစလုံးကို အလွန်အန္တရာယ်များသော အချိန်များတွင် အသုံးပြုရန် ရည်ရွယ်ထားသည်။
ကိုယ့်အသက်ကို ကာကွယ်ရန် ကိုယ့်ဘာသာကျင့်ကြံခြင်းတစ်ဝက်ကို ဖျက်ဆီးခြင်းဖြစ်သည်။
နောက်ဆုံးတွင် ရှုံးနိမ့်မယ်ဆိုတာ သေချာသော အဓိပ္ပာယ်ဖြစ်သည်။
ချီမုယောင်သည် တဖြည်းဖြည်း အားလျော့လပြီး သူ၏ ပါးစပ်ထောင့်မှ သွေးများ စိမ့်ထွက်လာသည်။
လုံချုံကျစ် သည် အလွန်ပြင်းထန်စွာ ဒဏ်ရာရထားပြီးဖြစ်သည်။ သူ၏ အကောင်းဆုံး ကြိုးစားမှုများပင် ယခုအချိန်တွင် ထိုလူကို ချုပ်တည်းရန် မလုံလောက်တော့ပေ။
ထိုလူ လွတ်မြောက်တော့မည်ကို သိသောအခါ၊ သူ(မ)သည် ဓားကို လက်နှစ်ဖက်ဖြင့် ကိုင်ကာ ချီမုယောင်ကို သေစေနိုင်သော တိုက်ခိုက်မှုတစ်ခု ပြုလုပ်ရန် ပြင်ဆင်နေသည်။
ထိုအချိန်တွင် ကျိုးကျိုးသည် ပျံသန်းတက်သွားပြီး လေထဲတွင် အတောင်များကို ဆန့်ထုတ်လိုက်သည်နှင့် ရုတ်တရက် အသွင်ပြောင်းသွားသည်။
တောက်ပသော ဟွေ့နဂါးလျှံများသည် သူ၏ အတောင်များပေါ်သို့ ကျရောက်လာပြီးတစ်ကိုယ်လုံး မီးလျှံများဖြင့် လွှမ်းခြုံသွားသည်။ အတောင်များကို ခတ်လိုက်တိုင်း မီးပွားများ ကျဆင်းလာသည်ကပင် ကျိုးကျိုးသည်သာမန်ငှက်မဟုတ်ဘဲ ဖီးနစ်ငှက်ဖြစ်ကြောင်း ပြသနေသည်။
ကျိုးကျိုးသည် ထိုလူကို တိုက်ခိုက်လိုက်ပြီး၊ ပတ်ဝန်းကျင်တစ်ခုလုံးကို ဟွေ့နဂါးမီးလျှံများဖြင့် ချက်ချင်း လွှမ်းခြုံသွားသည်။
ဤမီးသည် ငြိမ်းသတ်၍ မရနိုင်ပေ။ ခန္ဓာကိုယ်နှင့် ထိတွေ့မိပါက အစအနပင် ကျန်တော့မည် မဟုတ်ပေ။
ကံမကောင်းစွာဖြင့် ကျိုးကျိုးသည် အခြေခံတည်ဆောက်မှုအဆင့်အထွတ်အထိပ်သို့ ရောက်ရှိနေသော ကျင့်ကြံသူတစ်ဦးကို လုံးဝလောင်ကျွမ်းသွားစေရန် လုံလောက်သော မီးလျှံများ မရှိသော်လည်း၊ သူသည် သေစေနိုင်သော ဒဏ်ရာများစွာကို ရရှိစေနိုင်သည်။
