?????????????????

အခန်း ( ၂၆ ) - 「မင်းဘေးမှာရှိတဲ့လူကို ပြင်းရှရှအနမ်းပေးပါ။」

****

​KTVခန်းဝယ်။

ယွိဖန်ဟာ မျက်နှာသေဖြင့် ဆိုဖာပေါ်မှာထိုင်နေပြီး တီဗွီစခရင်ပေါ်က Jay Chou​၏ မျက်နှာကို စိုက်ကြည့်ကာ စိတ်ထဲကနေဗွီိဒီယိုကို ဝေဖန်နေခဲ့သည်။

အရက်သောက်လိုက်၍ တုံ့ပြန်နိုင်စွမ်းတွေ နှေးကွေးကုန်တာဖြစ်မည်​။ သူဟာ ချန်ကျင်ရှန်း​၏လက်ကို သူ့လက်မရုတ်သည့်တိုင် ဖယ်မထုတ်နိုင်ခဲ့ပါချေ။

ဝမ်လုအန်းက အခန်းဘိုကင်လုပ်တာနောက်ကျသဖြင့် အခန်းလတ်ကိုသာ ရ​၏။ ဆိုဖာပေါ်တွင် လူတွေနှင့်ပြည့်နှက်နေပြီး ၊ယောက်ျားလေး ငါးယောက်၊ခြောက်ယောက်က မတ်တပ်ရပ်ကာ အသက်ဝင်နေ​ခဲ့သည်။

ယွိဖန်​၏ ဘယ်ဘက်မှာထိုင်သည့်မိန်းကလေးက စကတ်တိုဝတ်ထားတာကြောင့် မတော်တဆ ထိမိမှာကို ရှောင်ရန် သူ့အဖို့တခြားတစ်ဖက်ကို အနည်းငယ် ယိမ်းထားရုံသာ။

မည်မျှကြာသွားသည်မသိ၊ သူဟာ အနောက်က တစ်စုံတစ်ခုနှင့် တိုက်မိသွားသဖြင့် ယွိဖန် သည်းမခံနိုင်တော့ပါဘဲ သူ့ဘေးကလူကို တံတောင်ဖြင့်တွတ်လိုက်တော့သည် : " ဒီကို ကျောင်းလွယ်အိတ်ယူလာပြီး ဘာလုပ်တာလဲ ？ "

" ငါ အခုတင် စာကြည့်တိုက်သွားခဲ့လို့ " ချန်ကျင်ရှန်းက ကျောင်းလွယ်အိတ်ကို ကောက်၍ သူ့ပေါင်ပေါ်တင်ကာ လက်တစ်ဖက်နှင့်ကိုင်ထားလေသည်။ " ဒါဆိုပိုကောင်းသွားပြီလား ？ "

"......"

ယွိဖန်က သူ့ကျောင်းလွယ်အိတ်ကို အမူအရာမဲ့စွာ ကောက်လိုက်ပြီး ဆိုဖာနောက်က ထိုင်ခုံပေါ်ကို တင်ပေးလိုက်​၏။

ထို့နောက်မှာတော့ သူဟာ မတ်မတ်ထိုင်လျက် Jay Chouကိုသာ ဆက်ကြည့်နေခဲ့သည်။

အန်စာ နောက်တစ်ပွဲရှုံးပြီးနောက်၊ ဝမ်လုအန်းဟာ ဝိုင်ကို တစ်ကျိူက်တည်းမော့က ဖန်ခွက်ကို ချပြီး လှည့်ကြည့်လာသည်: " ရွှယ်ပါ့ ကြိုဆိုပါတယ်​​။ မင်း ဘယ်သီချင်းဆိုချင်လဲ ？ ငါကူရွေးပေးမယ်လေ "