Never let You Go

Chapter 2

Unwilling Team-Up

Kinabukasan, bumalik ako sa school na parang walang nangyaring crash course in disaster kahapon. Hindi ko na inisip si Lev. Hindi siya worth ng brain cells ko.

Kasama ko si Flor habang naglalakad kami sa hallway. Napansin kong may kakaibang energy parang lahat either excited o kinakabahan.

“Anong  meron?” tanong ko, habang sinisipat ang mga nagkakagulo sa corridor.

“Narinig ko sa seniors,” sabay hinga muna si Flor bago humigop ng juice, “may bagong group project daw si Ma’am Reyes. Tapos, random pairing nanaman.”

“Random?” Umirap ako. “Akala ko ba natuto na siya nung huling beses? Ang gulo kaya nun. Yung isa kong classmate, halos siya lang gumawa buong report!”

“True,” sabay tango ni Flor. “Pero alam mo naman si Ma’am, fan ng ‘destiny’ sa academics.”

“Destiny my—” Hindi ko na tinapos, kasi pumasok na kami sa classroom at andoon na si Ma’am Reyes, mukhang seryoso habang inaayos ang mga papel.

Ang klase? Parang palengke. Lahat may hinala na kung sino ang makakagrupo nila.

“Good morning, class!” bungad ni Ma’am, habang pinapakalma ang ingay.

“As part of our Literature requirement, we’ll be doing a creative writing project short story with a moral lesson. Pero… ako ang pipili ng kapareha niyo.”

Literal na collective groan ang narinig sa buong klase. Parang sabay-sabay kaming binagsakan ng langit at lupa.

Please, kahit si Flor. O kahit si Janine. Huwag lang yung taong hindi marunong makisama at higit sa lahat tamad.

Nagsimula nang magbasa si Ma’am ng mga pangalan.

“Janine Santos and Marco Cruz.”

Napatingin ako kay Janine na parang nanalo sa raffle. Kumaway pa sa akin. Gag*talaga nito sarap sabunutan.

“Josh Montessori and Kianna Gonzalez... Drake Mendoza and Christine Rose Sual…”

Sunod-sunod ang pagbasa, hanggang dalawa na lang kami ni Flor ang walang partner.

Please. Please si Flor na lang.

“Florence Mendoza and Kyle Hernandez.”

Napaluhod ako sa loob-loob ko. Hindi literal, pero emotionally? Sads.

Si Kyle pa talaga, Flor? Crush niya‘yun ‘di ba?

Napatingin ako sa kanya. Mukha siyang kinikilig na confused kung matutuwa siya o maaawa sa akin. Pero alam kong mas nangingibabaw ang kilig.

“At last pair, Cadence Haven Castillo and…” drumroll please

“…Lennox Zayden Vernon  Montreal.”

Tangina naman na buhay  seriously!!!

Para akong binuhusan ng buong ice bucket ng marinig ang kung sino ang kapareha ko. Napatigil ang buong mundo sa paligid ko. Ang mga sulyap ng mga kaklase ko?

Napatingin ako kay Lev sa dulo ng classroom. Nakakunot noo siya. Obvious na hindi rin siya masaya.

Perfect. Pareho kaming ayaw.

Tumikhim si Ma’am. “This project will last for a month. Every week may draft submission. Be creative, and make sure your story has depth and a strong moral lesson.”