နောက်ဆုံးတွင် ထိုလူသည် အစီအရင်အတွင်း၌ အပြီးအပိုင် ပိတ်မိသွားသည်။ သူ၏ ဝိညာဉ်သုံးပါးနှင့် စိတ်ခြောက်ပါးလုံး ပျက်စီးသွားသောကြောင့် ကြိုးပြတ်သွားသော ရုပ်သေးရုပ်ကဲ့သို့ လဲကျသွားသည်။
သူသည် မသေဆုံးသေးသော်လည်း အတွင်း၌ ဘာမှ မရှိတော့ပေ။
ဖုန်မှုန့်များ တည်ငြိမ်သွားသောအခါ ချီမုယောင်သည် ပူလောင်နေသော ကျိုးကျိုးဆီသို့ အလျင်အမြန် သွားလိုက်ပြီး ဆူလိုက်သည်။
"မင်းကို ဘာမှ မလုပ်နဲ့လို့ ငါမပြောခဲ့ဘူးလား"
ကျိုးကျိုးသည် မူလပုံစံသို့ ပြောင်းလဲသွားခဲ့ပြီဖြစ်သည်။သူသည် ဒေါသတကြီး "ကျိုး!" ဟုတုံ့ပြန်လိုက်သည်။
ချီမုယောင်သည် အနည်းငယ် စိတ်ရှုပ်ထွေးသွားသည်။
"ဟွေနဂါးလျှံကို သုံးနိုင်တဲ့သူ ကမ္ဘာပေါ်မှာ နှစ်ယောက်ပဲရှိတယ်၊ အခု တစ်ယောက်က အပြင်းအထန် ဒဏ်ရာရသွားပြီ။ ဒါ...ဒါ..."
လုံချုံးကျစ်သည် ယိုင်သွားပြီးနောက် ခြေထောက်များ အားမရှိတော့ဘဲ လဲကျသွားသည်။ သူသည် ချီမုယောင်၏ လက်ထဲရှိ ကျိုးကျိုးကိုကြည့်ကာ သက်ပြင်းချလိုက်သည်
"ရှောင်ရှစ်ကော ဒီလို စိတ်ဝင်စားစရာကောင်းတဲ့ ငှက်ကို ဘယ်မှာ တွေ့ခဲ့တာလဲ အဟ်? အစ်ကို ဖီးနစ်ငှက်ကို မွေးမြူနေတာ မဟုတ်လား?"
"ငါက ဟွေနဂါးမီးလျှံတွေကို သုံးပြီး ငါ့ကိုယ်ငါ ဖုံးကွယ်ချင်ခဲ့တာ၊ ဒါပေမဲ့ အခုတော့ ငါ့ကိုယ်ငါ ဖော်ထုတ်လိုက်ရပြီ"
(ယောင်ယောင်က ငှက်လေးဆီ မီးလျှံတွေကိုလွှဲပြောင်းပေးထားပါ)
လုံချုံးကျစ်သည် ပြုံးလိုက်သည်။
"သူက မင်းနဲ့ ငါ့အသက်ကို ကယ်တင်ဖို့ လုပ်ခဲ့တာပဲ။ ဟွေနဂါးမီးလျှံတွေကို သုံးပြီးပြီဆိုတော့၊ အခုကိစ္စကို ဘယ်လို ဖုံးကွယ်ရမလဲဆိုတာပဲ စဉ်းစားရတော့မယ်"
ချီမုယောင် စိတ်ပျက်နေသော်လည်း၊ သူသည် ကျိုးကျိုးကို ဆူပူခြင်း မပြုတော့ပေ။ နောက်ဆုံးတွင် ကျိုးကျိုးသည် သူ့ကို ကယ်တင်ရန် ကြိုးစားခဲ့တာပင်ဖြစ်သည်။
သူသည် လုံချုံးကျစ်ဘေးသို့ အလျင်အမြန် လျှောက်သွားကာ သူ့ကို ကူလိုက်သည်။
" ဒဏ်ရာတွေ ပြင်းထန်လား?"
"အင်း!"
