In Case You Wondered

Chinat ko si Jai habang puno na naman ng sama ng loob ang dibdib ko.

Jai: "Bakit ba ako concerned sa love life mo?"

Me: "Kasi.."

Jai: "Hindi dapat 'yung nagpapauto ka sa matatamis na salita."

Me: "Alam mong vulnerable ako."

Jai: "Sobra."

Tama siya. Ang hina ko pala talaga. Madali akong bumigay sa matatamis na salita—siguro kasi love language ko 'yon. Pero paano kung puro salita lang? Walang gawa?

Nakakainis talaga 'yung mga lalake, no? Ang bibilis magsabi ng "I love you," pero ang bilis ding mang-iwan pag 'di na convenient.

Anyway, malapit na birthday ni Thea. Sabi niya, kila Xid daw siya magce-celebrate. Close kami sa pamilya ni Xid, lalo na kay Sab at kay Tita. Si Tita na rin mismo ang nag-suggest na doon nalang ganapin. Kaunting salu-salo lang, puro close friends.

[Phone Call]

"Hello?" Tumawag si Thea sa 'kin

"Hello, bakitt?" Sagot ko sakanya, kasi bigla siyang nagmiss call.

Pero ilang segundo na ang tahimik lang at walang sumasagot sa hello ko.

"Sabihin mo na."
"Ikaw na!"

Familiar 'yung boses, magkasama sila ni Xid at mukhang may balak sabihin 'tong mga 'to at nagtuturuan pa.

Thea: "Ininvite namin si... ano... sa birthday ko. Okay lang ba?"

"Okay lang naman."
Birthday niya 'yon, sino ba naman ako para diktahan siya?

Alam kong magiging awkward, pero para kay Thea, ayos lang. At least invited din sina Marcus at Sean, kaya may kakampi ako.

[Recess]

Nilapitan ko si Sean.

"Uy, sama ka ha." Paalala ko sakanya dahil bukas na 'yun

"May lakad kami... pero try ko," sagot niya. May biglaang gala pala sila, e nag-agree na siya nung una. 

"Ahh ganun. Sana makasunod ka" 

Si Marcus, confirmed na sasama. So at least may kasama ako kahit papaano.

Araw na ng birthday ni Thea.

Nauna pa ako kila Xid kaysa kay Thea. Ayoko pang pumasok. Andoon na raw si Adie.

Me: "Sean, susunod ka ba?"

Sean: "Di ko pa alam e. Nasa Kapasigan pa kami." Sabay send ng update kung nasaan siya.

Me: "Andito na kasi ako, nahihiya akong pumasok."

Sean: "Kung susunod ako. Wala akong kasabay... Nahihiya rin ako."

Nakakainis. Alam ko namang gusto niya talagang sumunod, pero hinayaan ko na.

Me: "Marcus, saan ka na?"

Marcus: "Maliligo palang."

Me: "Tanginamo talaga e no."

Me: "Ge, antayin kita. Bilisan mo naman."

Marcus: "Oo na, teka lang."

Ilang minutes din akong naghintay, kalalaking tao ang bagal kumilos. Pero malayo din kasi pinanggalingan no'n, mga isang Jeep lang. haha.