Troublemaker

Challenge # 17

"Sa bahay... sa silid ko, sa loob ng walk – in closet, may vault sa loob ng cabinet sa bandang kaliwa. Naroon lahat ng listahan ng kasabwat ni Papa sa sindikato. The combination is 7678."

"Bakit mo sinasabi sa akin ito?"

"Hindi ako makakauwi sa bahay, Adi. Itinakwil na ako ng Papa. Ikaw at ang mga kasama mo ang tanging makakapasok sa bahay namin. Wala ang Papa bukas ng gabi, lilipad siya pa-Cebu kasama si Mama. Si Saide lang ang maiiwan sa bahay. Ikaw nang bahalang mag-plano. Lalabas ako, at magsasalita sa oras na masisiguro ninyo sa akin ang kaligtasan ni Saide."

"Paano maliligtas si Saide kung siya ang unang bumaril sa tatay ko?" Sinumbat ko iyon sa kanya.

"Wala sa katinuan si Saide!"

"Korte ang magpapatunay noon, Tomas." Wika ko. Wala na akong pakialam sa Plan A. Plan B kami, pero kukunin ko muna ang sinasabi niyang listahan sa vault na iyon. I am taking that man down!

"Adi! Please spare, Saide!" Sumisigaw siya. Wala naman akong pakialam. Lumabas ako ng silid na iyon. I made sure that it is locked. Nagtatakang nakatingin sa akin si Jose Andres at Jestoni. Alam kong namumula ang mukha ko sa galit pero putang ina! Putang ina talaga!

"Adi?"

"Kailangan natin iyong blueprint ng bahay ng mga Dominguez. Papasok tayo sa loob. Kailangan kong makuha ang mga listahang iyon at saka tayo magpo-proceed sa Plan B."

"So, ayaw ni Tomas iladlad ang pamilya niya." Komento ni Andres. I looked at him.

"Si Saide ang unang bumaril sa tatay ko. I will make sure she rots in jail. That crazy bitch! I will never let her get away with this?!" Galit na galit ako.

Buong magdamag naming ginagawan ng plano ang pagpasok sa bahay ng mga Dominguez, madali para kay Toni ang lahat, in an hour, nakuha niya ang blueprint ng bahay ng mga Dominguez, pinag-aralan niya iyon at nakabuo siya ng konkretong plano kung paano ako makakapasok sa loob.

Si Jose Andres ay matagal nang nagmamatyag sa bahay ng mga Dominguez, alam niya ang galaw ng mga kasama sa bahay. Bukas, Biyernes ay garbage day, alas siyete nang gabi, inalalabas ng isang maid ang basura, sa back door ito, dumaraan, doon ako papasok, sisiguruhin kong walang makakakita sa akin.

Buong magdamag kong naririnig ang pakiusap ni Tomas sa akin, ilang beses rin akong tinanong nina Andres kung desidido na raw ako, ilang beses na rin akong sumagot ng OO. Kung noon gusto kong tulungan si Saide, ngayon, wala na akong balak. Mabulok silang dalawa ng tatay niya sa kulungan, wala na akong pakialam.

The time came. Ako, si Toni at si Andres ay naka-park sa labas ng bahay ng mga Domiguez, we were three blocks away. Nag-aabang kami ng oras. Kotse ko ang dala namin. Pinaghandaan ko talaga ito. May dala akong tazer gun, totoong baril at may balisong pa akong dala. Hindi ako papatalo kay Saide, hindi ako maaawa sa kanya.

Nakita naming bumukas ang gate ng mga Dominguez, naglabas ng basura ang maid pero nagtagal iyong nakabukas dahil nakipagkwentuhan pa siya sa maid ng kapitbahay. Bumaba ako ng kotse at mabilis na tumakbo. Masyadong abala ang maid, at ang kausap niya, hindi nila ako napansin. Nakapasok ako nang walang aberya.

"I'm in." I told Toni. May mic at earpiece na nakakabit sa akin. Ang sabi ni Toni, sa bandang east wing ng bahay naroon ang silid ni Tomas, pang-apat na bintana sa kanan. Gumilid ako. Tumingala at nagbiglang, hindi naman ako nahirapang hanapin iyon. Dahan-dahan akong umakyat sa pader. May dala akong lubid. Matataas ang pader ng mga Dominguez, hindi mahirap akyatin.