လုံချုံးကျစ်သည် အလွန် စိတ်ဆိုးမာန်ဆိုးဖြင့် အနည်းငယ်ပင် စကားများ ရောထွေးကာ ပြန်ဖြေလိုက်သည်။
"ဒါပေမဲ့ ညီမက ပိုပြီး ဒေါသထွက်တယ်။ အရမ်း စိတ်ကုန်နေပြီ! အဲဒီ မကောင်းတဲ့လူ သေသင့်တယ်။ သူ့မှာ အတံရှိရုံနဲ့ လူတိုင်းက သူ့နဲ့ နှစ်ကိုယ်တူ ကျင့်ကြံချင်မယ်လို့ သူထင်နေတာလား?! ယောက်ျားတွေအားလုံးက ခွေးသားတွေ!"
ချီမုယောင်"......"
"အိုး။ တောင်းပန်ပါတယ်၊ အစ်ကိုကလည်း ယောက်ျားလေးဆိုတာကို ညီမ မကြာခဏ မေ့နေတယ်..."
ချီမုယောင် သက်ပြင်းချလိုက်သည်။ သူ၏ ဟဲဟွမ်းဂိုဏ်းမှ ရှစ်ကျဲများနှင့် ရှစ်မေ့များအားလုံးက သူ့ကို ရှစ်မေ့တစ်ယောက်ဟု ထင်နေပုံရသည်။
ချီမုယောင်သည် သူ့ကို ဆေးအချို့ပေးကာ သူ၏ ပြန်လည်ကောင်းမွန်မှုကို အရှိန်မြှင့်ရန် သူ၏ ဝိညာဉ်စွမ်းအင်အချို့ကို ထည့်သွင်းပေးလိုက်သည်။
"ငါ့နေရာမှာ လှည့်စားမန္တန်တစ်ခု ထားခဲ့လို့ ငါ အမြန်သွားရတော့မယ်။ တတ်နိုင်သလောက် သန့်ရှင်းရေးလုပ်ဖို့ ကြိုးစား ဖြစ်လာသမျှကို ငါ စဉ်းစားပြီး ဖြေရှင်းမယ်။ မကြောက်နဲ့"
"ဟုတ်!
ရှောင်ရှစ်ကောက အရမ်းကြင်နာတတ်တာပဲ...
လုံချုံးကျစ်သည် သူ၏ မျက်ရည်များကို သုတ်လိုက်ပြီးနောက် အလျင်အမြန် ထရပ်ကာ နေရာကို သန့်ရှင်းရေးလုပ်လိုက်သည်။
ထိုအချိန်တွင် ချီမုယောင်သည် ဟဲဟွမ်းဂိုဏ်း၏ ချက်ချင်းရွေ့လျားခြင်း သိုင်းပညာဖြင့် ထွက်ခွာသွားခဲ့သည်
ချီမုယောင်သည် နားနေသည့်နေရာသို့ ပြန်ရောက်သောအခါ၊ သူ ပြန်လှဲအိပ်လိုက်သောကြောင့် သူ ထွက်သွားသည်ကို မည်သူမျှ သတိမထားမိကြပေ။
တိုက်ပွဲအတွင်း ရရှိခဲ့သော ဒဏ်ရာများသည် နာကျင်ဆဲဖြစ်သော်လည်း၊ သူသည် တိတ်တဆိတ်သာ သည်းခံနေရသည်။
ဆင်းရဲခြင်းရဲ့ဆိုးကျိုးက ယခုအချိန်တွင် ထင်ရှားလာတာပဲ......
အခြားတပည့်များက ဆေးတစ်လုံးတည်းဖြင့် ကုသနိုင်သော ဒဏ်ရာများကို သူသည် ခံစားနေရသည်။
နောက်တစ်နေ့...
