???????????????

၅ နှစ်ကြာပြီးနောက်

အချိန်တွေပြောင်း ရာသီတွေအလီလီပြောင်းခဲ့တာ အခုဆို ရှင်နှောင်းငယ်ဟာ အသက်၃၀ကေျာ်လာခဲ့ပြီး မောင်ဟာအခုမှအရွယ်ကောင်းလေးဖြစ်နေဆဲပေါ့

အခုလည်းအလုပ်ကပြန်မရောက်သေးတဲ့မောင့်ကိုဖွယ်ဖွယ်ရာရာချက်ပြုတ်ပြီး ရှင်နှောင်းငယ်စောင့်နေခဲ့သည်။

ညနေငါးနာရီထိုးရင် ဘယ်ကိုရောက်ရောက်မောင်ဟာ အိမ်ကိုရောက်အောင်ပြန်ရောက်အောင်လာဆဲပင်

ကလေးတွေကတော့ သူ့အဖိုးအဖွားတွေဆီမှာတစ်လှည့်စီနေရင်း တစ်ခါတစ်လေမှမောင်နဲ့နှောင်းရဲ့သီးသန့်အိမ်လေးကိုရောက်ဖြစ်သည်။ ဒါကိုပဲမောင်ကသိပ်ကျေနပ်လျက်နဲ့ပေါ့

တစ်ဖြည်းဖြည်းဇရာထောင်းလာတဲ့နှောင်းကို မောင်ဟာဘယ်အချိန်မှငြိုငြင်မှူမပြခဲ့ပေ ရှင်နှောင်းငယ်အတွက်တော့မောင်ဟာအရာရာဆိုတာထက်ပိုပါသည်။

" နှောင်း "

လူကအိမ်ထဲမရောက်သေးဘူး အသံအရင်ကြားသည်။ ဘယ်လောက်ပြောပြောမောင်ဟာအခုထိကလေးဆန်နေဆဲ

" မောင် နှောင်းကမီးဖိုချောင်မှာ "

" ဒီမှာအရှုပ်ထုတ်တွေပါတယ် "

" မောင်.... ကလေးတွေကိုဘယ်လိုပြောလိုက်တာလဲ "

နှောင်းကညူးညူးစူးစူးလေးပြောတော့ မောင်ဟာအနားကိုအမြန်ရောက်လာပြီး နှောင်းရဲ့ပါးကိုမွှေးကြူးရင်း အသံတိတ်ချော့မြူနေပါလေသည်။ နှောင်းခါးသွယ်သွယ်လေးကိုလည်းဖက်ထားဖို့မမေ့

" မောင်က ချစ်စနိုးနဲ့ပြောတာပါကွာ.... နှောင်းမကြိုက်ရင်မောင်မပြောတော့ပါဘူး....နော်..... မျက်စောင်းကြီးနဲ့မကြည့်ပါနဲ့ကွာ ဒီမောင်ရင်တွေနာရအောင်လို့ "

နှောင်းကဘယ်စိတ်နဲ့မှတင်းခံထားလျက်ပါမလည်း ပြုံးလျက်မောင်ကိုကြည့်ရင်း

" ရေချိုးပြီးဆင်းလာခဲ့ "

" ေနှာင်းကမောင်နဲ့အတူမလိုက်ဘူးလား"

" ကလေးတွေရှိတယ်လေ မောင်ရယ် "

" ကိုသိန်းနဲ့ထွေးလေးရှိပါတယ်ကွာ လာပါ..
နှောင်းမှရေမချိုးပေးရင် မောင်ရေမချိုးချင်တော့ဘူးနော် "