" ?????????????????????? "

Unicode

အခန်း_(၁၁) မင်းရယ်မောနေချိန်မှာ နွေဦးပန်းတွေရဲ့အလှတောင် ညှိုးမှိန်သွားလေရဲ့

နံနက်ဦး.. နွေလလယ်ရာသီ၏ အနည်ငယ်ပူနွေးသော လေညှင်းသစ်က သူမ၏အခန်းပြတင်းကနေ မျက်နှာ
ပေါ်သို့ နူးညံ့စွာလာရောက်ထိတွေ့သည်။
နွေဦးကုန်လွန်သွားပြီး ခြောက်သွေ့သွားသည့် သစ်ရွက်ကြွေများနှင့်အတူအနံ့အသက်အသစ်တစ်ခုကိုသယ်ဆောင်လာသည်။
လီမေရုံတစ်ယောက် မျက်လုံးမဖွင့်သေးပဲ ထိုလေကို တဝကြီးရှူသွင်းလိုက်သည်။

" သခင်မလေး..! အိပ်ယာထပါတော့
လက်ထောက်သံတမန်စောင့်နေတယ် "

လီချွမ်တစ်ယောက် ပြတင်းပေါက်တံခါးတွေလိုက်လံဖွင့်ကာ သူမအား အသံစာစာဖြင့်နှိုးနေသည်ကိုမြင်ရသည်။

" သူကတော့နော် တကယ်ပါပဲ
အိမ်ရှင်တွေတောင်မနိုးသေးဘူး အစောကြီး ရောက်လာပြီ ငါ့ကို အရမ်းခိုင်းစားချင်နေတာ
အိပ်ကောင်းခြင်းမအိပ်ရပါလား "

လီမေရုံမှာ ဤသို့ မကျေမနပ် ပွစိပွစိရေရွတ်လျက် မျက်နှာသစ်ကိုယ်လက်သန့်စင်ရတော့သည်။
အိမ်မကြီးဘက်ရောက်တော့ ဥယျာဉ်ထဲမှာစောင့်နေတယ်ဟုဆိုလာသဖြင့် ထိုနေရာသို့ထွက်လာခဲ့မိသည်။
ထိုအခါ သူမတို့ဧည့်ခန်းဆောင်မနီးမဝေးရှိ ဥယျာဉ်ထဲ၌ ရှန်ခယ်ဖုန်းကို ကိုယ်ကျပ်သိုင်းဝတ်စုံအနက်ရောင်ဖြင့် တွေ့မြင်လိုက်ရာ ထိုလူ၏မြင့်မားသောအရပ်အမောင်းနှင့် တောင့်တင်းကျစ်လစ်သောခန္တာကိုယ်တို့ကြောင့် ငေးကနဲပင်ဖြစ်မိသွားရသည်။
သူမအနားသို့ရောက်သည်နှင့် ထိုလူကပြုံး၍ကြည့်ကာ ပြောလာသည်။

" ငါကြည့်နေတာ ဒီရက်တွေ မင်းတို့အိမ်တော်ကို မကြာခဏရောက်ပေမယ့် မင်းညီမဆိုတာကို တစ်ခါမှမတွေ့မိဘူး
လီဝမ်ရုံ..! မင်းက မင်းညီမအလှလေးမို့ ဝှက်ထားတာများလား "