ယွီယန်ရှုးသည် သူတို့အဖွဲ့ကို ထိုလူသူကင်းမဲ့သော ချိုင့်ဝှမ်းဆီသို့ ခေါ်ဆောင်သွားသည်။ သူတို့ရောက်ရှိချိန်တွင်၊ လူအုပ်ကြီးတစ်အုပ် စုရုံးရောက်ရှိနေပြီဖြစ်ပြီး၊ အားလုံးသည် သတင်းကြား၍ ရောက်လာကြခြင်းဖြစ်သည်။
ထိုနေရာကို ပထမဆုံး ရောက်ရှိလာသူများမှာ ထိုလူနှင့် ဂိုဏ်းတူ တပည့်များဖြစ်သည်။ နံနက်ပိုင်းတွင် သူပျောက်ဆုံးနေသည်ကို သတိပြုမိပြီးနောက် သူ၏ ကျန်ရစ်သော ဝိညာဉ်စွမ်းအင်ကို အသုံးပြုကာ သူ့ကို ခြေရာခံလိုက်ခြင်းဖြစ်သည်။
စူးစမ်းရှာဖွေရေးခရီးစဉ်အတွင်း တပည့်တစ်ဦး၏ ဝိညာဉ်သုံးပါးနှင့် စိတ်ခြောက်ပါး ပျက်စီးသွားခြင်းသည် လူတိုင်းကို အလွန် စိုးရိမ်စေခဲ့ပြီး နောက်ပိုင်းတွင် သူတို့၏ဂိုဏ်းများသို့ ရှင်းပြရန် ခက်ခဲရုံသာမက၊ ယခုမှစ၍ သူတို့၏ခရီးသည် အန္တရာယ်များဖြင့် ပြည့်နှက်နေလိမ့်မည်ဟု ဆိုလိုသည်။
ထို့ကြောင့်၊ သူတို့သည် အသံလွှင့်စာရွက်များကို အခြားအဖွဲ့ခေါင်းဆောင်များထံ ပေးပို့ကာ၊ လူတိုင်း ဆွေးနွေးမှုတွင် ပါဝင်နိုင်ပြီး အကြံဉာဏ်များ အတူတကွ ထုတ်ဖော်နိုင်စေရန် ဖြစ်သည်။
ဤနေရာတွင် စုရုံးရောက်ရှိနေသော တပည့်များသည် စကားပြောနေကြသည်ပင်
"ဒါက ချင်းကျယ်ဂိုဏ်းက တစ်ယောက်ယောက် ဖြစ်ရမယ်။ ဒီ ဟွေ့နဂါးမီးလျှံတွေကို သုံးနိုင်တဲ့သူ ကမ္ဘာပေါ်မှာ တခြားဘယ်သူရှိဦးမလဲ?"
"အဲဒီ မိစ္စာဂိုဏ်းသားတွေ တကယ်ကို မကောင်းကြဘူး။ အခုလျှို့ဝှက်ပြီး လူတွေကို ဒုက္ခပေးနေကြတာ... နောက်ပိုင်း ဘာတွေ လုပ်ကြမလဲဆိုတာ စဉ်းစားကြည့်ပါဦး"
"ငါတို့ အခုချက်ချင်း ချင်းကျယ်ဂိုဏ်းကလူတွေကို ခေါ်ထုတ်ပြီး အသေအကြေ တိုက်ခိုက်ကြတာ ဘာလို့ မလုပ်ကြတာလဲ? မဟုတ်ရင် ငါတို့ နောက်ကျောမလုံပဲအမြဲ စောင့်ကြည့်နေရလိမ့်မယ်"
ချီမုယောင်သည် စိုးရိမ်ပူပန်မှုကြောင့် အလွန် ခက်ခဲနေခဲ့သည်။ ရှီးဟွိုင်အတွက် ပြဿနာဖြစ်စေခဲ့ကြောင်း သိသဖြင့် သူသည် သူ၏ အင်္ကျီလက်ကို ဆက်တိုက် ဆော့ကစား လုံးချေနေခဲ့သည်။
တကယ်တော့ ဘာအစီအစဉ်မှ မရှိခဲ့ေပ။ သူသည် မနေ့က လုံချုံးကျစ်ကို နှစ်သိမ့်ရန်သာ ကြိုးစားတာပင်
