ON THE EDGE

EPISODE 29

      គេបានស្ដីឲ្យពួកក្មេងទាំងនោះហើយអូសដៃខ្ញុំចេញមកព្រមទាំងនិយាយ។

      “ ឯងត្រូវតែធ្វើខ្លួនឲ្យក្លាហាន ហ៊ានប្រឈមជាមួយមនុស្សទាំងអស់នោះ ! ត្រូវធ្វើខ្លួនឲ្យដូចជាកូនប្រុសម្នាក់ ! ”

      “ ត្រូវធ្វើខ្លួនឲ្យដូចជាកូនប្រុសមែនទេ ? ”

       សម្ដីរបស់គេធ្វើឲ្យខ្ញុំមានអារម្មណ៍ថាគេគួរឲ្យកោតសរសើរខ្លាំងណាស់ មិនខុសទេដែលខ្ញុំចូលចិត្តគេ ចង់ធ្វើជាមិត្តភក្ដិរបស់គេ។

       នៅពេលនោះក្មេងប្រុសម្នាក់នោះក៏ងាកមកនិយាយដោយញញឹមស្ញេញដាក់ខ្ញុំ។

      “ ខ្ញុំនិយាយតាម hero របស់ខ្ញុំទេ.. ហិហិ ”

      “ អ្នកណាទៅ... ?? ”

      “ នោះអី.. អ៎ូ យ៉េៗ !! Jeffie រត់មកដល់មុនគេហើយ ! នាងប្រាកដជាជាប់លេខមួយទៀតហើយ ”

       ក្មេងប្រុសដែលមានឈ្មោះថា Taehyung ស្រែកហ៊ោទាំងក្ដីរីករាយនៅពេលដែលឃើញក្មេងស្រីម្នាក់ដែលនៅក្បែរគេរាល់ថ្ងៃរត់មកដល់ទីផ្ដាច់ព្រ័ត្រមុនគេ។ ខ្ញុំងាកមើលតាមគេ បន្ទាប់មកក៏ឃើញក្មេងស្រីម្នាក់ដែលឈរញញឹមពព្រាយនៅក្នុងហ្វូងសិស្សផ្សេងទៀតទាំងញើសហូរជោគខ្លួន។

       នាងជា hero របស់គេឬ ?

      “ នាងគឺជា hero.. ? ”

      “ ពិតមែនហើយនាងពូកែណាស់ណ៎ាហើយជួយខ្ញុំជាច្រើនទៀត.. នាងជា hero របស់ខ្ញុំ ! Jeffie ជា hero របស់ខ្ញុំ !! ”

       Taehyung ស្រែកឡើងដោយលោតកញ្ឆេង ខ្ញុំមើលទៅគេទាំងភាំងភ្លឹកបន្តិចបន្ទាប់មកខ្ញុំក៏លោតតាមគេហើយស្រែក។

       “ នាងក៏ជា hero របស់ខ្ញុំដែរ !! ”

       “ វ៉ាសស៎.. ពិតមែនឬ ?? ” Taehyung ឈប់លោតហើយស្រែកសួរខ្ញុំ។

       “ ពិតមែនហើយ !! ”

      “ ខ្ញុំរកឃើញអ្នកដែលមានចិត្តដូចខ្ញុំហើយ ! ត៎ោះទៅរក Jeffie ! ”

       Taehyung បន្លឺហើយអូសដៃខ្ញុំរត់តម្រង់ទៅរកក្មេងស្រីម្នាក់នោះ។ នាងងាកមើលពួកយើងពីចម្ងាយហើយគ្រវីដៃឡើងដោយស្នាមញញឹម។