First And Forever (COMPLETED)

PHEEM'S P.O.V

Pagkahinto ng kotse ay agad kong tinanggal ang pagkakasuot sa akin ng seatbelt. Pagkakuha ko ng bag ko ay napadako ang tingin ko kay Noryan kasi tinanggal niya rin ang seatbelt niya saka binuksan ang pinto at lumabas. Sinundan ko siya ng tingin hanggang sa marating niya ang nasa side kong pinto na binuksan niya.

Lumabas ako ng kotse. Pagkalabas ko ay isinara niya ang pinto at hinawakan niya ang kamay ko ang tinangay ako papasok sa loob ng hotel na aking papasukin.

Naiiling na napangiti na lang ako at hinayaan siyang ihatid ako hanggang sa pupuntahan ko.

Pagkatapos naming maihatid si Prescious ay ako naman ang hinatid niya rito. Niyaya kasi ako ni Narlyn na mag-attend sa isang tea party. Day off niya kasi sa hospital kaya naisipan niyang magdalo sa isang tea party at dinamay pa ako.

Pagkabukas ng elevator ay pumasok kaming dalawa. Hindi ko pa nasasabi ang floor na pupuntahan ko ay napindot na niya ito. Mukhang alam niya kung saan ako pupunta.

Ilang minuto ang lumipas, bumukas ang pinto ng elevator. Mayr'ong mga pumasok din. Marami sila kaya napaatras ako. Sandali pa ay mayr'on ulit na sumakay kaya mas dumami ang taong nasa loob ng elevator.

Hinawakan ni Noryan ang baywang ko at walang hirap na inilagay niya ako sa kaniyang likuran at siya ang nasa harapan ko. Nakadikit na ang likod ko sa wall ng elevator. Iyong isang kamay niya ay nakatukod sa wall. He's protecting me from the crowds. Inihawak ko rin ang kamay ko sa baywang niya saka ningitian ko siya.

Natawa ako kasi nagawa niya pang magnakaw ng halik sa akin. Habang naghihintay kami na marating namin ang top floor. Unti-unti ring nababawasan ang mga tao hanggang sa kami na lang ulit ang natira.

At sa wakas! Narating na rin namin ang top floor. Magkahawak kamay kaming lumabas hanggang sa marating namin ang isang pinto. Tumigil kami sa tapat nito. Tumungo ako sa kaniyang harapan.

"We're here," ani ko,

"Call me if something happen." saad niya,

I nodded.

"And you don't have to worry about our little princess. Ako na magsusundo sa kaniya. Just enjoy your staying here." dagdag niya pa.

"Noted," tugon ko.

Hinalikan niya ang aking noo na ikinangiti ko.

"Go inside first," utos niya.

Humarap ako sa pinto. Pinagbuksan ako ng pinto ng dalawang guard na nagbabantay. Muli akong lumingon kay Noryan. Nakangiting kinawayan niya ako. Muli akong humarap sa papasukin ko pero tumigil din kaagad ako. Pagkatapos ay mabilis akong tumakbo pabalik sa kaniya at hinalikan siya sa labi sabay takbo papasok sa loob.

Paglingon ko ulit sa pinto ay nakasara na ito kaya hindi ko na siya ulit nakita pa. Bumaling ako sa mga taong narito. Ang sabi sa akin ni Narlyn isang simpleng Tea Party lang ito pero bakit ang daming mga narito?

Speaking of witch!

Nasaan ba ang babaeng 'yon?

"Sister-in-law," Isang boses ang siyang tumawag sa akin at walang iba kun'di si Narlyn.

Malakas iyong pagkakatawag niya sa akin kaya halos lahat ay napabaling sa aking kinaroroonan.

"Kailangan talaga isigaw ang pagtawag sa akin?" ani ko,

Humagikhik lang siya ng tawa.

"Where's Kuya?" tanong niya pagkahatak niya sa akin saka pinaupo niya ako with a circle of her friends.