ယခုအချိန်တွင် သူသည် ရှေ့သို့တက်ကာ သူသည် တရားခံဖြစ်ကြောင်း လူတိုင်းကို ပြောပြရန်ပင် စဉ်းစားနေသည်။ သူတို့သည် ကျိုးကျိုးကို မြင်ပါက ဘာမှ ပြောနိုင်မည် မဟုတ်ပေ။
ထို့နောက် သူတို့ သူ့(ချီမုေယာင်)ကို ဘာလုပ်လုပ် ချီမုယောင် ဂရုမစိုက်ပေ။ မည်သို့ပင်ဖြစ်စေ၊ သူသည် သူ၏ ရှစ်မေ့ကို ကယ်တင်ခဲ့သည့်အတွက် နောင်တမရပေ။
သူထိတ်လန့်တုန်လှုပ်နေချိန်တွင် ရှီးဟွိုင်၏ အဖွဲ့သည် ကောင်းကင်မှ သူတို့၏ ပျံသန်းနိုင်သော လက်နက်များဖြင့် ဆင်းသက်လာခဲ့ သည်။
ဒီသုံးယောက်ဟာ ဘယ်အချိန်ပဲ ပေါ်လာပေါ်လာ အမြဲတမ်း အားကောင်းတဲ့ အရှိန်အဝါနဲ့ပင်။ ဒီတစ်ခါ သူတို့သုံးတဲ့ ပျံသန်းနိုင်တဲ့ မှော်ပစ္စည်းက အရမ်းမြန်ဆန်လွန်းလို့ လေထဲမှာ လူးလွန့်နေတဲ့ တိမ်တိုက်တွေရဲ့ လှိုင်းလုံးကြီးတစ်ခုကိုတောင် ဖြစ်ပေါ်စေခဲ့ပြီး ခဏကြာမှ ပျောက်ကွယ်သွားတယ်။
ရှီးဟွိုင်သည် ပျံသန်းနိုင်သော ဝိညာဉ်လက်နက်မှ ခုန်ဆင်းလိုက်သည်နှင့် သူ၏ အဝတ်အစားနှင့် ဆံပင်များသည် လေတွင် တလူလူလွင့်နေပြီး ကခုန်နေသကဲ့သို့ ဖြစ်နေသည်။ သူ၏ နက်မှောင်သော အနီရောင် အပြင်ဝတ်ရုံသည် ထူးဆန်းပြီး သွေးရောင်ခြယ်ထားသော အလှကို ထုတ်လွှတ်ကာ ရိုင်းစိုင်းစွာ ပွင့်လန်းနေသော ပန်းတစ်ပွင့်ကဲ့သို့ ထင်ရစေသည်။
ထိုသုံးဦးသည် မြေပြင်ပေါ်တွင် ပျက်စီးနေသော ပတ်ဝန်းကျင်ကိုလည်း မြင်တွေ့ခဲ့ပြီးတပည့်များအားလုံးသည်လည်း သူတို့နှင့် အသေအကြေ တိုက်ခိုက်ရန် ရည်ရွယ်ထားသည့်အလား ဓားများကို ဆွဲထုတ်ထားသည်ကိုလည်း သတိပြုမိကြသည်။
ရှီးဟွိုင်သည် ပတ်ဝန်းကျင်ကိုသာ စစ်ဆေးနေပြီး သူတို့အားလုံးကို အရေးမလုပ်ပေ။
ဒဏ်ရာရသူ၏ ခန္ဓာကိုယ်ပေါ်ရှိ မီးလောင်ရာများသည် ဟွေ့နဂါးမီးလျှံများကြောင့် ဖြစ်သည်မှာ ထင်ရှားပြီး၊ နေရာအနှံ့တွင် ဖုံးကွယ်ရန် ကြိုးစားခဲ့သည့် အစအနများလည်း ရှိနေသည်
ဒါပေမဲ့ ဒဏ်ရာတွေကနေ သိနိုင်တဲ့ နောက်ထပ်အချက်တစ်ချက်ကတော့ အရင်က အစီအရင်တစ်ခုကို အသုံးပြုခဲ့တာပဲ
ဆုန်းဝေရွဲ့သည် ဟွေ့နဂါးလျှံများ၏ အစအနများကို မြင်သောအခါ ရုတ်တရက် ဝမ်းသာသွားသည်။
"နောက်ဆုံးတော့ သဲလွန်စရပြီပဲ! ကျုံးဆစ်ချန်၊ ဒီခရီးစဉ်အတွက် တက်ရောက်သူစာရင်းကို မှတ်မိလား! သူလည်း အဲဒီထဲက တစ်ယောက်ပဲ!"
