အချိန်မှာကား ည၉နာရီဖြစ်နေပါသော်လည်း ဟန်ဘင်းမှာ ယခုထိ အလုပ်စားပွဲကနေ ဖင်မကြွရသေးပေ။ ထိုနေရာမှာ ထိုင်လာခဲ့တာ ညနေ၅နာရီ အစည်းအဝေးပြီးကတည်းကပင် ဖြစ်သည်။ ဒါကြောင့်မို့ ကုမ္ပဏီသွားဖို့ဆိုရင် ဆောင်းဟန်ဘင်းတို့ တအားတွန့်ဆုတ်နေတာ။ ဘာဘဲဖြစ်ဖြစ်ပါ ဟာအို့ပါးဖောင်းဖောင်းလေးကို နမ်းခဲ့ပြီးကတည်းက သူ့မှာ အားအင်အပြည့်ရှိခဲ့တာပင်။ ဒီတော့ ဒီလောက်အလုပ်တွေမနည်းမနောကိုလုပ်ရလည်း ဘာမှမဖြစ်ပါဘူး လုပ်နိုင်ပါတယ် ဟင်းဟင်း။
"ဟော ဟန်ဘင်း မပြန်သေးဘူးလား၊ ငါကပြန်သွားပြီတောင် မှတ်နေတာ"
CEOရုံးခန်းတံခါးအား သူ့အိမ်က တံခါးအတိုင်းအားကြီးနဲ့ ဆောင့်တွန်းဖွင့်ပြီး ဝင်လာတဲ့ သူ၏ အတွင်းရေးမှူး ဂျီဝန်းဟျောင်းကြောင့် ဟန်ဘင်းရင်လေးမိသည်။ ဘယ့်နှယ် သူတောင် ရုံးကရှိတဲ့ ပစ္စည်းတွေကို အသာအယာလေးကိုင် အသာအယာလေးလုပ်တာကို သူ့ဟျောင်းကတော့ အသာယာမကိုင်ပါဘဲ အကြမ်းပတမ်းနဲ့။ ဒါကြောင့်လည်း လူပျိုကြီး ဖြစ်နေတာ။
"ဟျောင်းရယ် ဖြည်းဖြည်းသက်သာ ဖွင့်ဝင်ပါဗျာ၊ အဲ့တံခါးသာ ပျက်စီးသွားရင် အသစ်ဝယ်ဖို့က အများကြီး ကုန်မှာဗျ"
"အေးပါကွာ ငါလည်း အားနည်းနည်းလေးပါသွားလို့ပါဟ"
အားနည်းနည်းလေးမို့လို့သာပေါ့ အားများများသာဆို တံခါးနဲ့အတူ ဟန်ဘင်းပါ လွင့်ထွက်သွားမလားဘဲ။ ဒါပေမယ့်လေ သိလား ဂျီဝန်းဟျောင်းလို ဗလတောင့်တောင့်ကြီးရှိတာလည်း တကယ်မဆိုးဘူး။ ချစ်သူရှိရင် ခါးလေးကိုကိုင်ပြီး မွေ့ရမ်းလို့ရတယ်။ မဖြစ်သေးဘူး သူလည်း ဂျီဝန်းဟျောင်းလို ကြက်ဥအကြီးကြီးရအောင် gymဆော့ပြီး ဟာအို့ခါးသေးသေးလေးကိုကိုင်ပြီ လေပေါ်မြှောက်ပစ်မယ်။ ဟိဟိ အတွေးနဲ့တင် ပျော်စရာကောင်းနေပြီ။
"ညရောက်ပြီဆိုတော့ ဆောင်းဟန်ဘင်းတစ်ယောက် ဝက်ရူးပြန်နေပြီထင်ပါ့"
"ဟ ဂျီဝန်းဟျောင်း လစာအဖြတ်ခံချင်နေတာလား"
စာရင်းစာရွက်ကိုကြည့်ပြီး ဂျီဝန်းကို replyမပြန်ဘာမပြန်နဲ့ ပြုံးစိပြုံးစိလုပ်နေတဲ့ ဆောင်းဟန်ဘင်းအား အမြင်ကပ်ကပ်နဲ့ ပြောလိုက်တော့ ဘာတဲ့ လစာအဖြတ်ခံချင်လို့လားတဲ့။ အမလေး ကင်မ်ဂျီဝန်းကလည်း သူဌေးသားပါနော်။ အဖေဖြစ်သူရဲ့ လုပ်ငန်းတွေကို လုပ်ဖို့ပျင်းနေသေးလို့ CEOကြိုဖြစ်နေတဲ့ ဆောင်းဟန်ဘင်းဆီမှာ အတွင်းရေးမှူးလုပ်ရင် အေးဆေးများနေရမလားဆိုပြီး လာလုပ်ပါတယ်။ အလုပ်မှန်သမျှ ဆောင်းဟန်ဘင်း ခေါင်းပေါ်မကျဘဲ ဂျီဝန်းခေါင်းပေါ်ပဲပုံကျနေတာ။
YOU ARE READING
A Second Chance for Love~???~
FanfictionZhanghao's like, 'Love again isn't a must after a breakup.' And Sung Hanbin just sitting here like, 'Nah, gotta keep that heart game strong.' Sung Hanbin + Zhanghao
