“ ကဲ ပြောပါဦး အစအဆုံးလေး ရှင်းပြပါဦး “
ဒါဟာပထမဆုံးအကြိမ်လည်းမဟုတ်။
ထိုမတိုင်ခင်မှာလည်း သမီးရှင်တွေကိုယ်တိုင်ကသဘောကျနှစ်သက်ခဲ့လို့ လူကြီးချင်းတွေ့ဆုံကြချိန်မှာလည်း လက်မခံနိုင်တဲ့အပြုအမူတွေကြောင့် နှစ်ဖက်လုံး မျက်စိမျက်နှာပျက်ခဲ့ရတယ်။
တိုက်ဆိုင်မှုတစ်ခုအနေနဲ့ မေ့မေ့ပျောက်ပျောက်ရှိခဲ့ပေမယ့် ဒုတိယအကြိမ်မှာလည်း ထိုနည်းတူပင်။
“ဘာကိုလဲ ဒေါ်လေး “
“ဒါနဲ့ဆို ဘယ်နှယောက်ရှိပြီလဲ
ဘယ်နှခါရှိပြီလဲ ခမ်းနား..မင်း
တခြားမိသားစုတွေနဲ့ မဝင်ဆန့်ချင်ဘူး
ဆိုရင်တောင် သိမ့်တို့က ဒေါ်လေးတို့နဲ့ ဆွေမျိုးရင်းချာနေလာခဲ့တဲ့ မိသားစုတွေ"
"သမီးလေးနရီချိုဆိုတာလည်း ခေတ်ပေါ်
ကလက်တတ်တတ်ဆန်တဲ့ မိန်းကလေးမျိုးလည်း မဟုတ်...သားအနေနဲ့ မလုပ်ခဲ့သင့်ဘူး"
လေသံကတည်ငြိမ်နေပေမယ့် ဒေါသရိပ်တွေပါလာတာကြောင့် သူ့အနေနဲ့ငြင်းဆန်မယ့်အစား မသိကျိုးကျွံသာပြုနေလိုက်သည်။
“ဒေါ်လေးဘာပြောလဲနားမလည်ဘူး "
သူမဟုတ်သလိုပင် ပြုမူနေတသည့်တူဖြစ်သူ ခမ်းနားစည်းစိမ်ကိုကြည့်လျက် ဒေါသအစား သက်ပြင်းတို့သာ အကြိမ်ကြိမ်ချလိုက်ပါသည်။
တစ်နေ့သောမနက်ခင်းလေးမှာပေါ့။
ဆောင်းလယ်ကာလဖြစ်လို့ ပတ်ဝန်းကျင်မှာမြူနှင်းတွေနဲ့ဖုံးပိတ်ပြီးတိတ်ဆိတ်နေတဲ့အချိန် ခြံရှေ့က
လူခေါ်ဘဲလ်သံက ထွက်ပေါ်လာတယ်။။
ထိုမတိုင်ခင်ထဲက နိုးနေတဲ့ သူမလည်း ဆင်းသွားခဲ့ပြီးနောက်က တွေ့လိုက်ရတာက အနှီးထုပ်လေးနဲ့ မွေးခါစ ကလေးလေးနှစ်ယောက်။
ပြီးတော့ သူတို့လေးတွေကို ပွေ့ချီရင်း ချမ်းခိုင်တုန်နေတဲ့ အသက်နှစ်ဆယ်ကျော်အရွယ် ကောင်ငယ်လေးတစ်ဦး။
သိလိုက်ရတာက သူတို့လေးတွေဟာ အနှစ်နှစ် အလလ အဆက်အသွယ်ပြတ်သွားခဲ့တဲ့ ညီမဖြစ်သူရဲ့ကလေးတွေဖြစ်ပြီး တနည်းအားဖြင့် သူမနဲ့တူ မြေးတော်စပ်နေကြတာပင်။
YOU ARE READING
??? ???? [???????????? ??????????????](OC_ongoing)
Fantasy???????????????????????????? ???????????...????????????????????????? ??????????????? ?????????????????? ????????????????????????????????? ? ???????????????.. ?????????? ????????????????????????????? ????????????????.. ???????????????????????????????...
](https://img.wattpad.com/cover/388254737-64-k314944.jpg)