ကျုံးစစ်ချန်လည်း စိတ်လှုပ်ရှားစွာ ခေါင်းညိတ်လိုက်ပြီး သူ၏ ဝမ်းသာမှုသည် မျက်နှာပေါ်တွင် အတိုင်းအဆမဲ့ ထင်ဟပ်နေသည်။
နှစ်နှစ်ကျော်ကြာ ရှာဖွေပြီးတဲ့နောက်မှာတော့ သူတို့သုံးယောက်ကစွပ်စွဲခံရပြီးမှ အခုလို အရိပ်အမြွက်တစ်ခုကို တွေ့ခဲ့ရတာ။ သူတို့သုံးယောက်လုံးရဲ့ မျက်နှာမှာ တောက်ပတဲ့ အပြုံးတွေ ဝေဆာနေတာပင်
အခြားတပည့်များသည် ထိုအပြုအမူကို အလွန်ရွံရှာအမုန်းပွား နေကြသည်။ သူတို့၏ တပည့်တစ်ဦး ဆုံးရှုံးခဲ့ရပြီး၊ တစ်ညတည်းနှင့် လူမမာတစ်ဦး ဖြစ်သွားခဲ့တာပင်
သို့သော် ဒီနတ်ဆိုးဂိုဏ်းမှ တပည့်သုံးဦးသည် ဒီဟာကို မြင်ပြီးနောက် ပြုံးနေကြတယ်ပေါ့?!
လူတိုင်း ဒေါသထွက်ကာ ထိုသုံးဦးကို စိုက်ကြည့်နေကြသည်။
နောက်ထပ် ရွှေအဆင့် ကျင့်ကြံသူတစ်ဦးက မေးခွန်းထုတ်လိုက်သည်
"ရှီးဟွိုင်၊ ဒါ မင်းလုပ်တာမဟုတ်လား?"
ရှီးဟွိုင်သည် အားကျိုရဲ့ သဲလွန်စကို နောက်ဆုံးတွင် တွေ့ရှိခဲ့သည့်အတွက် ဝမ်းမြောက်နေဆဲဖြစ်သည်။ စိတ်ကောင်းဝင်နေသောကြောင့် သူသည် မော့ကြည့်ကာ ချက်ချင်း ဝန်ခံလိုက်သည်
"ဟုတ်တယ် ငါ လုပ်တာပဲ"
"မင်း ဘာလို့ ရုတ်တရက် လူတစ်ယောက်ကို နာကျင်စေခဲ့တာလဲ? အနည်းဆုံး ရှင်းပြချက်တော့ ပေးသင့်တယ် မဟုတ်လား?"
ရှီးဟွိုင်တကယ်တမ်း စဉ်းစားလိုက်တယ်..
သူ ဘယ်လို အကြောင်းပြချက် ပေးသင့်လဲ!
