Uni Code
" အညို... ဘယ်လိုထင်လဲ "
" ဘာကိုလဲ... "
" စောစောက ဦးနေတို့ပြောပြတဲ့
သရဲ အခြောက်ခံရတဲ့ အကြောင်းကိုလေ "
" အဲ့တာကကိုယ်လည်း မပြောတတ်ဘူး
သေချာတာက.. နေမင်းခန့်လိုလူမျိုးက
မဟုတ်တဲ့ အကြောင်းကို အဟုတ်ဆိုပြီး
ဘယ်တော့မှ ပြောလာမှာမဟုတ်တာကိုပဲ "
" အဲ့တာဆိုရင်တော့... စိတ်ညစ်စရာကြီး "
အညိုရောင် မျက်နှာကြီးရှုံ့တွက
ပြောနေတဲ့ အလင်းရောင်ကြောင့်
စိတ်ရှုတ်နေရတဲ့ကြားထဲက ရယ်ဖြစ်သွားသည်။
နောက်ဆုံးတော့လည်း ကလေးက
ကလေးပါပဲလေ။
" အညို... ကျွန်တော် သေးပေါက်ချင်လို့
အိမ်သာလိုက်ခဲ့ပါလား... "
" ကိုယ့်ဘာသာသွားလေ...
အိမ်သာက အေ၀းကြီးလည်း မဟုတ်တာကို "
" အာ... အညိုကလည်း ..
လမ်းမှာ သရဲနဲ့တိုးနေရင်
ဘယ်လိုလုပ်မလဲ "
" အဲ့တာဆိုလည်း မင်္ဂလာပါလို့
နှုတ်ဆက်လိုက်လေ "
" ဟ ... အညိုနော်
ကျွန်တော် ကြောက်ပါတယ်ဆို "
အလင်းရောင်ရဲ့ ရှားရှားပါးပါး
တစ်ကယ် ကြောက်နေသည့်
အမူအယာကြောင့် အညိုရောင်
မျက်ခုံးများ ပင့်သွားရသည်။
မဟုတ်မှ အလင်းရောင်
အတည်ကြီး ကြောက်နေတာလား။
" မင်း အတည်ကြီးကြောက်နေတယ်လိုတော့
ကိုယ့်ကို မပြောနဲ့နော် အလင်းရောင်"
"...... "
" f**k... အတည်ကြီးလား "
အညိုရောင်မှာ အရှေ့က
သူ၏ချစ်သူ့အား မယုံနိုင်စွာ
ကြည့်ရင်း ထပ်မေးမိသည်။
ဘာလို့ဆို သူတစ်ကြိမ်တစ်မျှ အလင်းရောင်
သရဲကြောက်တတ်မည်ဟု မထင်ခဲ့မိ၍ပင်။
ပြောကာမှပဲ အလင်းရောင် သူနှင့်တစ်ခါမျှ
သရဲကားအတူမကြည့်ဖူးကြောင်းပါ
သတိရမိသွားသည်။
" ကျွန်တော် ငယ်ငယ်ထဲက
သရဲကြောက်တတ်တာ... အခုကြီးတဲ့ထိပဲ
အဲ့တာကြောင့် ကျွန်တော်တစ်ခါမှ
သရဲအိမ် ၀င်တာတို့...
သရဲကားကြည့်တာတို့ကို မလုပ်ခဲ့ဖူးဘူး.. "
" အဲ့တာက အဆင်ပြေပါတယ်...
လူတိုင်းမှာ ကိုယ်အထိမခံနိုင်တဲ့
phobia တစ်မျိုးစီ ရှိနိုင်တတ်ကြတာပဲလေ "
YOU ARE READING
Don't Put Me In Unclezone(U+Z)
Romance????????? ????????????? ????????????????????????? ?????????????? ????????????? ??????? ???????? ??????????? ?????????? ?? fic ??????? ???????? ?????? ????????????? :X xxxxxxxxxx Zawgyi Code ????????? ????????????? ????????...