ခဏအကြာတွင် သူပြန်ဖြေလိုက်သည်
"သူ့ကိုမြင်ရတာ ငါ့ကို စိတ်အနှောင့်အယှက်ဖြစ်လို့ လေ"
ဤအဖြေသည် အခြားတစ်ဘက်ကို ပို၍ပင် ဒေါသထွက်စေပြီး တစ်ယောက်က အော်လိုက် လေသည်
"မင်းက အဲဒီလို ရယ်စရာကောင်းတဲ့ အကြောင်းပြချက်နဲ့ လူတစ်ယောက်ကို နာကျင်စေခဲ့တာလား!!"
ရှီးဟွိုင်သည် မေးစေ့ကို အနည်းငယ် မော့ကာ မေးသောသူကို မထီမဲ့မြင်စွာ ကြည့်လိုက်သည်။
"ငါ လူတစ်ယောက်ကို နာကျင်စေတာ ဘာဖြစ်လဲ? မင်းရဲ့ ခွင့်ပြုချက် တောင်းဖို့ လိုသေးလား? မင်းတို့ ဒါကို မကြိုက်ဘူးဆိုရင် ငါ့ကို ရှာပြီး သူ့အတွက် လက်စားချေလိုက်။ မင်းတို့မှာ အင်အားရှိရင် ငါ့ဂိုဏ်းတစ်ခုလုံးကို ဖျက်ဆီးပစ်လေ ငါ စောင့်နေမယ်"
ထိုအခါ၊ နက်မှောင်သော နဂါးတစ်ကောင်သည် မိုးကောင်းကင်မှ အောက်သို့ ပတ်ချာလည်ကာ ဟိန်းဟောက်လိုက်သည်။ ကြီးမားသော နဂါးခေါင်းသည် မီးတောက်နေသော အနီရောင် တိမ်တိုက်များမှ ထွက်ပေါ်လာပြီး အောက်တွင်ရှိသော တပည့်များစွာကို ကြည့်ရှု လေသည်။
ရှီးဟွိုင်သည် ဟွေ့ရှေ့တွင် မားမားမတ်မတ် ရပ်နေပြီး လက်တစ်ဖက်ဖြင့် ဟွေ့ ခေါင်းကို ပွတ်သပ် နေကာ အလွန်သတ္တိရှိပုံပေါ်သည်။
မနက်စောစောပင် ရှိသေးသည်။ လူသူကင်းမဲ့သော ချိုင့်ဝှမ်းတွင် မီးခိုးများနှင့် မြူခိုးများ ဝဲပျံနေသည်။
ဟွေ့၏ ပေါ်ထွက်လာခြင်းသည် တောင်များကိုပင် တုန်လှုပ်စေခဲ့သည်။ မြူခိုးများကြားတွင် မောက်မာပြီးရိုင်းစိုင်းသော ယောက်ျားတစ်ဦးနှင့် ကြီးမားပြီး ခရုပတ်ပုံစံ နဂါးတစ်ကောင် ရပ်နေသည်။
ထူထပ်ပြီး ပြင်းထန်သော သတ်ဖြတ်လိုသော စိတ်ဆန္ဒကို ဖုံးကွယ်ရန် မြူခိုးပင် မလုံလောက်ပေ။
AN
ရှီးဟွိုင် - အားကျိုကြိုက်တာလုပ် အကုန်ကိုယ်ရှင်းပေးမယ်😎
ယောင်ယောင်က ဟွေ့နဂါးမီးတောက်ကို
ကျိုးကျိုးဆီ လွှဲပေးလိုက်လို့ ယောင်ယောင်ဆီမှာ ဟွေ့နဂါးမီးတောက် အရှိန်အဝါမရှိတာပါ
အဲ့တာကြောင့် ကျိုးကျိုးက ရှီးဟွိုင်ကို အဖေ လို့ခေါ်တာ 😚
မိန်းမက ဘယ်လိုပုံလဲတောင် မမြင်ဖူးသေးဘူး ကလေးကရနေပြီ